2024 05 15 *******4/ШШ2024/02699

 

 

 

Зохигчдын эвлэрлийг баталж

хэргийг хэрэгсэхгүй болгох тухай

 

******* дүүргийн Иргэний хэргийн анхан шатны шүүхийн шүүгч Б.Хишигбаатар би,

 

Нэхэмжлэгч: ******* дүүрэг, 6 дугаар хороо, ХМК тоосгоны гудамж өөрийн байр хаягт байрлах, ******* дүүргийн Хөдөлмөр, халамжийн үйлчилгээний хэлтэс /регистрийн дугаар: 6108466/-ийн нэхэмжлэлтэй,

 

Хариуцагч: ******* дүүрэг, ******* дугаар хороо, ******* байр, ******* тоот хаягт оршин суух, ******* ******* овогт ******* ******* /регистрийн дугаар: *******/-т холбогдох,

 

Санхүүгийн дэмжлэг олгох гэрээний үүрэгт 948,500 төгрөг гаргуулах нэхэмжлэлийг 2024 оны 05 дугаар сарын 07-ны өдөр хүлээн авч, 2024 оны 05 дугаар сарын 14-ний өдөр иргэний хэрэг үүсгэн хянаад,

 

ТОДОРХОЙЛОХ нь:

 

Нэхэмжлэгч ******* дүүргийн Хөдөлмөр, халамжийн үйлчилгээний хэлтэс нь шүүхэд гаргасан нэхэмжлэлдээ: Хөдөлмөр эрхлэлтийн үндэсний зөвлөлийн 2019 оны 01 дүгээр сарын 14-ний өдрийн 01 дүгээр тогтоолоор батлагдсан ажлын байрыг дэмжих хөтөлбөрийн санхүүгийн дэмжлэгийн арга хэмжээнд ******* ******* овогт ******* ******* /регистрийн дугаар: *******/ нь 2019 онд 3,000,000 төгрөгийн санхүүгийн дэмжлэг авч гэрээнд заасан хуваарийн дагуу 36 сарын дотор эргүүлэн төлөх ёстой бөгөөд удаа дараа нэхэмжилж шаардсан боловч өнөөг хүртэл бүрэн төлөөгүй байна. Хариуцагч нь санхүүгийн дэмжлэг олгох гэрээний 3.5-д заасны дагуу эргэн төлөгдөх 940,000 төгрөгийг хавсралтад тусгасан хуваарийн дагуу төлөх үүргээ биелүүлээгүй тул гэрээний 6.3-т заасны дагуу эргэн төлүүлж авлагыг барагдуулж өгнө үү. ******* дүүргийн Хөдөлмөр, халамжийн үйлчилгээний хэлтсийн нэхэмжлэлтэй иргэн ******* ******* овогт ******* *******т холбогдох иргэний хэрэгт Улсын тэмдэгтийн хураамжийн тухай хуулийн 41 дүгээр зүйлийн 41.1.3 заалтын дагуу тэмдэгтийн хураамжаас чөлөөлж өгнө үү. Иймд санхүүгийн дэмжлэг олгох гэрээний үүрэгт 948,500 төгрөгийг хариуцагч Д.*******аас гаргуулж өгнө үү. гэжээ.

Зохигчдын шүүхэд ирүүлсэн эвлэрлийн гэрээнд: Хариуцагч Д.******* миний бие 2024 оны 06 дугаар сарын 14-ны өдөр 316,166.67 төгрөг, 2024 оны 07 дугаар сарын 14-ны өдөр 316,166.67 төгрөг, 2024 оны 08 дугаар сарын 14-ны өдөр 316,166.67 төгрөгийг тус тус ******* дүүргийн Хөдөлмөр, халамжийн үйлчилгээний хэлтэст төлж барагдуулахыг хүлээн зөвшөөрч, эвлэрлийн гэрээ байгуулав гэжээ.

ҮНДЭСЛЭХ нь:

 

Нэхэмжлэгч ******* дүүргийн Хөдөлмөр, халамжийн үйлчилгээний хэлтэс нь хариуцагч Д.*******т холбогдуулан санхүүгийн дэмжлэг олгох гэрээний үүрэгт 948,500 төгрөг гаргуулах нэхэмжлэл гаргажээ.

 

Хэрэг хянан шийдвэрлэх ажиллагааны явцад хариуцагч Д.******* нь нэхэмжлэлийн шаардлагыг бүхэлд нь хүлээн зөвшөөрч, уг төлбөрийг 2024 оны 06 дугаар сарын 14-ны өдөр 316,166.67 төгрөг, 2024 оны 07 дугаар сарын 14-ны өдөр 316,166.67 төгрөг, 2024 оны 08 дугаар сарын 14-ны өдөр 316,166.67 төгрөгийг тус тус ******* дүүргийн Хөдөлмөр, халамжийн үйлчилгээний хэлтэст төлж барагдуулахаар харилцан тохиролцож эвлэрлийн гэрээ байгуулсан байна.

 

Зохигчдын байгуулсан эвлэрлийн гэрээ нь хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул зохигчийн эвлэрлийг баталж, хэргийг хэрэгсэхгүй болгох нь зүйтэй гэж үзлээ. 

 

Нэхэмжлэгч байгууллага нь төсвийн байгууллага тул улсын тэмдэгтийн хураамжаас чөлөөлөгдсөн болохыг дурдах нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн *******3 дугаар зүйлийн *******3.1-д заасныг удирдлага болгон ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар ******* дүүргийн Хөдөлмөр, халамжийн үйлчилгээний хэлтсийн санхүүгийн дэмжлэг олгох гэрээний үүрэгт 948,500 төгрөг гаргуулах нэхэмжлэлийг хариуцагч Д.******* бүхэлд нь хүлээн зөвшөөрч, уг төлбөрийг 2024 оны 06 дугаар сарын 14-ны өдөр 316,166.67 төгрөг, 2024 оны 07 дугаар сарын 14-ны өдөр 316,166.67 төгрөг, 2024 оны 08 дугаар сарын 14-ны өдөр 316,166.67 төгрөгийг тус тус ******* дүүргийн Хөдөлмөр, халамжийн үйлчилгээний хэлтэст төлж барагдуулахаар харилцан тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3 дэх хэсэгт зааснаар нэхэмжлэгч байгууллага нь улсын тэмдэгтийн хураамжаас чөлөөлөгдсөн болохыг дурдсугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д заасны дагуу захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ    Б.ХИШИГБААТАР