МОНГОЛ УЛСЫН НЭРИЙН ӨМНӨӨС

 

 

Дорноговь аймаг дахь Сум дундын эрүүгийн хэргийн анхан шатны шүүхийн шүүгч Н.Адъяа даргалж

Нарийн бичгийн даргаар шүүгчийн туслах С.Шинэбаяр

Улсын яллагчаар хяналтын прокурор Ө.Мөнхнавч

Шүүгдэгч Б.Түвшинжаргал нарыг  оролцуулан тус шүүхийн шүүх хуралдааны танхимд нээлттэй хийсэн шүүх хуралдаанаар Дорноговь аймгийн Прокурорын газраас Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн Б.Түвшинжаргалд холбогдох эрүүгийн 1719000000040 дугаартай хэргийг 2017 оны 10 дугаар сарын 04-ний өдөр хүлээн авч  хянан хэлэлцэв.

 

Шүүгдэгчийн биеийн байцаалт:

Монгол Улсын иргэн, 1976 оны 11 дүгээр сарын 22-ны өдөр Сүхбаатар аймгийн Баруун-Урт суманд төрсөн, 41 настай, эрэгтэй, бүрэн бус дунд боловсролтой, мэргэжилгүй, эрхэлсэн тодорхой ажилгүй, Дорноговь аймгийн Сайншанд сумын 2 дугаар баг Дулдуйтын 15-16 тоотод оршин суух хаягтай, урьд ял шийтгэлгүй, Харчин овогт Бадрахын Түвшинжаргал /СЩ76112219/.

Холбогдсон хэргийн талаар: /яллах дүгнэлтээр/

Шүүгдэгч Б.Түвшинжаргал нь 2017 оны 09 дүгээр сарын 10-ны өдөр Дорноговь аймгийн Сайншанд сумын 4 дүгээр багийн нутагт үйл ажиллагаа явуулдаг Интертранс ХХК-ний хашаанаас иргэн Б.Буднямын тээврийн хэрэгслийн нум төмрийг хулгайлж, 590,000 төгрөгний хохирол учруулсан гэмт хэрэгт холбогджээ.

 

ТОДОРХОЙЛОХ нь:

   Шүүхийн хэлэлцүүлэгт  дараахь нотлох баримтыг шинжлэн судлав. Үүнд:

 

Шүүгдэгч Б.Түвшинжаргалын шүүхийн хэлэлцүүлэгт: Мэдүүлэг өгөхгүй гэв,

Шүүгдэгч Б.Түвшинжаргалын мөрдөн байцаалтанд өгсөн: "... Надад сонсгосон ялыг ойлгож хүлээн зөвшөөрч байна... Интер транс ХХК-ний хашааны зүүн урд талаас нь давж орсон... хогноос ойролцоогоор 30-470 метрийн зайд ...том машины хажуу талд нь машины нум нэг дор нь овоолоод хаячихсан байхаар нь ...уг төмрүүдийг аваад хашаан дээгүүр давуулж шидчихээд өөрөө хашаан дээгүүр давж гараад усны тэргэн дээрээ хаягдал төмруудээ ачиж авсан...” гэсэн мэдүүлэг /хх-ийн 3-4 дүгээр хуудас/,

Хохирогч П.Буднямын мөрдөн байцаалтанд өгсөн: "...машинаа 19 цагийн орчимд задлаад харин солих гэж байсан урт, богино, дунд зэрэг хэмжээтэй 10 ширхэг нумнуудыг машиныхаа хажууд тавьсан байсан... тэгээд маргааш нь буюу 2017 оны 09 дүгээр сарын 10-ны өгдөө 09 цагийн орчимд машин руугаа очсон чинь тэнд сольж хийх гэж байсан хуучин 10 ширхэг нумнууд бүгд алга болсон байсан...” гэсэн мэдүүлэг /хх-ийн 17-18 дугаар хуудас/,

