МОНГОЛ УЛСЫН НЭРИЙН ӨМНӨӨС

Сонгинохайрхан дүүргийн Эрүүгийн хэргийн анхан шатны шүүхийн шүүгч Г.Ганбаатар даргалж,

Нарийн бичгийн дарга Ц.Отгонбаяр,

Улсын яллагч Ц.Ариунтуяа,

Хохирогч Д.Д, түүний өмгөөлөгч Т.Одгариг,

Шүүгдэгч Д.П, түүний өмгөөлөгч А.Очбадрал нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар Сонгинохайрхан дүүргийн Прокурорын газраас Эрүүгийн хуулийн тусгай ангийн 11.4 дүгээр зүйлийн 2 дахь хэсгийн 2.1 дэх заалтад зааснаар шүүгдэгч Д.Пд холбогдуулан яллах дүгнэлт үйлдэж ирүүлсэн эрүүгийн 2017 2601 1106 дугаартай хэргийг 2017 оны 10 дугаар сарын 09-ний өдөр хүлээн авч хянан хэлэлцэв.

Шүүгдэгчийн биеийн байцаалт:

Шүүгдэгч: Монгол Улсын иргэн, 1969 оны 02 дугаар сарын 06-ны өдөр Улаанбаатар хотод төрсөн, 48 настай, эрэгтэй, тусгай дунд боловсролтой, мужаан мэргэжилтэй, эрхэлсэн тодорхой ажилгүй, ам бүл-4, эхнэр, 2 хүүхдийн хамт Сүхбаатар дүүргийн .. дүгээр хороо, .. дугаар байрны .. дүгээр орцны подвалын .. тоотод оршин суух хаягтай, урьд 2007 оны 9 дүгээр сарын 24-ний өдрийн Орхон аймаг дахь Сум дундын шүүхийн 208 дугаар шийтгэх тогтоолоор Эрүүгийн хуулийн тусгай ангийн 100 дугаар зүйлийн 100.1 дэх хэсэгт зааснаар 6 сарын хугацаагаар баривчлах ял шийтгэгдсэн Боржигон овогт Дын П /РД:……/

Үйлдсэн хэргийн талаар: /яллах дүгнэлтэд бичсэнээр/

Шүүгдэгч Д.П нь 2017 оны 05 дугаар сарын 01-ний өдөр Сонгинохайрхан дүүргийн 22 дугаар хорооны Баянгол амны Бор толгойн задгай тоотод гэр бүлийн хамаарал бүхий хамтран амьдрагч Д.Дг иргэн Л.Буянжаргалтай хардан зодож, түүний биед эрүүний ооч болон баруун булангийн хугарал, хүзүүний нөсөө бүхий гэмтэл учруулан гэр бүлийн хүчирхийлэл үйлдэж хүндэвтэр хохирол санаатай учруулсан гэх гэмт хэрэгт холбогджээ.

ТОДОРХОЙЛОХ нь:

Шүүх хуульд заасан үндэслэл журмын дагуу цугларсан дараах нотлох баримтуудыг шинжлэн судлав. Үүнд:

• Сүхбаатар дүүргийн Цагдаагийн 1 дүгээр хэлтэст гаргасан иргэн Д.Д, Д.Дуламрагчаа нарын өргөдөл /хх-2-3/,
• хэргийн газарт үзлэг хийсэн тэмдэглэл, фото зургийн үзүүлэлт /хх-106-108, 109-

