2024 04 17 151/ШШ2024/00337

 

 

Хариуцагч нэхэмжлэлийн шаардлагыг хүлээн

зөвшөөрснийг баталж, хэргийг

хэрэгсэхгүй болгох тухай

 

Төв аймаг дахь сум дундын иргэний хэргийн анхан шатны шүүхийн шүүгч Н.Гэрэлтуяа би,

Нэхэмжлэгч: Т банк ХК-ийн Төв салбарын нэхэмжлэлтэй,

Хариуцагч: Ж.Э,

Хариуцагч: Ч.Б нарт холбогдох,

Зээлийн гэрээний үүрэгт 9.788.522,56 төгрөг гаргуулах тухай нэхэмжлэлийг 2024 оны 03 дугаар сарын 11-ний өдөр хүлээн авч, 2024 оны 03 дугаар сарын 18-ны өдөр иргэний хэрэг үүсгэн хянаад,

ТОДОРХОЙЛОХ нь:

1. Нэхэмжлэгч Т банк ХК-ийн Төв салбар нь хариуцагч Ж.Э, Ч.Б нарт холбогдуулан зээлийн гэрээний үүрэгт 9.788.522,56 төгрөг гаргуулах тухай нэхэмжлэл гаргасан ба нэхэмжлэлийн шаардлагын үндэслэлээ дараах байдлаар тодорхойлж байна. Үүнд:

1.1. Ж.Э, Ч.Б нар 2018 оны 02 дугаар сарын 07-ны өдөр Төрийн банкны Төв Сүмбэр тооцооны төвөөс **************** тоот зээлийн гэрээ байгуулан 8.374.140,78 төгрөгийг сарын 2 хувь, жилийн 24 хувийн хүүтэй, 50 сар (4 жил 2 сар)-ын хугацаагаар, хэрэглээний зориулалтаар цалингийн зээл авсан. Зээлийн барьцаанд цалин, гэр, гэрийн хөдлөх хөрөнгө барьцаалсан байна. Зээлдэгч нь зээлийн гэрээний 3.2.1 заалтыг зөрчиж, зээлээ хуваарийн дагуу төлөхгүй удаа дараа шаардуулсан. Банкны зүгээс зээл буцаан дуудах мэдэгдэл өгсөн боловч харилцагч янз бүрийн шалтаг шалтгаан тоочиж, зээлээ төлөхгүй байна. Зээлийн гэрээний дагуу 2024 оны 03 дугаар сарын 06-ны өдрийн байдлаар дээр дурдсан шаардлага бүхий нэхэмжлэлийг гаргаж байна. Ж.Э, Ч.Б нараас зээлийн үндсэн төлбөрийн өр 7.435.046,18 төгрөг, зээлийн хүүгийн өр 2.143.069,67 төгрөг, нэмэгдүүлсэн хүү 28.842,23 төгрөг, нотариатын зардал 12.700 төгрөг, улсын тэмдэгтийн хураамж 168.864,48 төгрөг, нийт 9.788.522,56 төгрөгийг гаргуулж өгнө үү. ... М.А миний бие Т банк ХК-ийн Төв салбарын нэхэмжлэлтэй, хариуцагч Ж.Э, Ч.Б нарт холбогдох иргэний хэрэгт нэхэмжлэгчийн итгэмжлэгдсэн төлөөлөгчөөр оролцож байна. Уг хэргийн хариуцагч Ж.Э-той тохиролцож, эвлэрлийн гэрээ байгуулсан, түүний шүүхэд гаргасан хариу тайлбарыг хүлээн зөвшөөрч байх тул хариуцагч Ч.Б-ээс татгалзаж байна гэжээ.

