Хариуцагчийн зөвшөөрлийг баталж,

                                                                хэргийг хэрэгсэхгүй болгох тухай

 

 

Сэлэнгэ аймгийн Сайхан сум дахь сум дундын шүүхийн шүүгч Г.Дэлгэрсайхан би,

Нэхэмжлэгч: * тоот хаягт оршин суух *ын нэхэмжлэлтэй,

Хариуцагч: * тоот хаягт оршин суух, * овогт*т  (РД:*)-д холбогдох,

 

Зээлийн гэрээний үүрэгт 2,215,086 төгрөг гаргуулах тухай нэхэмжлэлийг 2024 оны 06 дугаар сарын 27-ны өдөр хүлээн авч, 2024 оны 07 дугаар сарын 04-ний өдөр иргэний хэрэг үүсгээд:

ТОДОРХОЙЛОХ нь:

 

Нэхэмжлэгч *д шүүхэд гаргасан нэхэмжлэлдээ: “...* тоот хаягт оршин суух, * овогт *т  (РД:*) нь 2019 оны 08 дугаар сарын 06-ны өдөр *аас "*" зориулалтын дагуу төсөл хэрэгжүүлэхээр 3 сая төгрөгийг жилийн 3 хувь буюу сарын 0.25 хувь, 3 жил буюу 36 сарын хугацаатай 2022 оны 08 дугаар сарын 01-ний өдрийн дотор эргэн төлөх нөхцөлтэйгөөр зээл авсан боловч зээлээ одоог хүртэл төлж барагдуулаагүй байна. Иймд зээлийн үлдэгдэл болох 1,656,300, хүү 0, алданги 558,786 нийт 2,215,086 төгрөгийг *аас гаргаж улсын төсөвт оруулж өгнө үү.

*ын нэхэмжлэл нь Улсын тэмдэгтийн хураамжийн тухай хуулийн 41 дүгээр зүйлийн 41.1.4 дэх хэсэгт зааснаар улсын тэмдэгтийн хураамжаас чөлөөлж өгнө үү...” гэжээ.

 

Хариуцагч******* шүүхэд гаргасан хариу тайлбартаа: “...Миний бие******* нь сум хөгжүүлэх сангаас зээл авсан нь үнэн болно. Тус зээлийн үлдэгдэл 2,215,086 төгрөгийг 2024 оны 10 дугаар сарын 10-ны өдрийн дотор нэг төлөлтөөр төлж барагдуулахаар *-ын мэргэжилтэн, нэхэмжлэгчийн итгэмжлэгдсэн төлөөлөгч *тай ярьж тохиролцсон тул хэргийг хялбаршуулсан журмаар шийдвэрлэж өгнө үү...” гэжээ. /хавтаст хэргийн 26-р хуудас/

 

Нэхэмжлэгчийн итгэмжлэгдсэн төлөөлөгч * шүүхэд гаргасан хүсэлтдээ: “...Миний бие нэхэмжлэгчийн итгэмжлэгдсэн төлөөлөгч * нь хариуцагч *ын хариу тайлбарыг хүлээн зөвшөөрч байна. Хэргийг хялбаршуулсан журмаар шийдвэрлэж өгнө үү...” гэжээ. /хавтаст хэргийн 28-р хуудас/

 

ҮНДЭСЛЭХ нь:

 

 Нэхэмжлэгч * нь хариуцагч *т холбогдуулан зээлийн гэрээний үүрэгт 2,215,086 төгрөг гаргуулах тухай нэхэмжлэлийн шаардлагыг тус шүүхэд гаргасан байна.

 

Хэрэг хянан шийдвэрлэх ажиллагааны явцад хариуцагч******* нь нэхэмжилсэн үнийн дүн болох 2,215,086  төгрөгийг төлөхийг хүлээн зөвшөөрч “...Миний бие******* нь сум хөгжүүлэх сангаас зээл авсан нь үнэн болно. Тус зээлийн үлдэгдэл 2,215,086 төгрөгийг 2024 оны 10 дугаар сарын 10-ны өдрийн дотор нэг төлөлтөөр төлж барагдуулахаар *-ын мэргэжилтэн, нэхэмжлэгчийн итгэмжлэгдсэн төлөөлөгч *тай ярьж тохиролцсон тул хэргийг хялбаршуулсан журмаар шийдвэрлэж өгнө үү...” гэсэн хариу тайлбарыг шүүхэд гаргасан байна.

Нэхэмжлэгчийн итгэмжлэгдсэн төлөөлөгч * нь “хариуцагч *ын хариу тайлбарыг хүлээн зөвшөөрч байна. Хэргийг хялбаршуулсан журмаар шийдвэрлэж өгнө үү...” гэсэн тайлбарыг гаргасан байна.

 

Энэ байдал нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2 дахь хэсэгт зааснаар хэргийг хялбаршуулсан журмаар хянан шийдвэрлэх үндэслэл болж байна.

 

Иймд нэхэмжлэгч *ын нэхэмжлэлтэй, хариуцагч *т холбогдох зээлийн гэрээний үүрэгт 2,215,086  төгрөг гаргуулах тухай нэхэмжлэлийн шаардлагыг хариуцагч зөвшөөрснийг баталж, хэргийг хэрэгсэхгүй болгож шийдвэрлэх нь үндэслэлтэй гэж дүгнэлээ.

 

Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар нэхэмжлэгч * нь улсын тэмдэгтийн хураамжаас чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч *аас улсын тэмдэгтийн хураамжийн 50 хувь болох 25,196 төгрөгийг гаргуулж улсын орлогод оруулах нь хуульд нийцнэ. 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг удирдлага болгон

 

ЗАХИРАМЖЛАХ нь:

 

1.Нэхэмжлэгч *ын нэхэмжлэлтэй, хариуцагч *т холбогдох зээлийн гэрээний үүрэгт 2,215,086 төгрөг гаргуулах тухай нэхэмжлэлийн шаардлагыг хариуцагч******* нь 2024 оны 10 дугаар сарын 10-ны өдрийн дотор төлж барагдуулахыг хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай. 

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар нэхэмжлэгч * нь улсын тэмдэгтийн хураамжаас чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч *аас улсын тэмдэгтийн хураамжийн 50 хувь болох 25,196 төгрөгийг гаргуулж улсын орлогод оруулсугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч******* нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй. 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

         

                     ШҮҮГЧ                      Г.ДЭЛГЭРСАЙХАН