Хариуцагч нэхэмжлэлийн шаардлагыг                                                                                    хүлээн зөвшөөрснийг баталж, хэргийг                                                                              хэрэгсэхгүй болгох тухай

 

 

          Хэнтий аймгийн Бор-Өндөр сум дахь Сум дундын шүүхийн шүүгч Р.Батбаяр би нэхэмжлэгч Н.*************гийн нэхэмжлэлтэй хариуцагч Г.***************д холбогдох “4,300,000 төгрөг гаргуулах тухай” нэхэмжлэлийг  2024 оны 07 дугаар сарын 23-ны өдөр хүлээн авч, 2024 оны 07 дугаар сарын 26-ны өдөр иргэний хэрэг үүсгэж, хянаад   

ТОДОРХОЙЛОХ нь:

 

Нэхэмжлэгч Хэнтий аймгийн Бор-Өндөр сумын 3 дугаар багийн Нарлаг 3-р гудамж 217 тоотод оршин суух, СЩ70101506 регистрийн дугаартай, Боржигон овогт Найдангийн ************* нь шүүхэд гаргасан нэхэмжлэлдээ: “С.*************** 2023 оны 12-р сарын 16-ны өдөр Нөмөр ББСБ-с 400,000 төгрөгийг дансаар авсан. 2023 оны 12-р сарын 18-ны өдөр Нөмөр ББСБ-с 3,900,000 үнэт эдлэл (монет, алт) лизендэж авсан. Г.*************** нь мөнгөө өгөхгүй намайг хохироосоор байна. Иймд  Г.***************гаас 4,300,000 төгрөгийг гаргуулж өгнө үү.” гэжээ.

 

Хариуцагч Хэнтий аймгийн *********** сумын **** дугаар баг ***** тоотод оршин суух, ***** регистрийн дугаартай Б  овогт Г-ийн *************** шүүхэд гаргасан тайлбартаа: “Н-н ************* нь  4,300,000 төгрөг нэхэмжилсэн байна. Нэхэмжилсэн мөнгийг төлөхөд маргах зүйлгүй. Сар бүр 500,000 төгрөгөөр төлж барагдуулна.” гэжээ.

 

ҮНДЭСЛЭХ нь:

 

            Нэхэмжлэгч Н.************* нь хариуцагч Г.***************д холбогдуулан 4,300,000 төгрөг гаргуулахаар нэхэмжлэлийн шаардлага гаргасан байна.     

 

Хариуцагч Г.*************** нь 4,300,000 төгрөгийг нэхэмжлэгч Н.*************д төлөх үүрэгтэй болох нь нэхэмжлэл, дансны хуулга, хариуцагчийн бичгээр гаргасан тайлбар зэрэг нотлох баримтуудаар тогтоогдож байна.

 

Хэрэг хянан шийдвэрлэх ажиллагааны явцад хариуцагч нь нэхэмжлэлийн бүх шаардлага болох 4,300,000 төгрөгийг төлөхийг зөвшөөрч, маргаагүй болно. 

 

Иймд хариуцагч нь нэхэмжлэлийн бүх шаардлага болох 4,300,000 (дөрвөн сая гурван зуун мянга) төгрөгийг төлөхийг зөвшөөрч, бичгээр хариу тайлбараа ирүүлсэн байгаа нь Иргэний хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт хялбаршуулсан журмаар хэрэг хянан шийдвэрлэсэн тохиолдолд улсын тэмдэгтийн хураамжийн хэмжээг тал хувиар бууруулж тогтоох ба түүнийг энэ хуульд заасан журмын дагуу гаргуулна гэж заажээ.

 

Нэхэмжлэгч Н.*************гийн улсын тэмдэгтийн хураамжид төлсөн 83750 төгрөгөөс тавин хувь 41,875 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 41,875 төгрөг, хариуцагч Г.***************гаас улсын тэмдэгтийн хураамж 41,875 төгрөгийг тус тус гаргуулж нэхэмжлэгч Н.*************д олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч Н.*************гийн нэхэмжилсэн 4,300,000 (дөрвөн сая гурван зуун мянга) төгрөгийг хариуцагч Г.*************** нь төлж барагдуулахаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн  83,750 төгрөгөөс тавин хувь 41,875 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 41,875 төгрөг, хариуцагч Г.***************гаас улсын тэмдэгтийн хураамж 41,875 төгрөгийг тус тус гаргуулж нэхэмжлэгч Н.*************д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Г.*************** нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

            4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

                                   

 

 

 

ШҮҮГЧ                       Р.БАТБАЯР