Шинжээчийн 2017 оны 09 дүгээр сарын 28-ны өдрийн 062 дугаартай: “...Хэргийн газраас бэхжүүлж авсан гутлын мөр нь яллагдагч Б.Түвшинжаргалын гутлын мөртэй тохирч байна...” гэсэн дүгнэлт/хх-ийн 29-31 дүгээр хуудас/,

Ашид билгүүн ХХК-ний 2017 оны 09 дүгээр сарын 11-ний өдрийн ДГО 682 дугаартай: “...Норд бенз автомашины /урт нум/ 3 ширхэг 390,000 төгрөг, Норд бенз автомашины /дунд нум/ 3 ширхэг 120,000 төгрөг, Норд бенз автомашины /богино нум/ 4 ширхэг 80,000 төгрөг, нийт 590,000 төгрөг...” гэсэн үнэлгээ /хх-ийн 25 дугаар хуудас/,

          Ял шийтгэгдсэн эсэхийг шалгах хуудас /хх-45/ зэргийг шинжлэн судлав.

 

           Шүүгдэгчийн гэм буруугийн талаар:

Шүүгдэгч Б.Түвшинжаргал нь 2017 оны 09 дүгээр сарын 10-ны өдөр Дорноговь аймгийн Сайншанд сумын 4 дүгээр багийн нутагт үйл ажиллагаа явуулдаг Интертранс ХХК-ний хашаанаас иргэн Б.Буднямын тээврийн хэрэгслийн нум төмрийг хулгайлж, 590,000 төгрөгний хохирол учруулсан гэм буруутай, улсын яллагчийн яллах гэм бурууг тогтоох дүгнэлт нь үндэслэлтэй болох нь хавтаст хэрэгт цугларсан энэ хэрэгт хамааралтай, хуульд заасан журмын дагуу бэхжүүлэгдсэн, Эрүүгийн хэрэг хянан шийдвэрлэх тухай хууль зөрчөөгүй нотлох баримтууд болох Шүүгдэгч Б.Түвшинжаргалын мөрдөн байцаалтанд өгсөн: "... Надад сонсгосон ялыг ойлгож хүлээн зөвшөөрч байна... Интер транс ХХК-ний хашааны зүүн урд талаас нь давж орсон... хогноос ойролцоогоор 30-470 метрийн зайд ...том машины хажуу талд нь машины нум нэг дор нь овоолоод хаячихсан байхаар нь ...уг төмрүүдийг аваад хашаан дээгүүр давуулж шидчихээд өөрөө хашаан дээгүүр давж гараад усны тэргэн дээрээ хаягдал төмруудээ ачиж авсан...” гэсэн мэдүүлэг, Хохирогч П.Буднямын мөрдөн байцаалтанд өгсөн: "...машинаа 19 цагийн орчимд задлаад харин солих гэж байсан урт, богино, дунд зэрэг хэмжээтэй 10 ширхэг нумнуудыг машиныхаа хажууд тавьсан байсан... тэгээд маргааш нь буюу 2017 оны 09 дүгээр сарын 10-ны өгдөө 09 цагийн орчимд машин руугаа очсон чинь тэнд сольж хийх гэж байсан хуучин 10 ширхэг нумнууд бүгд алга болсон байсан...” гэсэн мэдүүлэг, Шинжээчийн 2017 оны 09 дүгээр сарын 28-ны өдрийн 062 дугаартай: “...Хэргийн газраас бэхжүүлж авсан гутлын мөр нь яллагдагч Б.Түвшинжаргалын гутлын мөртэй тохирч байна...” гэсэн дүгнэлт, Ашид билгүүн ХХК-ний 2017 оны 09 дүгээр сарын 11-ний өдрийн ДГО 682 дугаартай гэсэн үнэлгээ зэргээр тогтоогдож байна гэж үзлээ.

 

            Шүүгдэгч Харчин овогт Бадрахын Түвшинжаргалыг бусдын эд хөрөнгийг нууцаар, хууль бусаар авч хулгайлах гэмт хэргийг үйлдсэн гэм буруутайд тооцож, ял шийтгэл оногдуулах үндэслэлтэй гэж үзлээ.

