2024 05 21 184/ШШ2024/02795

 

 

Зохигчдын эвлэрлийг баталж,

хэргийг хэрэгсэхгүй болгох тухай

Сонгинохайрхан дүүргийн Иргэний хэргийн анхан шатны шүүхийн шүүгч Г.Нямсүрэн би,

Нэхэмжлэгч: Сонгинохайрхан дүүрэг, 6 дугаар хороо, ХМК хаягт байрлах, Сонгинохайрхан дүүргийн Хөдөлмөр, халамжийн үйлчилгээний хэлтэс /рд:*******/

Хариуцагч: Сонгинохайрхан дүүрэг, ******* хороо, овоот 4 гудамж, ******* тоот хаягт оршин суух, ******* овогт ******* ******* /РД: НО78*******2561/

1,808,500 төгрөг гаргуулах шаардлага бүхий нэхэмжлэлтэй иргэний хэргийг хүлээн авч хянаад

ТОДОРХОЙЛОХ нь:

Нэхэмжлэгчийн шүүхэд гаргасан нэхэмжлэлд: Хөдөлмөр эрхлэлтийн үндэсний зөвлөлийн 2019 оны 01 дүгээр сарын 14-ний өдрийн 01 дүгээр тогтоолоор Ажлын байрыг дэмжих хөтөлбөрийн санхүүгийн дэмжлэгийн арга хэмжээнд М.******* нь 2019 онд 2,000,000 төгрөгийн санхүүгийн дэмжлэг авч гэрээнд заасан хуваарийн дагуу 36 сарын дотор эргүүлэн төлөх ёстой бөгөөд удаа дараа нэхэмжилж шаардсан боловч өнөөг хүртэл бүрэн төлөөгүй байна. Хариуцагч нь санхүүгийн дэмжлэг олгох гэрээний 3.5-д заасны дагуу эргэн төлөгдөх 1,800,000 төгрөгийг хавсралтад тусгасан хуваарийн дагуу төлөх үүргээ биелүүлээгүй тул гэрээний 6.3-т заасны дагуу эргэн төлүүлж авлагыг барагдуулж өгнө үү. Мөн нотариатын зардал, үйлчилгээний хураамж 8,500 төгрөгийг хариуцагчаас гаргуулж өгнө үү гэжээ.

Зохигчдын байгуулсан эвлэрлийн гэрээнд: М.******* нь нэхэмжлэгч Сонгинохайрхан дүүргийн Хөдөлмөр, халамжийн үйлчилгээний хэлтсийн нэхэмжилсэн 1,808,500 төгрөгийг төлөхийг хүлээн зөвшөөрч төлбөрийг 2024 оны 06 сарын 20-ны өдөр 300,000 төгрөг, 2024 оны 07 сарын 20-ны өдөр 300,000 төгрөг, 2024 оны 08 сарын 20-ны өдөр 300,000 төгрөг, 2024 оны 09 сарын 20-ны өдөр 300,000 төгрөг, 2024 оны 10 сарын 20-ны өдөр 300,000 төгрөг, 2024 оны ******* сарын 20-ны өдөр 308,500 төгрөгийг тус тус нэхэмжлэгчид төлж барагдуулахаар харилцан тохиролцов гэжээ.

ҮНДЭСЛЭХ нь:

Сонгинохайрхан дүүргийн Хөдөлмөр, халамжийн үйлчилгээний хэлтэс нь М.*******д холбогдуулан 1,808,500 төгрөг гаргуулах шаардлага бүхий нэхэмжлэл гаргажээ.

Зохигчдын байгуулсан эвлэрлийн гэрээнд хариуцагч М.******* нь нэхэмжлэлийн шаардлага 1,808,500 төгрөгийг төлөхийг зөвшөөрч, 2024 оны 06 сарын 20-ны өдөр 300,000 төгрөг, 2024 оны 07 сарын 20-ны өдөр 300,000 төгрөг, 2024 оны 08 сарын 20-ны өдөр 300,000 төгрөг, 2024 оны 09 сарын 20-ны өдөр 300,000 төгрөг, 2024 оны 10 сарын 20-ны өдөр 300,000 төгрөг, 2024 оны ******* сарын 20-ны өдөр 308,500 төгрөгөөр нэхэмжлэгч Сонгинохайрхан дүүргийн Хөдөлмөр, халамжийн үйлчилгээний хэлтэст төлж барагдуулахаар харилцан тохиролцож эвлэрсэн байх тул зохигчдын эвлэрлийг баталж, хэргийг хэрэгсэхгүй болгох нь зүйтэй байна.

Энэхүү эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул зохигчдын эвлэрлийг баталж, хэргийг хэрэгсэхгүй болгох үндэслэлтэй байна.

Мөн Иргэний хуулийн 64 дүгээр зүйлийн 64.1, 64.2-т зааснаар 2024 оны 05 дугаар сарын 06-ны өдрийн итгэмжлэлээр нэхэмжлэгч Сонгинохайрхан дүүргийн Хөдөлмөр, халамжийн үйлчилгээний хэлтэс нь төлөөлүүлэх эрхээ Г.Наранбатад олгосон нь хууль зөрчөөгүй байх бөгөөд итгэмжлэгдсэн төлөөлөгч нар нь нэхэмжлэгчийг төлөөлөн эвлэрэн хэлэлцэх эрхтэй байна.

Нэхэмжлэгч нь Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар тэмдэгтийн хураамжаас чөлөөлөгдсөн тул нэхэмжлэлийн шаардлага 1,808,500 төгрөгт ноогдох улсын тэмдэгтийн хураамж 43,886 төгрөгийн тал хувь 21,943 төгрөгийг хариуцагчаас гаргуулж, улсын орлогод оруулах нь зүйтэй байна.

Энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг, зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг тус тус дурдах нь зүйтэй.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг удирдлага болгон ЗАХИРАМЖЛАХ нь:

1. Сонгинохайрхан дүүргийн Хөдөлмөр, халамжийн үйлчилгээний хэлтсийн нэхэмжлэлтэй, С.*******д холбогдох 1,808,500 төгрөг гаргуулах шаардлага бүхий иргэний хэрэгт, хариуцагч М.******* нь нэхэмжлэлийн шаардлага 1,808,500 төгрөгийг зөвшөөрч, 2024 оны 06 сарын 20-ны өдөр 300,000 төгрөг, 2024 оны 07 сарын 20-ны өдөр 300,000 төгрөг, 2024 оны 08 сарын 20-ны өдөр 300,000 төгрөг, 2024 оны 09 сарын 20-ны өдөр 300,000 төгрөг, 2024 оны 10 сарын 20-ны өдөр 300,000 төгрөг, 2024 оны ******* сарын 20-ны өдөр 308,500 төгрөгөөр нэхэмжлэгч Сонгинохайрхан дүүргийн Хөдөлмөр, халамжийн үйлчилгээний хэлтэст төлж барагдуулахаар харилцан тохиролцож эвлэрсэн байх тул зохигчдын эвлэрлийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч нь улсын тэмдэгтийн хураамжаас чөлөөлөгдсөн тул нэхэмжлэлийн шаардлага 1,808,500 төгрөгт ноогдох улсын тэмдэгтийн хураамжийн тал хувь 21,943 төгрөгийг хариуцагчаас гаргуулж, улсын орлогод оруулсугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ Г.НЯМСҮРЭН