Хариуцагч зөвшөөрснийг баталж,

хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн шүүгч Т.Байгалмаа би:

Нэхэмжлэгч: ******* банкны Дорнод салбарын ******* тооцооны төвийн нэхэмжлэлтэй,

Хариуцагч: Дорнод аймгийн ******* сумын ******* баг, ******* ******* байрны ******* тоотод оршин суух, ******* регистрийн дугаартай, ******* овогт *******гийн , регистрийн дугаартай, овогт ын нарт холбогдох,

Зээлийн гэрээний үүргийн биелэлт 4201466 төгрөг гаргуулах тухай иргэний хэргийг 2017 оны 01 сарын 10-ны өдөр хүлээн авч хянаад ТОДОРХОЙЛОХ НЬ:

Нэхэмжлэгч ******* банкны Дорнод салбарын ******* тооцооны төв шүүхэд гаргасан нэхэмжлэлдээ: Н., хамтран зээлдэгч Д. нар нь 2014 оны 02 сарын 17-ны өдрөөс хойш ******* банкны ******* тооцооны төвөөс 7470000 төгрөгийн гэрээт цалингийн зээлийг 36 сарын хугацаатай, жилийн 18 хувийн хүүтэй авсан. Зээлдэгч Н. нь зээлийн зээлийн гэрээний 3.2.3, 3.2.5, 3.2.8 дахь заалтуудыг удаа дараа зөрчиж, зээл төлөхөөс санаатайгаар зайлсхийж 313 хоног хугацаа хэтрээд байгаа бөгөөд үндсэн зээлийн 3396156 төгрөг, хуримтлагдсан хүү 761811 төгрөг, хугацаа хэтэрсэн нэмэгдүүлсэн хүү 43499 төгрөг нийт 4201466 төгрөгийн зээлийн үлдэгтэлтэй байна. Зээлдэгч Н. нь 2014 оны 07 сард өөрийн хүсэлтээр ажлаасаа гарч ажилгүй гэсэн шалтгаанаар 2015 оны 12 сараас зээл төлөлтийг удаа дараа хугацаа хэтрүүлэн төлж, 2016 оны 01 сараас эхлэн өнөөдрийг хүртэл зээлээ төлүүлэх бүх талын арга хэмжээг авсан болно. Иймд зээлдэгч Н., Д. нараас 4201466 төгрөгийг гаргуулж өгнө үү гэжээ.

Хариуцагч Н., Д. нар шүүхэд гаргасан хариу тайлбартаа: Бид 2014 оны оны 02 сарын 17-ны өдөр ******* банкны ******* тооцооны төвөөс анх 7470000 төгрөгийн цалингийн зээл авсан. Уг зээлийг ажилтай байх хугацаандаа төлж байсан. Би ажлаасаа гарч цалингийн зээлээ төлж чадахгүй болсон. Одоо зээлийн үлдэгдэл 4201466 төгрөгийг төлөхийг хүлээн зөвшөөрч байна, маргах зүйлгүй. Одоогоор би ажилгүй байгаа учир ажилд ороод тодорхой хэмжээгээр төлж барагдуулах болно гэжээ.

ҮНДЭСЛЭХ НЬ:

Нэхэмжлэгч ******* банкны Дорнод салбарын ******* тооцооны төв нь хариуцагч Н., Д. нарт холбогдуулан Зээлийн гэрээний үүргийн биелэлт 4201466 төгрөг гаргуулах тухай нэхэмжлэлийн шаардлагыг тус шүүхэд хандан гаргажээ.

Хариуцагч Н., Д. нар нь нэхэмжлэгч ******* банкны Дорнод салбарын ******* тооцооны төвөөс 2014 оны 02 сарын 17-ны өдөр 7470000 төгрөгийн гэрээт цалингийн зээлийг 36 сарын хугацаатай, жилийн 18 хувийн хүүтэй авсан боловч одоо зээлийн үлдэгдэл 4201466 төгрөгийг төлөөгүй болох нь нэхэмжлэгчийн нэхэмжлэл, хариуцагчийн тайлбараар батлагдаж байна.

Хариуцагч Н., Д. нар нь нэхэмжлэгч ******* банкны Дорнод салбарын ******* тооцооны төвийн нэхэмжилсэн зээлийн гэрээний үүргийн биелэлт 4201466 төгрөгийг төлөхийг хүлээн зөвшөөрч шүүхэд бичгээр баталгаажуулсан байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хялбаршуулсан журмаар шийдвэрлэх нь зүйтэй байна.

Хэргийг хялбаршуулсан журмаар шийдвэрлэсэн нь иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байна.

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг тус тус удирдлага болгон ЗАХИРАМЖЛАХ НЬ:

1. Нэхэмжлэгч ******* банкны Дорнод салбарын ******* тооцооны төвийн нэхэмжилсэн 4201466 төгрөгийг хариуцагч *******гийн , ын нар төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжинд урьдчилан төлсөн 82173 төгрөгийг улсын орлогод хэвээр үлдээж, улсын орлогоос 41087 төгрөг, хариуцагч Н.оос 2*******43 төгрөг, Д.гаас 2*******43 төгрөгийг тус тус гаргуулан нэхэмжлэгч ******* банкны Дорнод салбарын ******* тооцооны төвд олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Н., Д. нар сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх болохыг мэдэгдсүгэй.

4. Мөн хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

        ШҮҮГЧ                                    Т.БАЙГАЛМАА