Хохирогч П.Будням нь мөрдөн байцаалтанд өгсөн мэдүүлэгтээ “ нэхэмжлэх зүйлгүй, гомдол, саналгүй” гэсэн байх тул шүүгдэгчийг бусдад төлөх төлбөргүй гэж үзлээ.

Шүүгдэгч нь бусдад төлөх төлбөргүй, хэрэгт эд мөрийн баримтаар хураагдан ирсэн зүйлгүй, хэрэгт битүүмжлэгдсэн зүйлгүй, түүний иргэний бичиг баримт шүүхэд ирээгүй болохыг дурдах нь зүйтэй байна.

 

Шүүгдэгч анх удаа хөнгөн гэмт хэрэг үйлдсэн, хохирол төлбөрөө нөхөн төлсөн байдлыг ял шийтгэлийг хөнгөрүүлэх байдалд тооцлоо.

 

Монгол Улсын Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1, 4 дэх хэсэг, 36.6, 36.7, 36.8, 36.10 дугаар зүйлийн 4, 37.1 дүгээр зүйлүүдийг тус тус удирдлага болгон ТОГТООХ нь:

 

1. Шүүгдэгч Харчин овогт Бадрахын Түвшинжаргалыг бусдын эд хөрөнгийг нууцаар, хууль бусаар авч хулгайлах гэмт хэргийг үйлдсэн гэм буруутайд тооцсугай.

 

           2. Эрүүгийн хуулийн 17.1 дүгээр зүйлийн 1 дэх хэсэгт зааснаар шүүгдэгч Б.Түвшинжаргалыг 250 цаг нийтэд тустай ажил хийлгэх ялаар шийтгэсүгэй.

 

3. Эрүүгийн хуулийн 5.4 дүгээр зүйлийн 4 дэх хэсэгт зааснаар шүүгдэгч Б.Түвшинжаргал нь нийтэд тустай ажил хийлгэх ялыг биелүүлээгүй бол нийтэд тустай ажил хийлгэх ялын 8 цагийн ажлыг 1 хоногоор тооцож хорих ялаар солихыг мэдэгдсүгэй.

          

4. Шүүгдэгч нь бусдад төлөх төлбөргүй, хэрэгт эд мөрийн баримтаар хураагдан ирсэн зүйлгүй, битүүмжлэгдсэн зүйлгүй, түүний иргэний бичиг баримт шүүхэд хураагдаж ирээгүй болохыг тус тус дурдсугай.

 

5. Шүүхийн шийдвэр гүйцэтгэх тухай хуулийн 162 дугаар зүйлд зааснаар шүүгдэгч Б.Түвшинжаргалд хяналт тавихыг Дорноговь аймаг дахь  Шүүхийн шийдвэр гүйцэтгэх албанд даалгасугай.

6. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1.5 дахь хэсэгт зааснаар шийтгэх тогтоол хүчин төгөлдөр болтол шүүгдэгч  Б.Түвшинжаргалд урьд авсан хувийн баталгаа гаргах таслан сэргийлэх арга хэмжээг тогтоол хүчин төгөлдөр болтол хэвээр үргэлжлүүлсүгэй.

 

7. Эрүүгийн хэрэг хянан шийдвэрлэх хуулийн 36.10 дугаар зүйлийн 4 дэх хэсэгт зааснаар шүүхийн шийтгэх тогтоол уншин сонсгосноор хүчинтэй болохыг дурдсугай.

 

8. Эрүүгийн хэрэг хянан шийдвэрлэх тухай хуулийн 38.2 дугаар зүйлийн 1 дэх хэсэгт зааснаар шийтгэх тогтоолыг эс зөвшөөрвөл прокурор, дээд шатны прокурор, оролцогч шийтгэх тогтоол гардан авсан буюу хүргүүлснээс хойш 14 хоногийн дотор Дорноговь аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах, прокурор эсэргүүцэл бичих эрхтэй болохыг дурдсугай.

 

 

 

                     ДАРГАЛАГЧ                                Н.АДЪЯА