111/,

• хохирогч Д.Дгийн мөрдөн байцаалтын шатанд өгсөн... Би 2017 оны 4 дүгээр сарын 30-ны өдөр Сонгинохайрхан дүүргийн 22 дугаар хороо Баянголын аманд байх блокны үйлдвэртээ 300 блонк ачиж явуулахаар машин хүлээгээд байж байсан. Тэгээд блок ачих машин нь оройтож ирнэ гэхээр нь хүлээж байгаад ачуулчихаад эндээ хоночихоод явъя гээд нөхөр Пыг хэлэхээр нь би тэгье гээд манаач өвгөн Жагаагийн пүүткэнд нь хоол хийж идчихээд бид гурав гадаа 0.75 граммын нэг шил архи хувааж уусан. Тэгээд блок ачих машин ирж амжихгүй болоод маргааш нь ирэхээр болсон. Тэгээд бид 21 цагийн үед дахиж хоол идээд дэлгүүрээс 0.75 граммын нэг шил архи дахиж уусан. Бид нар гадаа сууж байгаад 23 цагийн үед манаачийн байр луу ороод манай нөхөр унтаад өгсөн. Манаач өвгөн унтах гээд хэвтэж байсан. Би телевизерээр кино үзээд сууж байтал манаач өвгөн наадах чинь ямар кино билээ гэсэн чинь л П унтаж байснаа гэнэт босч ирээд "та хоёр юу яриад байгаа юм бэ” гээд миний нүүр лүү гараараа олон удаа цохиод хамраас цус гарсан. Манаач өвгөн Жагаа ах руу бас дайрч зодсон...намайг орон дээр унагачихаад чиний давсгийг хагалах юу ч биш, одоо нэг мөсөн гүйцээгээд хаячихъя гээд намайг толгой түрүүгүй зодоод байсан. Би болиоч гэж гуйж байж тайвшруулаад сууж байгаад намайг гаръя гэхээр нь чи түрүүлээд гарч бай, би хойноос нь гаръя гэсэн чинь чи надаас зугтах гэж байна гэж хэлээд "миний үснээс чирч татаад хаалгаар чирээд гарчихаад миний хоолойг багалзуурдаж, нүүр лүү гараараа цохиод байсан”. Тэгэхээр нь миний буруу уучлаарай гэж аргадаж байгаад тайвшруулаад миний дээрээс буухаар нь гутлаа тайлаад харанхуй газар луу зугтсан. Би өвсөн дунд ороод хэвтээд нуугдаж байгаад цагдаад дуудлага өгсөн. Манай нөхөр манаач өвгөний хаалгыг нь нүдээд байсан. Тэгж байснаа хоёр цонхыг нь хагалаад хэсэг чимээгүй болчихсон. Цагдаа нартай хамт пүүдэгт ороход манай нөхөр байгаагүй. Манаач Жагаагийн нүүр ам нь битүү хавдаж хөхөрчихсөн байсан. Би цагдаагийн машинд суугаад 103-т бас дуудлага өгсөн. Цагдаагийн машинтай явж байтал түргэний машин замд таарахаар нь түргэний машинд суугаад гэмтлийн эмнэлэгт очиж үзүүлсэн. Тэгээд цус тогтоох тариа хийлгэж, хамрандаа чихээс хийлгэж дүүргийнхээ эмнэлэгт үзүүлээрэй гээд намайг явуулсан. Би эмнэлгээс гараад 05 цагийн үед гэртээ ирсэн. Маргааш нь буюу 5 дугаар сарын 01-ний өглөө манай хоёр хүүхэд хичээлдээ явсны дараа 09 цагийн манай нөхөр П гаднаас архи нь гараагүй орж ирсэн. ...5 дугаар сарын 02-ны өдөр миний нүүр ам өвдөөд, эрүү яс янгинаж өвдөөд, тархи задарчих гээд байсан. Тэр өдрөө гэртээ хэвтэж байгаад шөнө нь бие өвдөөд унтаж чадаагүй. 5 дугаар сарын 03-ны өдөр "Энхийг цацруулагч” гэх хувийн эмнэлэгт үзүүлж шүдний дэлгэмэл зураг авахуулсан чинь эрүүний яс, шанааны яс хугарсан байна гэсэн. Тэгээд би нэгдүгээр эмнэлгийн эрүү нүүрний мэс заслын тасагт 5 дугаар сарын 04- ний өдөр хэвтэж эрүүндээ зүслэг хийж дотроо хавдсан байсан цус, идээгээ шахуулж гаргасан. 7 хоног эмчилгээ хийлгэсний дараа 5 дугаар сарын 12-ны өдөр эрүү, шанааны яс Хуулах хагалгаанд орсон. Хагалгаанд орчихоод 5 дугаар сарын 17-ны өдөр эмнэлгээс гарсан. Эмнэлгээс гарсны дараа 5 дугаар сарын 20-ны өдөр манай нөхөр П бас согтуу орж

