Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Хэргийн индекс: 135/2024/01077/и

Дархан-Уул аймаг дахь сум дундын иргэний хэргийн анхан шатны шүүхийн шүүгч Б.Номин би,

Нэхэмжлэгч: Улаанбаатар хот, ******* дүүрэг, ******* хороо, *******ын *******, ******* ******* байрлах “*******” *******-ийн (утас: *******, *******)-ийн нэхэмжлэлтэй,

Хариуцагч: Дархан-Уул аймаг, Дархан сум, ******* баг, хороолол, байр, оршин суух овогт (утас: )-т холбогдох,

“6,649,355.29 төгрөг гаргуулах тухай” иргэний хэргийг хүлээн авч хянаад,

ТОДОРХОЙЛОХ нь:

Нэхэмжлэгч “*******” ******* нь шүүхэд ирүүлсэн нэхэмжлэлдээ:

 “...Хариуцагч Ж. нь 2019 оны 04 дүгээр сарын 09-ний өдөр тоот харилцагчид үйлчилгээ үзүүлэх гэрээ, тоот цахим зээлийн эрх нээх гэрээг байгуулж, 4,860,000 төгрөгийг эхний 30 хоногт хүүгүй, 2 дахь сараас 3 хувийн хүүтэй, 6 сарын хугацаатай авсан. Хариуцагч нь гэрээгээр хүлээсэн үүргээ биелүүлээгүй зээлийн эргэн төлөлтийн хуваарийг зөрчсөн тул 6,649,355.29 төгрөгийг гаргуулж өгнө үү” гэжээ.

Хариуцагч Ж. нь шүүхэд ирүүлсэн хариу тайлбартаа:

“...Ж. миний бие “*******” *******-аас 4,860,000 төгрөгийн зээл авсан нь үнэн болно. Миний бие хүүхэд асрах чөлөөтэй, мөн хүүхэд маань эмнэлэгт хэвтэж хоёр удаа хагалгаанд орж зээлийн эргэн төлөлтөө төлөхөд хүндрэл учирч хугацаа хэтэрсэн. Одоо миний бие ажилдаа эргэн орж ажил үүргээ гүйцэтгээд явж байна. Тиймээс “*******” *******-ийн гаргасан нэхэмжлэлийг хүлээн зөвшөөрч эвлэрэн хэлэлцэх хүсэлтэй байна. Иймд 6,649,355.29 төгрөгийг 2024 оны 08, 09, 10 сард 3 хувааж төлөх хүсэлтэй байгааг хүлээн авч шийдвэрлэж өгнө үү” гэжээ.

ҮНДЭСЛЭХ нь:

Нэхэмжлэгч “*******” ******* нь хариуцагч Ж.т холбогдуулан “6,649,355.29 төгрөг гаргуулах тухай” нэхэмжлэлийн шаардлагыг шүүхэд гаргажээ.

Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.3-т зааснаар хариуцагч нь нэхэмжлэлийн шаардлагыг хүлээн зөвшөөрөх эрхтэй бөгөөд хэрэг хянан шийдвэрлэх ажиллагааны явцад хариуцагч Ж. нь нэхэмжлэлийн шаардлага болох 6,649,355.29 төгрөгийг 3 сарын хугацаанд төлөхийг зөвшөөрсөн тайлбарыг шүүхэд бичгээр гаргасан байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ”, мөн хуулийн 74.2-т “Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана” гэж заасан.

Иймд хариуцагч нэхэмжлэлийн шаардлагыг хүлээн зөвшөөрснийг баталж, хэргийг хялбаршуулсан журмаар шийдвэрлэх нь зүйтэй байна.

Нэхэмжлэгчээс улсын тэмдэгтийн хураамжид урьдчилан төлсөн 121,339.68 төгрөгийг төрийн сангийн орлогод хэвээр үлдээж, хариуцагчаас 60,670 төгрөг, төрийн сангийн орлогоос 60,670 төгрөгийг тус тус гаргуулж нэхэмжлэгчид олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар “*******” *******-ийн нэхэмжлэлтэй, хариуцагч Ж.т холбогдох “6,649,355.29 төгрөг гаргуулах тухай” иргэний хэрэгт хариуцагчийн зөвшөөрлийг баталж хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид урьдчилан төлсөн 121,339.68 төгрөгийг төрийн сангийн орлогод хэвээр үлдээж, хариуцагчаас 60,670 төгрөг, төрийн сангийн орлогоос 60,670 төгрөгийг тус тус гаргуулж нэхэмжлэгчид олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү шүүгчийн захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч талууд энэхүү захирамжид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                Б.НОМИН