2024он 07рын 31өр

182/ШШ2024/03235

 

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

Чингэлтэй дүүргийн иргэний хэргийн анхан шатны шүүхийн шүүгч Т.Золзаяа би,

Нэхэмжлэгч:  давхарт байрлах СЛ ХХК /РД: /-ийн нэхэмжлэлтэй,

 

Хариуцагч:  тоотод оршин суух Б овогт Зын О /РД: /-т холбогдох

 

Нэхэмжлэлийн шаардлага: Зээлийн гэрээний үүргийн гүйцэтгэлд 1,083,904.62 төгрөг гаргуулах тухай иргэний хэргийг хянаад

ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: ...Хариуцагч З.Оээс 2024 оны 06 дугаар сарын 25-ны өдрийн байдлаар үндсэн зээл 799,538.90 төгрөг, үндсэн хүү 255,725.56 төгрөг, нэмэгдүүлсэн хүү 19,340.16 төгрөг, нотариатын зардал 9,300 төгрөг, нийт 1,083,904.62 төгрөгийг гаргуулж өгнө үү гэжээ.

 

Зохигчдын хооронд байгуулсан эвлэрлийн гэрээнд: СЛ ХХК-ийн нэхэмжлэлтэй З.От холбогдох зээлийн гэрээний үүргийн гүйцэтгэлд 1,083,904.62 төгрөг гаргуулах тухай иргэний хэргийг хянан шийдвэрлэх ажиллагааны явцад хариуцагч З.О нь нэхэмжлэлийн шаардлагыг бүхэлд нь хүлээн зөвшөөрч 1,083,904.62 төгрөгийг дараах нөхцөлөөр эвлэрэв.

Үүнд хариуцагч З.О нь 2024 оны 08 дугаар сарын 30-ны өдөр 360,000 төгрөг, 2024 оны 09 дүгээр сарын 30-ны өдөр 360,000 төгрөг, 2024 оны 10 дугаар сарын 30-ны өдөр 363,904.62 төгрөгийг тус тус нэхэмжлэгч СЛ ХХК-д төлөхөөр тохиролцов.

Нэхэмжлэгч нь дахин энэ асуудлаар хариуцагчид холбогдуулан нэхэмжлэл гаргах эрхгүй, хариуцагч З.О нь эвлэрлийн гэрээгээр тохиролцсон графикийг зөрчвөл нэхэмжлэгч нь шүүгчийн захирамжийг албадан гүйцэтгүүлэх эрхтэйг талууд ойлгож байна.

Иймд хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ НЬ:

 

1. Нэхэмжлэгч СЛ ХХК нь хариуцагч З.От холбогдуулан зээлийн гэрээний үүргийн гүйцэтгэлд 1,083,904.62 төгрөг гаргуулах тухай нэхэмжлэлийн шаардлага гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож, хариуцагч З.О нь нэхэмжлэлийн шаардлага болох 1,083,904.62 төгрөгийг бүхэлд нь хүлээн зөвшөөрч, 2024 оны 08 дугаар сарын 30-ны өдөр 360,000 төгрөг, 2024 оны 09 дүгээр сарын 30-ны өдөр 360,000 төгрөг, 2024 оны 10 дугаар сарын 30-ны өдөр 363,904.62 төгрөгийг тус тус нэхэмжлэгч СЛ ХХК-д төлж барагдуулахаар тохиролцож эвлэрсэн болох нь талуудын хооронд байгуулсан эвлэрлийн гэрээгээр тогтоогдож байна.

 

Эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.

 

2. Нэхэмжлэгчээс улсын тэмдэгтийн хураамжид төлсөн 30,600 төгрөгийн 50 хувь болох 15,300 төгрөгийг улсын орлогод хэвээр үлдээж, Чингэлтэй дүүргийн татварын хэлтсийн данснаас 15,300 төгрөг, хариуцагч З.Оээс 15,300 төгрөгийг тус тус гаргуулж нэхэмжлэгчид олгох нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасанд нийцнэ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

 

ЗАХИРАМЖЛАХ НЬ:

 

1. Хариуцагч З.О нь зээлийн гэрээний үүргийн гүйцэтгэлд 1,083,904.62 төрөг гаргуулах тухай нэхэмжллэийн шаардлагыг бүхэлд нь хүлээн зөвшөөрч, 2024 оны 08 дугаар сарын 30-ны өдөр 360,000 төгрөг, 2024 оны 09 дүгээр сарын 30-ны өдөр 360,000 төгрөг, 2024 оны 10 дугаар сарын 30-ны өдөр 363,904.62 төгрөгийг тус тус нэхэмжлэгч СЛ ХХК-д төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 30,600 төгрөгийн тал хувь болох 15,300 төгрөгийг улсын төсөвт хэвээр үлдээн, Чингэлтэй дүүргийн Татварын хэлтсийн данснаас 15,300 төгрөг, хариуцагч З.Оээс 15,300 төгрөг тус тус гаргуулж, нэхэмжлэгч СЛ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч нь захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ Т.ЗОЛЗАЯА