ирчихээд надтай хэрүүл хийгээд нэг мөсөн нөгөө шанаагийн чинь хугалаад хаячихъя гээд миний зүүн талыг шанаа руу гараараа цохиж, миний зүүн талын нүд хөхөрч хавдсан. Тэгэхээр нь би цагдаа дуудсан. Маргааш нь эрүүлжүүлэхээс гарсны дараа халамцуу орж ирээд "чи яасан их цагдаа дууддаг юм бэ, би гараад ирдэг л байхгүй юу” гээд над руу дайраад байсан. Энэ үед намайг зодож цохисон үйлдэл гаргаагүй ч би айгаад дахиад цагдаа дуудаад өгсөн. Сүхбаатар дүүргийн 1 дүгээр хорооны хэсгийн байцаагч манай нөхөр Пыг 20 хоног баривчилсан. Манай ээж Дуламрагчаа намайг эмнэлгээс гарсан өдөр Сүхбаатар дүүргийн цагдаагийн нэгдүгээр хэлтэст өргөдөл гаргаж өгсөн. Намайг П нь зодож эрүү, шанааны яс хугалчихаад хагалгаанд орсны дараа дахиад зодсон болохоор би өргөдөл гаргасан. Миний өргөдөл Сонгинохайрхан дүүргийн цагдаагийн нэгдүгээр хэлтэст харъяаллаар ирсэн. Надтай амьдарч эхэлсэнээс хойш маш олон удаа намайг зодож байсан. Намайг архи уусан үедээ байнга л зоддог байсан. Би намайг зодож байсан он сар өдрийг одоо сайн санахгүй байна. Одоо санаж байгаагаа хэлэхэд хамгийн анх 1998 онд БНсУ-д байхдаа намайг П нь найз нартайгаа хардаж зодож нүүр ам битүү хавдаж хөхөрч, хамрын яс хугарч байсан. Мөн дараа нь хамрын таславч мурийсан, ахар сүүл хавирга хугарч байсан, 2014 онд намайг манаач Жагаатай хардаж зодохоор нь би цонхоор үсэрч гарч зугтаж байсан. 2015 оны 01 дүгээр сарын 21-ний өдөр Чингэлтэй дүүрэгт гэртээ байхдаа намайг зодож би түргэн дуудаад гэмтлийн эмнэлэг рүү цус алдаад ухаан алдаад очиж байсан. Маргааш нь хагалгаанд ороод ухаан ортол миний давсаг хагарсны улмаас хагалгаанд орсноо мэдсэн. Энэ талаар Чнигэлтэй дүүргийн цагдаагийн нэгдүгээр хэлтэс дээр шалгагдаж байсан. Манай нөхөр 4 сар гаран шалгагдсан ба 5 жилийн ял авна гэнэ гээд байна чи гомдолгүй гэчих гээд гуйгаад байхаар нь би өөрөө унасан гэж хэлээд гомдол саналгүй гээд хэргээ хаалгаж байсан. 2016 оны 4 дүгээр сарын 02-ны өдөр П архи уусан үедээ намайг хэвтэж байсан чинь намайг зодож миний дээр гарч суугаад хоолойг боож миний гэдэсний эвэрхийг хагалж байсан. Үүнээс болж яаралтай хагалгаанд 1 дүгээр эмнэлэгт орж байсан. Хамгийн сүүлд 2017 оны 4 дүгээр сард нэг удаа, 5 дугаар сард хоёр удаа зодсон. Ер нь П эхлээд намайг архи уусан үедээ хардаж дандаа зоддог байсан бол 2017 оноос хойш эрүүл согтуу байсан ч зоддог болсон. ...Бид хоёрын хооронд гэр бүлийн маргаан байдаг ба энэ нь дандаа мөнгөтэй холбоотой хэрүүл байдаг. П архи ууж ирээд агсам тавиад 2-3 хоногоор архидаад явчихдаг. 2016 оноос хойш би шаналж зовсондоо би Птай хамт архи уудаг байсан. Гэхдээ П намайг цуг архи уу гэж уулгачихаад дараа нь зоддог...Намайг П зоддог талаар манай гэрийнхэн болох ээж, ах, эгч нар, манай хоёр хүүхэд мэднэ. П намайг гэртээ ганцаараа байхдаа л зоддог байсан. Хоёр хүүхэд хичээлдээ явсны дараа зоддог...Би маш их гомдолтой байна. Би цаашид энэ хүнтэй амьдрахгүй гэр бүлээ цуцлуулж хүүхдүүдээ өөрийнхээ нэр дээр болгох хүсэлтэй байна... гэх мэдүүлэг /хх-13-16, 98-99/,