2. Хариуцагч Ж.Э шүүхэд гаргасан хариу тайлбартаа: Т банкны нэхэмжлэлтэй 9.788.522,56 төгрөгийг дараах байдлаар төлж барагдуулахаар тохиролцсон. Уг нэхэмжлэлд тусгагдсан зээл, зээлийн хүү бусад төлбөрийг барагдуулахаас татгалзах зүйл байхгүй болно. Ингээд уг төлбөрийг 2024 оны 4 дүгээр сарын 25-ны өдөр 489.426,13 төгрөг, 2024 оны 5 дугаар сарын 25-ны өдөр 489.426,13 төгрөг, 2024 оны 6 дугаар сарын 25-ны өдөр 489.426,13 төгрөг, 2024 оны 7 дугаар сарын 25-ны өдөр 489.426,13 төгрөг, 2024 оны 8 дугаар сарын 25-ны өдөр 489.426,13 төгрөг, 2024 оны 9 дүгээр сарын 25-ны өдөр 489.426,13 төгрөг, 2024 оны 10 дугаар сарын 25-ны өдөр 489.426,13 төгрөг, 2024 оны 11 дүгээр сарын 25-ны өдөр 489.426,13 төгрөг, 2024 оны 12 дугаар сарын 25-ны өдөр 489.426,13 төгрөг, 2025 оны 1 дүгээр сарын 25-ны өдөр 489.426,13 төгрөг, 2025 оны 2 дугаар сарын 25-ны өдөр 489.426,13 төгрөг, 2025 оны 3 дугаар сарын 25-ны өдөр 489.426,13 төгрөг, 2025 оны 4 дүгээр сарын 25-ны өдөр 489.426,13 төгрөг, 2025 оны 5 дугаар сарын 25-ны өдөр 489.426,13 төгрөг, 2025 оны 6 дугаар сарын 25-ны өдөр 489.426,13 төгрөг, 2025 оны 7 дугаар сарын 25-ны өдөр 489.426,13 төгрөг, 2025 оны 8 дугаар сарын 25-ны өдөр 489.426,13 төгрөг, 2025 оны 9 дүгээр сарын 25-ны өдөр 489.426,13 төгрөг, 2025 оны 10 дугаар сарын 25-ны өдөр 489.426,13 төгрөг, 2025 оны 11 дүгээр сарын 25-ны өдөр 489.426,13 төгрөгийг тус тус нэхэмжлэгчид төлж барагдуулна гэжээ.

3.Нэхэмжлэгчээс Т банк ХК-иас М.А-д олгосон итгэмжлэл, улсын тэмдэгтийн хураамж төлсөн баримт, Т банк ХК-ийн хуулийн этгээдийн улсын бүртгэлийн гэрчилгээний хуулбар, Т банк ХК болон Ж.Э, Ч.Б нарын хооронд байгуулсан 2018 оны 2 дугаар сарын 07-ны өдрийн ************** дугаартай Барьцаат зээлийн гэрээний хуулбар, Зээлийн эргэн төлөлтийн хуваарийн хуулбар, Ж.Э, Ч.Б нарын иргэний үнэмлэхийн хуулбар, Т банк ХК-ийн зээлийн дансны харилцагчийн хуулбар, Цалингийн зээлийн өргөдлийн маягтын хуулбар, Ж.Э-ийн нийгмийн даатгалын дэвтрийн хуулбар, Ж.Э-ийн Т банкинд гаргасан өргөдөл, 2022 оны 11 дүгээр сарын 15-ны өдрийн Зээлийн дансны үлдэгдлийн баталгааны хуулбар зэргийг ирүүлсэн.

ҮНДЭСЛЭХ нь:

1. Шүүх хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

2. Хэрэгт авагдсан нотлох баримт, талуудын гаргасан тайлбараас үзэхэд нэхэмжлэгч Т банк ХК-ийн Төв салбарын Сүмбэр тооцооны төв болон Ж.Э, Ч.Б нарын хооронд 2018 оны 2 дугаар сарын 07-ны өдрийн *********** дугаартай Барьцаат зээлийн гэрээ байгуулагдаж, хариуцагч нар 8.374.140,78 төгрөгийг жилийн 24 хувийн хүүтэй, 50 сарын хугацаатай зээлж авсан байх боловч хариуцагч Ж.Э, Ч.Б нар уг гэрээний үүргээ зохих ёсоор гүйцэтгээгүй байна.

