2024он 07рын 24дөр

182/ШШ2024/03160

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

Чингэлтэй дүүргийн иргэний хэргийн анхан шатны шүүхийн шүүгч Т.Золзаяа би,

Нэхэмжлэгч: тоотод байрлах ПББСБ ХХК /РД: /-ийн нэхэмжлэлтэй,

 

Хариуцагч: тоотод оршин суух М овогт Аийн Н /РД: /-д холбогдох

 

Зээлийн гэрээний үүргийн гүйцэтгэлд 3,507,293.2 төгрөг гаргуулах тухай иргэний хэргийг хянаад

ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: ...Хариуцагч А.Нгээс зээлийн гэрээний үндсэн төлбөрт 1,936,488.06 төгрөг, зээлийн хүү 1,318,873.62 төгрөг, нэмэгдүүлсэн хүү 243,931.52 төгрөг, нотариатын зардал 8,000 төгрөг нийт 3,507,293.2 төгрөгийг гаргуулж өгнө үү гэжээ.

 

Зохигчдын хооронд байгуулсан эвлэрлийн гэрээнд: ПББСБ ХХК-ийн нэхэмжлэлтэй А.Нд холбогдох зээлийн гэрээний үүргийн гүйцэтгэлд 3,507,293.2 төгрөг гаргуулах тухай иргэний хэргийг хянан шийдвэрлэх ажиллагааны явцад хариуцагч А.Н нь нэхэмжлэлийн шаардлагыг бүхэлд нь хүлээн зөвшөөрч 3,507,293.2 төгрөгийг дараах нөхцөлөөр эвлэрэв.

Үүнд хариуцагч А.Н нь 2024 оны 08 дугаар сарын 16-ны өдөр 584,500 төгрөг, 2024 оны 09 дүгээр сарын 16-ны өдөр 584,500 төгрөг, 2024 оны 10 дугаар сарын 16-ны өдөр 584,500 төгрөг, 2024 оны 11 дүгээр сарын 16-ны өдөр 584,500 төгрөг, 2024 оны 12 дугаар сарын 16-ны өдөр 584,500 төгрөг, 2025 оны 01 дүгээр сарын 16-ны өдөр 584,793.2 төгрөгийг тус тус нэхэмжлэгч ПББСБ ХХК-д төлөхөөр тохиролцов.

Нэхэмжлэгч нь дахин энэ асуудлаар хариуцагчид холбогдуулан нэхэмжлэл гаргах эрхгүй, хариуцагч А.Н нь эвлэрлийн гэрээгээр тохиролцсон графикийг зөрчвөл нэхэмжлэгч нь шүүгчийн захирамжийг албадан гүйцэтгүүлэх эрхтэйг талууд ойлгож байна.

Иймд хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ НЬ:

 

1. Нэхэмжлэгч ПББСБ ХХК нь хариуцагч А.Нд холбогдуулан зээлийн гэрээний үүргийн гүйцэтгэлд 3,507,293.2 төгрөг гаргуулах тухай нэхэмжлэлийн шаардлага гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож, хариуцагч А.Н нь нэхэмжлэлийн шаардлага болох 3,507,293.2 төгрөг төлөхийг хүлээн зөвшөөрч, 2024 оны 08 дугаар сарын 16-ны өдөр 584,500 төгрөг, 2024 оны 09 дүгээр сарын 16-ны өдөр 584,500 төгрөг, 2024 оны 10 дугаар сарын 16-ны өдөр 584,500 төгрөг, 2024 оны 11 дүгээр сарын 16-ны өдөр 584,500 төгрөг, 2024 оны 12 дугаар сарын 16-ны өдөр 584,500 төгрөг, 2025 оны 01 дүгээр сарын 16-ны өдөр 584,793.2 төгрөгийг тус тус нэхэмжлэгч ПББСБ ХХК-д төлж барагдуулахаар тохиролцож эвлэрсэн болох нь талуудын хооронд байгуулсан эвлэрлийн гэрээгээр тогтоогдож байна.

 

Эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.

 

2. Нэхэмжлэгчээс улсын тэмдэгтийн хураамжид төлсөн 71,067 төгрөгийн 50 хувь болох 35,533.5 төгрөгийг улсын орлогод хэвээр үлдээж, Чингэлтэй дүүргийн татварын хэлтсийн данснаас 35,533.5 төгрөг, хариуцагч А.Нгээс 35,533.5 төгрөгийг тус тус гаргуулж нэхэмжлэгчид олгох нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасанд нийцнэ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

ЗАХИРАМЖЛАХ НЬ:

 

1. Хариуцагч А.Н нь нэхэмжлэлийн шаардлага болох 3,507,293.2 төгрөг төлөхийг зөвшөөрч, 2024 оны 08 дугаар сарын 16-ны өдөр 584,500 төгрөг, 2024 оны 09 дүгээр сарын 16-ны өдөр 584,500 төгрөг, 2024 оны 10 дугаар сарын 16-ны өдөр 584,500 төгрөг, 2024 оны 11 дүгээр сарын 16-ны өдөр 584,500 төгрөг, 2024 оны 12 дугаар сарын 16-ны өдөр 584,500 төгрөг, 2025 оны 01 дүгээр сарын 16-ны өдөр 584,793.2 төгрөгийг тус тус нэхэмжлэгч ПББСБ ХХК-д төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 71,067 төгрөгийн тал хувь болох 35,533.5 төгрөгийг улсын төсөвт хэвээр үлдээж, Чингэлтэй дүүргийн Татварын хэлтсийн данснаас 35,533.5 төгрөг, хариуцагч А.Нгээс 35,533.5 төгрөг тус тус гаргуулж, нэхэмжлэгч ПББСБ ХХК-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч нь захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ Т.ЗОЛЗАЯА