• гэрч Д.Цэрэнсодномын мөрдөн байцаалтын шатанд өгсөн: ...Би дүү Дг 2017 оны 5 дугаар сарын 01-ний өдөр нөхөр Пд зодуулсныг тухайн үед нь мэдээгүй. 2017 оны 5 дугаар сарын 03-ны өдөр утсаар ярьтал миний эрүү хугараад идээлчихсэн байна гэсэн. Тэгээд яаралтай хагалгаанд ор гэж байна гэсэн. Тэгэхээр нь юу болсон талаар асууХ Сонгинохайрхан дүүргийн 22 дугаар хорооны нутаг дэвсгэрт байрлах блокын үйлдвэр дээр байХ намайг манаач өвгөнтэй хамт П зодсон гэж хэлсэн. Тэгээд би нөхөртөө зодуулж эрүүний ясаа хугалуулсаныг нь мэдсэн. ...П нь байнга манай дүүг зоддог. Энэ талаар Д бид нарт тэр болгон хэлээд байдаггүй, яалт ч үгүй амь насанд нь аюултай зүйл учрахаар л бид нарт хэлдэг. Бид нар тэр болгон хамт байдаггүй болохоор зарим зүйлийг нь сайн мэдэхгүй байна. Миний санаж байгаагаар 2015 онд П Дг зодоод давсагийг нь хагалж байсан. 2016 онд бас зодож бас эвэрхийг нь хагалж байсан. Ер нь бол Дгийн хамар болон нүд нь байнга хавдартай хөхөрчихсөн байдаг. Яг хэдэн оны хэдэн сард хэрхэн яаж зодуулсан талаар нь би тодорхой сайн хэлж мэдэхгүй байна. Ер нь бол зодуулсаны дараа нь болсон үйл явдлын талаар мэддэг. ...П манай дүүтэй 1997 оноос хойш өнөөдрийг хүртэл амьдарч байна. Архи уусан үедээ тавьтаргүй. Архи уух болгондоо л манай дүүг зоддог. Сүүлийн үед манай дүүг алчихаад шоронд орно гээд байдаг гэсэн...гэх мэдүүлэг /хх-17-18х/,
• гэрч Д.Моломжамцын мөрдөн байцаалтын шатанд өгсөн: ...Би дүү Дг 2017 оны 5 дугаар сарын 02-ны өглөө манай гэрт П намайг манаачтай хардаад зодчихлоо