3. Ингээд нэхэмжлэгч нь хариуцагчид холбогдуулан зээлийн гэрээний үүрэгт 9.788.522,56 төгрөг гаргуулах тухай нэхэмжлэлийн шаардлага гаргасан ба хэрэг хянан шийдвэрлэх ажиллагааны явцад нэхэмжлэгч Т банк ХК-ийн Төв салбарын итгэмжлэгдсэн төлөөлөгч нь хариуцагч Ч.Б-д холбогдох нэхэмжлэлийн шаардлагаас татгалзсан.

Харин хариуцагч Ж.Э нэхэмжлэлийн шаардлага болох 9.788.522,56 төгрөгийг бүхэлд нь хүлээн зөвшөөрч, уг төлбөрийг 20 сарын хугацаанд хуваан нэхэмжлэгч Т банк ХК-ийн Төв салбарт төлөхөө илэрхийлсэн.

4. Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэв.

5. Зээлийн гэрээний үүрэгт нийт 9.619.658,08 төгрөгийг нэхэмжлэгч нэхэмжилсэн байх ба үүнд ногдох улсын тэмдэгтийн хураамж 168.864 төгрөгийг нэхэмжлэлийн үнийн дүнд оруулж, улмаар хариуцагч уг улсын тэмдэгтийн хураамжийн хамт зээлийн гэрээний үүргийг хангахаар зөвшөөрсөн байх тул нэхэмжлэгч Т банк ХК-ийн Төв салбарын улсын тэмдэгтийн хураамжид төлсөн 168.864 төгрөгийг улсын орлогод хэвээр үлдээнэ.

6. Энэхүү захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болно.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Т банк ХК-ийн Төв салбар нь хариуцагч Ч.Б-д холбогдох нэхэмжлэлийн шаардлагаас татгалзсаныг дурдаж, хариуцагч Ж.Э нь зээлийн гэрээний үүрэгт 9.788.522,56 төгрөгийг 20 сарын хугацаанд хувааж буюу 2024 оны 4 дүгээр сарын 25-ны өдөр 489.426,13 төгрөг, 2024 оны 5 дугаар сарын 25-ны өдөр 489.426,13 төгрөг, 2024 оны 6 дугаар сарын 25-ны өдөр 489.426,13 төгрөг, 2024 оны 7 дугаар сарын 25-ны өдөр 489.426,13 төгрөг, 2024 оны 8 дугаар сарын 25-ны өдөр 489.426,13 төгрөг, 2024 оны 9 дүгээр сарын 25-ны өдөр 489.426,13 төгрөг, 2024 оны 10 дугаар сарын 25-ны өдөр 489.426,13 төгрөг, 2024 оны 11 дүгээр сарын 25-ны өдөр 489.426,13 төгрөг, 2024 оны 12 дугаар сарын 25-ны өдөр 489.426,13 төгрөг, 2025 оны 1 дүгээр сарын 25-ны өдөр 489.426,13 төгрөг, 2025 оны 2 дугаар сарын 25-ны өдөр 489.426,13 төгрөг, 2025 оны 3 дугаар сарын 25-ны өдөр 489.426,13 төгрөг, 2025 оны 4 дүгээр сарын 25-ны өдөр 489.426,13 төгрөг, 2025 оны 5 дугаар сарын 25-ны өдөр 489.426,13 төгрөг, 2025 оны 6 дугаар сарын 25-ны өдөр 489.426,13 төгрөг, 2025 оны 7 дугаар сарын 25-ны өдөр 489.426,13 төгрөг, 2025 оны 8 дугаар сарын 25-ны өдөр 489.426,13 төгрөг, 2025 оны 9 дүгээр сарын 25-ны өдөр 489.426,13 төгрөг, 2025 оны 10 дугаар сарын 25-ны өдөр 489.426,13 төгрөг, 2025 оны 11 дүгээр сарын 25-ны өдөр 489.426,13 төгрөгийг тус тус нэхэмжлэгч Т банк ХК-ийн Төв салбарт төлөхөөр нэхэмжлэлийн шаардлагыг бүхэлд нь хүлээн зөвшөөрснийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Т банк ХК-ийн Төв салбарын улсын тэмдэгтийн хураамжид төлсөн 168.864 төгрөгийг улсын орлогод хэвээр үлдээсүгэй.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар хариуцагч үүргээ сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, нэхэмжлэгч нь тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Н.ГЭРЭЛТУЯА