МОНГОЛ УЛСЫН НЭРИЙН ӨМНӨӨС

Дорноговь аймаг дахь сум дундын Иргэний хэргийн анхан шатны шүүхийн шүүгч Ц.Ариунзул даргалж, тус шүүхийн шүүх хуралдааны танхимд хийсэн иргэний хэргийн шүүх хуралдаанаар:

Хүсэлт гаргагч: Дорноговь аймаг, Сайншанд сум, * дугаар баг, Энхтайваны гудамж эмнэлгийн *-айл * тоотод оршин суух, Д овогт Б О,

Нэхэмжлэлийн шаардлага: ажиллаж байсан байдал тогтоолгох тухай

Шүүх хуралдааны оролцогчид:

Хүсэлт гаргагч: Б.О,

Шүүх хуралдааны нарийн бичгийн дарга Г.Х нар оролцов.

ТОДОРХОЙЛОХ нь:

1.Хүсэлт гаргагч Б.О нь ажиллаж байсан байдал тогтоолгохоор нэхэмжлэл гаргасан. Нэхэмжлэгч нэхэмжлэлийн шаардлагын үндэслэлээ дараах байдлаар тодорхойлж байна. Үүнд:

Миний бие Дорноговь аймгийн Сайншанд сумын мод боловсруулах үйлдвэрт 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан. Мод боловсруулах үйлдвэрийн даргын тушаал, цалингийн баримт байхгүй тул ажилласан жил тогтоох боломжгүй байгаа юм. Иймд намайг 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан байдлыг тогтоож өгнө үү гэв.

2.Хүсэлт гаргагчаас иргэний үнэмлэхийн хуулбар, улсын тэмдэгтийн хураамж төлсөн баримт, Дорноговь аймаг Засаг даргын тамгын газрын архивын 2024 оны 06 дугаар сарын 17-ны өдрийн 283 дугаартай тодорхойлолт, гэрч Л.О тодорхойлолт, иргэний үнэмлэхийн хуулбар, хөдөлмөрийн дэвтрийн хуулбар, гэрч Д.Э тодорхойлолт, иргэний үнэмлэхийн хуулбар, хөдөлмөрийн дэвтрийн хуулбар зэрэг баримтыг шүүхэд гаргаж өгсөн.

Шүүхээс гэрчээр Л.О, Д.Э нарыг гэрчээр асууж нотлох баримт бүрдүүлэв.

ҮНДЭСЛЭХ нь:

3.Шүүх нэхэмжлэлийн шаардлагыг хангаж шийдвэрлэлээ.

4.Хүсэлт гаргагч Б.О нь Дорноговь аймгийн Сайншанд сумын мод боловсруулах үйлдвэрт 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан болохыг тогтоолгоно гэж

нэхэмжлэлийн шаардлагаа тодорхойлжээ.

5.Хүсэлт гаргагчийн 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажилд томилсон, чөлөөлсөн тушаалууд байхгүй болох нь Дорноговь аймаг Засаг даргын тамгын газрын архивын 2024 оны 06 дугаар сарын 17-ны өдрийн 283 дугаартай тодорхойлолтоор тогтоогдож байх тул тэрээр Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.3 дахь хэсэгт зааснаар шүүхэд нэхэмжлэл гаргах эрхтэй байна.

6.Хүсэлт гаргагч Б.О нь 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан болох нь хэрэгт авагдсан баримтуудаар тогтоогдож байна гэж үзлээ.

7.Өөрөөр хэлбэл тэрээр Дорноговь аймгийн Сайншанд сумын мод боловсруулах үйлдвэрт 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан болох нь түүний хөдөлмөрийн дэвтэр №****, гэрч нарын мэдүүлэг зэргээр тогтоогдож байна.

8.Шүүх хүний ажиллаж байсан байдлыг онцгой ажиллагааны журмаар шийдвэрлэхээр Иргэний хэрэг шүүхэд хянан шийдвэрлэх тухай хуулийн 133 дугаар зүйлийн 133.1, 133.1, 135 дугаар зүйлийн, 135.2.6-д тус тус зохицуулсан байх тул Б.О нэхэмжлэлийг хангаж шийдвэрлэлээ.

9.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар хүсэлт гаргагч Б.О улсын тэмдэгтийн хураамжид төлсөн 70,200 төгрөгийг улсын орлогод хэвээр үлдээж шийдвэрлэв.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1 дэх хэсэгт заасныг удирдлага болгон

ТОГТООХ нь:

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6 дахь хэсэгт зааснаар Д овогт Б О Дорноговь аймгийн Сайншанд сумын мод боловсруулах үйлдвэрт 1988 оны 07 дугаар сарын 05-ны өдрөөс 1990 оны 08 дугаар сарын 24-ний өдөр хүртэл мужаанаар ажиллаж байсан байдлыг тогтоосугай.

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар нэхэмжлэгч Б.О улсын тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээсүгэй.

3.Б.О хөдөлмөрийн дэвтрийг хэрэгт нотлох баримтаар үлдээсүгэй.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-д зааснаар зохигч анхан шатны шүүхийн шийдвэрийг эс зөвшөөрвөл гардан авснаас хойш 14 хоногийн дотор Дорноговь аймгийн Эрүү, Иргэний хэргийн давж заалдах шатны шүүхэд гомдол гаргах эрхтэй бөгөөд мөн хуулийн 119 дүгээр зүйлийн 119.4, 119.7-д зааснаар шийдвэрийг гардаж авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүйг тайлбарласугай.

 

ДАРГАЛАГЧ, ШҮҮГЧ Ц.АРИУНЗУЛ