гээд баруун шанаа нь битүү хавдчихсан эмнэлэг явлаа гээд ирэхээр нь мэдсэн. Маргааш нь буюу 5 дугаар сарын 03-ны өдрийн орой 19 цагийн үед утсаар яриХ нэгдүгээр эмнэлэгт хэвтэж байна гэсэн...очиход одоо яаралтай зүсэлт хийлгэ гэж байна гэсэн. 5 дугаар сарын 12- ны өдөр хагалгаанд орсон. Эрүүний яс, шанааны яс хугарсан байсан...хагалгаанд ороод эмнэлгээс гарсны дараа нь дахиж нөгөө эрүүг нь хугална гэж манай дүү Д рүү дайраад шанаа руу 2 удаа цохисон гэсэн. Дахиад цагдаад дуудлага өгсөн..гарч ирээд би гарч ирдэг байхгүй юу гэж хэлээд дахиад манай дүүг зодсон гэсэн. Би зодох үед нь дэргэд нь байгаагүй. ...2015 онд манай дүү Д манай гэрт ирээд намайг П зодоод давсаг руу өшиглөсөн миний доороос цус гараад байна гэсэн. Тэгээд гэмтэлд очоод ухаан алдаад унасан...яаралтай хэвтэж давсагны хагалгаанд орсон. Тухайн үед Чингэлтэй цагдаагийн хэлтэст шалгагдаж байгаад П нь гуйгаад байхаар нь манай дүү гомдолгүй гэж хэлээд хэрэг нь хэрэгсэхгүй болж байсан. 2016 онд бас П Дг зодоод эвэрхийг нь хагалаад хагалгаанд орж байсан. Мөн хэзээ гэдгийг нь санахгүй бас зодоод чихийг нь сэт татаад хэнгэрэг нь хагараад группт орсон. Одоо болтол группт байдаг. Хамрын хугархай болон нүдний хөх нь бол байнга л байдаг байсан. Ер нь бол П архи уух болгондоо л зоддог. П манай дүү Дг бусадтай хардсаны улмаас байнга зоддог. Хамгийн сүүлд 2017 оны 5 дугаар сарын 01-ний өдөр Сонгинохайрхан дүүргийн 22 дугаар хорооны нутаг дэвсгэрт байх блокны үйлдвэрт сахиул өвгөнтэй хардаж зодсон гэсэн. ...П эрүүл үедээ энгийн зүгээр л байдаг. Архи уусан үедээ л зан ааш нь дийлдэхгүй болчихдог. Хоорондоо байрны асуудлаас болж байнга л хэрүүлтэй байдаг. П Дг архи ууя гэж хүчээр шахуу архи уулгачихаад дараа нь зодчихдог. ...2009 онд П нь Дг зодож байхыг нь би харж байсан. Тухайн үед би салгаж болиулж байсан. 2010 онд манай ээжийнд манай дүүг зодож байсан. Ер нь бол байнга эхнэрээ зоддог. Ах дүү нар болон хоёр хүүхэд нь байхгүй үед л байнга зоддог...гэх мэдүүлэг /хх-19-20/

•  насанд хүрээгүй гэрч П.Алдарын мөрдөн байцаалтын шатанд өгсөн: ... Би Дын Пын том хүү. Аав Д.П манай дүү бид 2-ыг зодож цохих болон гэр бүлийн хүчирхийлэл үйлдээд байдаггүй. Харин манай ээжийг архи согтууруулах ундаа хэрэглэсэн үедээ болон, эрүүл байхдаа зоддог, энэ нь маш хэцүү байдаг. ...Дүү бид 2-ыг хичээлдээ явсан үеэр зоддог, орой хичээлээсээ тараад ирэхэд манай ээж зодуулсан байж байдаг. Яг хэзээ хэзээ зодуулсан байсныг би хэлж сайн мэдэхгүй байна. Аав ээжийг байнга зоддог. Архи уухаараа агсам тавиад зоддог мөн гэр бүлийн маргаанаас болоод л зодоод байх шиг санагддаг. Би аавыгаа архи битгий ууж, ээжийг зодохгүй байгаасай гэж хүсдэг...гэх мэдүүлэг /хх-100-101/
•  гэрч Д.Дуламрагчаагийн мөрдөн байцаалтын шатанд өгсөн: ...Д, П нар 1997 оноос хойш хамтран амьдарч байна. П миний мэдэхээр сүүлийн 2 жил байнга зодож байна. Дгийн биед давсаг нь хагарч байсан, эрүү нь хугарч байсан, чих нь сонсголгүй болсон зэрэг гэмтлүүдийг П учруулж байсан. Миний хажууд зодож байсан удаа байгаа...гэх мэдүүлэг /хх-102-103/
• гэрч Л.Буянжаргалын мөрдөн байцаалтын шатанд өгсөн: ...2017 оны 5 дугаар сарын 01- ний өдөр байх П, Долгормаа нар Сонгинохайрхан дүүргийн 22 дугаар хороо Баянгол аж бор толгой гэх газар манай гэрт хамт ирсэн. Д П бид 3 хамтдаа архи хувааж уусан. П надад хандан энэ муу янхан Дтэй унтаж байсан биз дээ гээд намайг алгадаад авсан. Тэгснээ дараа нь Дг манай гэрт зодсон. Ингээд хэрүүл зодоон болж дуусаад манайхаас явсан шиг санагдаж байна...гэх мэдүүлэг /хх-104-105/
• шүүхийн шинжилгээний үндэсний хүрээлэнгийн шинжээчийн 2017 оны 5 дугаар сарын 26-ны өдрийн 6870 дугаартай шинжээчийн:... Д.Дгийн биед эрүүний ооч болон баруун булангийн хугарал, зүүн нүдний зовхинд цус хуралт, хүзүүнд нөсөө бүхий гэмтэл тогтоогдлоо. Дээрх гэмтэл нь мохоо зүйлийн нэгээс дээш удаагийн зүйлчлэлээр үүсгэгдэнэ. Эрүүний ооч болон баруун булангийн хугарал, хүзүүний нөсөө нь 2017 оны 5 дугаар сарын 01-нд, зүүн нүдний зовхинд цус хуралт нь 2017 оны 5 дугаар сарын 20-ны өдөр үүссэн байх боломжтой. Шүүх эмнэлгийн гэмтлийн зэрэг тогтоох журмын 2.3.1-д зааснаар эрүүл мэндийг удаан хугацаагаар сарниулах тул гэмтлийн хүндэвтэр зэрэгт хамаарна. Цаашид ерөнхий хөдөлмөрийн чадварын тогтонги

