2024             04                  19                                                           144/ШШ2024/00059

 

    Хэргийг хэрэгсэхгүй болгох тухай

Өмнөговь аймгийн Ханбогд сум дахь сум дундын шүүхийн Ерөнхий шүүгч *** би,

Нэхэмжлэгч: ***ийн нэхэмжлэлтэй,

Хариуцагч: ***д холбогдох,

Зээлийн гэрээний үүрэгт 1,268,796.90 төгрөг гаргуулах тухай иргэний хэрэгт нэхэмжлэгчийн итгэмжлэгдсэн төлөөлөгч ***аас ирүүлсэн хүсэлтийг 2024 оны 04 дүгээр сарын 19-ний өдөр хүлээн авч хянаад,  

ТОДОРХОЙЛОХ нь:

            Нэхэмжлэгч *******ийн итгэмжлэгдсэн төлөөлөгч  ******* шүүхэд ирүүлсэн хүсэлтдээ: “…“*******ийн нэхэмжлэлтэй хариуцагч *******д холбогдох зээлийн гэрээний үүрэгт 1,268,796.90 төгрөг гаргуулах тухай иргэний хэрэгт хариуцагч нь Иргэний хуулийн 74 дүгээр зүйлийн 74.1-т зааснаар “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ” гэж заасны дагуу хариуцагч ******* манай *******ийн нэхэмжлэлийн шаардлага болох 1,268,796.90 төгрөгийг бүхэлд нь төлсөн тул хэргийг хялбаршуулсан журмаар шийдвэрлэж өгнө үү” гэжээ.

ҮНДЭСЛЭХ нь:

            Нэхэмжлэгч ******* нь хариуцагч *******д холбогдуулан зээлийн гэрээний үүрэгт 1,268,796.90 төгрөг гаргуулах тухай нэхэмжлэлийг шүүхэд гаргажээ. 

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1 дэх  хэсэгт хэрэг үүсгэснээс хойш нэхэмжлэгч нэхэмжлэлээсээ татгалзсан тул *******ийн итгэмжлэгдсэн төлөөлөгч *******ын шүүхэд ирүүлсэн хүсэлтээр хариуцагч *******д холбогдуулан зээлийн гэрээний үүрэгт 1,268,796.90 төгрөг гаргуулах тухай хэргийг хэрэгсэхгүй болгож шийдвэрлэв.          

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчээс улсын тэмдэгтийн хураамжид урьдчилан төлсөн 35,001.13 төгрөгийн тавин хувь болох 17,500.57 төгрөгийг улсын төсвийн орлогод хэвээр үлдээж,  тавин хувь болох 17,500.57 төгрөгийг Төрийн сан банк, Өмнөговь аймаг, улсын тэмдэгтийн хураамжийн 100111000941 тоот данснаас буцаан гаргуулж, нэхэмжлэгч *******д олгож шийдвэрлэв.

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.5 дахь хэсэгт заасныг тус тус удирдлага болгон ЗАХИРАМЖЛАХ нь:

            1. Нэхэмжлэгч ******* нь хариуцагч *******д холбгдуулан зээлийн гэрээний үүрэгт 1,268,796.90 төгрөг гаргуулах тухай иргэний хэргийг хэрэгсэхгүй болгосугай.      

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчээс улсын тэмдэгтийн хураамжид урьдчилан төлсөн 35,001.13 төгрөгийн тавин хувь болох 17,500.57 төгрөгийг улсын төсвийн орлогод хэвээр үлдээж, үлдэх тавин хувь болох 17,500.57 төгрөгийг Төрийн сан банк, Өмнөговь аймаг, улсын тэмдэгтийн хураамжийн 100111000941 тоот данснаас буцаан гаргуулж, нэхэмжлэгч *******д олгосугай. 

3. Захирамжид зохигч талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

           

ЕРӨНХИЙ ШҮҮГЧ                                        ***