2023       12            07                                        113/ШШ2023/0011

 

 

Хариуцагч прокурорын дүгнэлтийг

хүлээн зөвшөөрснийг баталж, хэргийг

хэрэгсэхгүй болгох тухай

  

Говьсүмбэр аймаг дахь Захиргааны хэргийн анхан шатны шүүхийн шүүгч Х.Э би Говьсүмбэр аймгийн Прокурорын газрын хяналтын прокурор А.А-н дүгнэлттэй, Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г-д холбогдуулан гаргасан Эрх бүхий албан тушаалтны 2023 оны 5 дугаар сарын 01-ний өдрийн 0527002 дугаартай шийтгэлийн хуудсыг хүчингүй болгуулах тухай шаардлага бүхий дүгнэлтээр захиргааны хэрэг үүсгэн хянаад

 

ТОДОРХОЙЛОХ нь:

Хариуцагч шүүхэд ирүүлсэн хариу тайлбартаа: Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г би “......” ХХК-ийн захирал Н.Г нь “Цахим санхүүгийн тайлангийн системд бүртгүүлээгүй” зөрчилд зөрчлийн хэрэг бүртгэлтийн ажиллагаа явуулж 0527002 дугаартай шийтгэлийн хуудсаар шийтгэл оногдуулахдаа хуулийг буруу хэрэглэсэн алдаа гаргасан тул Говьсүмбэр аймгийн Прокурорын газрын хяналтын прокурор А.А-н 2023 оны 11 дүгээр сарын 21-ний өдрийн 38 дугаартай дүгнэлтийн шаардлагыг хүлээн зөвшөөрч байна гэжээ.

 

ҮНДЭСЛЭХ нь:

Тус шүүх Зөрчил шалган шийдвэрлэх тухай хуулийн 2.1 дүгээр зүйлийн 2-д Захиргааны хэргийн шүүх ... прокурорын дүгнэлтээр зөрчил хянан шийдвэрлэнэ гэж заасны дагуу Говьсүмбэр аймгийн Прокурорын газрын хяналтын прокурор А.А-н 2023 оны11 дүгээр сарын 21-ний өдрийн 38 дугаар дүгнэлтийг 2023 оны 12 дугаар сарын 01-ний өдөр хүлээн авч, 113/ШЗ2023/0093 дугаар шүүгчийн захирамжаар захиргааны хэрэг үүсгэн, хэрэг хянан шийдвэрлэх ажиллагаа явуулсан болно.

Говьсүмбэр аймгийн Прокурорын газрын хяналтын прокурор А.А-н дүгнэлттэй, Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г-д холбогдуулан гаргасан Эрх бүхий албан тушаалтны 2023 оны 5 дугаар сарын 01-ний өдрийн 0527002 дугаартай шийтгэл оногдуулсан шийтгэлийн хуудсыг хүчингүй болгуулах тухай шаардлага бүхий дүгнэлтийг хариуцагч Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г хүлээн зөвшөөрснөө 2023 оны 12 дугаар сарын 05-ны өдөр бичгээр шүүхэд гаргаж, илэрхийлжээ.

Захиргааны хэрэг шүүхэд хянан шийдвэрлэх тухай хуулийн 21 дүгээр зүйлийн 21.1.1, 67 дугаар зүйлийн 67.1-д нэхэмжлэлийн шаардлагыг хүлээн зөвшөөрөх ..., Хариуцагч нэхэмжлэлийн шаардлагыг бүхэлд нь хүлээн зөвшөөрсөн нь бусад этгээдийн эрх, эрх чөлөө, хууль ёсны ашиг сонирхлыг хөндөхөөргүй, хуульд харшлаагүй байвал шүүх хариуцагчийн зөвшөөрлийг баталж, хэргийг хэрэгсэхгүй болгоно гэж заасан.

Иймд Говьсүмбэр аймгийн Прокурорын газрын хяналтын прокурор А.А-н 2023 оны 11 дүгээр сарын 21-ний өдрийн 38 дугаар дүгнэлтийг хариуцагч Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г хүлээн зөвшөөрснөө шүүхэд бичгээр гаргаж, түүнээс гарах үр дагавартай танилцаж, хүсэл зоригоо илэрхийлсэн тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй байна.

 Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсэгт заасныг удирдлага болгон ЗАХИРАМЖЛАХ нь:

            1. Захиргааны хэрэг шүүхэд хянан шийдвэрлэх тухай хуулийн 67 дугаар зүйлийн 67.1 дэх хэсгийг баримтлан Говьсүмбэр аймгийн Прокурорын газрын хяналтын прокурор А.А-н дүгнэлттэй, Говьсүмбэр аймгийн Засаг даргын Тамгын газрын Санхүү, төрийн сангийн хэлтсийн бүртгэлийн мэргэжилтэн, Нягтлан бодох бүртгэлийн хяналтын улсын байцаагч Б.Г-д холбогдуулан гаргасан Эрх бүхий албан тушаалтны 2023 оны 5 дугаар сарын 01-ний өдрийн 0527002 дугаартай шийтгэл оногдуулсан шийтгэлийн хуудсыг хүчингүй болгуулах тухай шаардлага бүхий дүгнэлтийг хариуцагч хүлээн зөвшөөрснийг баталж, хэргийг хэрэгсэхгүй болгосугай.

            2. Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт заасны дагуу Говьсүмбэр аймгийн Прокурорын газар нь тэмдэгтийн хураамжаас чөлөөлөгдсөн болохыг дурдсугай.

3. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2 дахь хэсэгт зааснаар хэргийг хэрэгсэхгүй болгосон шүүгчийн захирамжид гомдол гаргах эрхгүй бөгөөд шүүхийн шийдвэрийн нэгэн адил биелүүлэхийг дурдсугай.

 

 

                                ШҮҮГЧ                                       Х.ЭРДЭНЭТУЯА