Хариуцагчийн зөвшөөрлийг баталж, хэргийг

хэрэгсэхгүй болгох тухай

      

Хөвсгөл аймаг дахь сум дундын иргэний хэргийн анхан шатны шүүхийн шүүгч С.Оюунжаргал би,

нэхэмжлэгч: Улаанбаатар хот, ******** байрлах, ****(********),

хариуцагч: Хөвсгөл аймгийн ******* оршин суух, А.М (*******),

Нэхэмжлэлийн шаардлага: Үндсэн зээлийн үлдэгдэл 954,338.78 төгрөг, зээлийн хүү 401,164.08 төгрөг, нэмэгдүүлсэн хүү 29,782.94 төгрөг, нотариатын хөлс 6,800 төгрөг, нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөг гаргуулах тухай нэхэмжлэлийг 155/2024/00697/и индекстэй иргэний хэрэг үүсгэн хянаад 

 

ТОДОРХОЙЛОХ нь:

Нэхэмжлэгч ***-ийн гүйцэтгэх захирал ****** нь шүүхэд гаргасан нэхэмжлэлдээ: ********* нь ***-тай ********** тоот зээлийн гэрээ байгуулж 1,699,900 төгрөгийг жилийн 39,6%-ийн хүүтэй, 24 сарын хугацаатай, хэрэглээний зориулалтаар зээлэн авсан болно.

2024 оны 5 дугаар сарын 20-ны өдрийн байдлаар зээлийн үлдэгдэл дараах хэмжээтэй байна.

Үндсэн зээлийн үлдэгдэл 954,338.78

Төлөх ёстой хүү 401,164.08

Нэмэгдүүлсэн хүү 29,782.94

Нотариатын зардал 6800

Нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөгийн үлдэгдэлтэй байна.

Зээлдэгч **** овогтой М* нь зээлийн гэрээнд заасан хуваарийн дагуу төлөлт хийгдээгүй 335 хоногт хугацаа хэтэрсэн ба зээлээ төлөхийг удаа дараа шаардсан боловч гэрээний үүргээ биелүүлэхгүй байгаа тул шүүхэд хандаж байна.

А овогтой М зээлийн гэрээний үүрэг болох 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөгийг шүүхийн журмаар гаргуулж өгнө үү гэжээ.

Хариуцагч А.М тус шүүхэд ирүүлсэн хариу тайлбартаа: А.М миний бие ***-ийн нэхэмжилж буй 1,392,085.80 төгрөгийг төлж барагдуулахаа хүлээн зөвшөөрч байна. Миний бие уг мөнгийг авсан нь үнэн гэжээ.

 

ҮНДЭСЛЭХ нь:

Нэхэмжлэгч *** нь А.М холбогдуулан үндсэн зээлийн үлдэгдэл 954,338.78 төгрөг, зээлийн хүү 401,164.08 төгрөг, нэмэгдүүлсэн хүү 29,782.94 төгрөг, нотариатын хөлс 6,800 төгрөг, нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөг гаргуулах тухай шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад хариуцагч А.М нь нэхэмжлэлийн шаардлага болох нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөгийг нэхэмжлэгч ***-д төлөхийг хүлээн зөвшөөрсөн тайлбарыг 2024 оны 6 дугаар сарын 03-ны өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч ***-ийн 2024 оны 5 дугаар сарын 21-ний өдөр Төрийн сангийн 100170000941 тоот дансанд улсын тэмдэгтийн хураамжид төлсөн 37,300 (гучин долоон мянга гурван зуу) төгрөгөөс 1,392,085.80 төгрөгт ногдох улсын тэмдэгтийн хураамж 37,223 төгрөгийн тал хувь болох 18,611.50 (арван найман мянга зургаан зуун арван нэгэн төгрөг тавин мөнгө) төгрөгийг улсын орлогод хэвээр үлдээж, илүү төлсөн болон улсын тэмдэгтийн хураамжийн тал хувь болох 18,688.50 (арван найман мянга зургаан зуун наян найман төгрөг тавин мөнгө) төгрөгийг улсын орлогоос буцаан гаргуулж, хариуцагч А.М улсын тэмдэгтийн хураамжийн тал хувь болох 18,611.50 (арван найман мянга зургаан зуун арван нэгэн төгрөг тавин мөнгө) төгрөгийг гаргуулан тус тус нэхэмжлэгч ***-д олгохоор тогтов.

Хариуцагч А.М нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

  

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч ***-ийн нэхэмжлэлтэй, хариуцагч А.М холбогдох, үндсэн зээлийн үлдэгдэл 954,338.78 төгрөг, зээлийн хүү 401,164.08 төгрөг, нэмэгдүүлсэн хүү 29,782.94 төгрөг, нотариатын хөлс 6,800 төгрөг, нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөг гаргуулах тухай иргэний хэрэгт хариуцагч А.М нь нэхэмжлэлийн шаардлага болох нийт 1,392,085.80 (нэг сая гурван зуун ерэн хоёр мянга наян таван төгрөг наян мөнгө) төгрөгийг нэхэмжлэгч ***-д төлөхийг хүлээн зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч ***-ийн улсын тэмдэгтийн хураамжид төлсөн 37,300 (гучин долоон мянга гурван зуу) төгрөгөөс улсын тэмдэгтийн хураамжийн тал хувь болох 18,611.50 (арван найман мянга зургаан зуун арван нэгэн төгрөг тавин мөнгө) төгрөгийг улсын орлогод хэвээр үлдээж, илүү төлсөн болон улсын тэмдэгтийн хураамжийн тал хувь болох 18,688.50 (арван найман мянга зургаан зуун наян найман төгрөг тавин мөнгө) төгрөгийг улсын орлогоос буцаан гаргуулж, хариуцагч А.М улсын тэмдэгтийн хураамжийн тал хувь болох 18,611.50 (арван найман мянга зургаан зуун арван нэгэн төгрөг тавин мөнгө) төгрөгийг гаргуулан тус тус нэхэмжлэгч ***-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч А.М нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

  

 

 

ШҮҮГЧ                                С.ОЮУНЖАРГАЛ