2024         08          30

182/ШШ2024/03534

 

 

                            Нэхэмжлэгч нэхэмжлэлээсээ татгалзсаныг

                             баталж, хэргийг хэрэгсэхгүй болгох тухай

 

 

Чингэлтэй дүүргийн Иргэний хэргийн анхан шатны шүүхийн шүүгч Ч.Даваасүрэн би,

 

Нэхэмжлэгч: “Г” ХК -ийн нэхэмжлэлтэй,

Б.Дыг эрэн сурвалжлуулах тухай нэхэмжлэлтэй иргэний хэргийг хянаад,

ТОДОРХОЙЛОХ нь:

 

Нэхэмжлэгч “Г” ХК нь шүүхэд гаргасан нэхэмжлэлдээ:

Б овогтой Д нь 2021 оны 06 дугаар сарын 11-ний өдөр Гтай ЗГ1175142216 дугаартай зээлийн гэрээ байгуулж, 482.684.96 төгрөгийн зээлийг жилийн 22.8 хувийн хүүтэйгээр, 5 сарын хугацаатай цалин барьцаалан зээлэн авсан болно. Зээлдэгч нь зээлийн гэрээгээр хүлээсэн төлбөр төлөх үүргээ биелүүлэхгүй банкийг хохироож байсан тул банк шүүхэд нэхэмжлэл гаргасан боловч Баянзүрх дүүргийн Иргэний хэргийн анхан шатны шүүхийн дугаартай шүүгчийн захирамжаар зээлдэгч нь зээл авахдаа оршин сууж байсан тоот хаягт бүртгэлгүй бөгөөд оршин суудаггүй гэх үндэслэлээр хэргийг хэрэгсэхгүй болгож шийдвэрлэсэн. Иймд зээлдэгчийн хаягийг тодруулсны дараа энэхүү зээлийн маргаан шийдвэрлэгдэх болсон тул Б овогтой Д эрэн сурвалжлах шийдвэр гарган холбогдох байгууллагад үүрэг болгож өгнө үү гэжээ.

 

Нэхэмжлэгчийн итгэмжлэгдсэн төлөөлөгч нь шүүхэд гаргасан хүсэлтдээ:

Гны зүгээс зээлдэгч Б.Дыг эрэн сурвалжлуулахаар нэхэмжлэл гаргасан. Б.Д нь хаяг тогтоогдсон тул нэхэмжлэгчийн итгэмжлэгдсэн төлөөлөгч миний бие нэхэмжлэлээсээ татгалзаж байна гэжээ.

 

ҮНДЭСЛЭХ нь:

    

Нэхэмжлэгч “Г” ХК нь хариуцагч Б.Дыг эрэн сурвалжлуулах тухай нэхэмжлэлийн шаардлага гаргажээ.   

Хэрэг хянан шийдвэрлэх ажиллагааны явцад Б.Д нь шүүхэд тоотод оршин суудаг, дугаарын утастай тухай өөрийн тайлбарыг нотлох баримтын хамт гаргаж шүүхэд ирүүлсэн.      

 

Б.Дын оршин суух хаяг нь тодорхой болсон тул нэхэмжлэгч “Г” ХК-ийн итгэмжлэгдсэн төлөөлөгч Г.С нь Б.Дыг эрэн сурвалжлуулах тухай нэхэмжлэлээсээ татгалзаж байх тул нэхэмжлэгчийн татгалзлыг баталж хэргийг хэрэгсэхгүй болгох нь зүйтэй гэж үзэв.          

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

 

ЗАХИРАМЖЛАХ нь:

 

1.Б.Дыг эрэн сурвалжлуулахыг хүссэн нэхэмжлэлээсээ нэхэмжлэгч “Г” ХК нь татгалзсныг баталж хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д заасныг баримтлан нэхэмжлэгчийн улсын тэмдэгтийн хураамжид урьдчилан төлсөн 70.200 төгрөгийг Чингэлтэй дүүргийн төсвийн орлогод хэвээр үлдээж, 35.100 төгрөгийг Чингэлтэй дүүргийн татварын хэлтсийн 100200700941 тоот данснаас гаргуулж нэхэмжлэгчид олгосугай.         

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                             Ч.ДАВААСҮРЭН