алдалтанд нөлөөлөхгүй...гэх дүгнэлт /хх-23/,

• Д.Дгийн өвчний түүх, компьютер томографийн шинжилгээ, зураг /хх-

42-53/

• АСАП сангийн лавлагаа /хх-54-72/
• Сүхбаатар дүүргийн Эрүүгийн хэргийн анхан шатны шүүхийн болон Дүүргийн Эрүүгийн хэргийн анхан шатны 1 дүгээр шүүхийн шийтгэвэрүүдийн хуулбарууд /хх-74- 78, 80/
• хохирогч Д.Дгийн 2015 оны 9 дүгээр сар болон 2017 оны 5 дугаар сарын 01,20-ны өдрүүдэд зодуулсан гэх фото зураг /хх-137-143/,
• 2015 оны 02 дугаар сарын 09-ний өдрийн мөрдөн байцаагчийн тогтоолоор үүсч байсан 2015250001423 тоот эрүүгийн хэргийн хохирогч, гэрч, сэжигтэн, яллагдагч нарын мэдүүлэг, шинжээчийн дүгнэлт, тус хэргийг хэрэгсэхгүй болгох тухай прокурорын тогтоол зэргийн хуулбар /хх-154-176х/
• шүүгдэгч Д.Пын мөрдөн байцаалтын шатанд өгсөн:...Би эхнэр Д, хүү Алдарын хамт 2017 оны 5 дугаар сарын 01-ний өдөр Баянголын аманд байрлах блокны үйлдвэрээс блокон байшин буулгаж зарж байсан. Тэгээд Алдар найзуудтайгаа уулзана гээд яваад өгсөн, маргааш нь эрт хүн ирж блок авна гэсэн байсан тул тэндээ хонохоор болсон. Урд талд байх манаач айл болох Баянжаргалынд хонохоор болж эхнэр Д манаач Баянжаргал бид гурав нийлж архи уусан. Баянжаргалын гэрт архи уусан. Тэгээд архи ууж дууссаны дараа би эхнэрээ манаач Баянжаргалтай хардсаны улмаас зодсон. Түүний нүүрэн тус газар алгадсан. Тэгэхэд тэр хашаанаас гарч зугтаагаад олдоогүй...Би тухайн үед маш их согтуу байсан. Бид гурав 0.75 л архи хоёрыг уусан санагдаж байна. Би тухайн үедээ манаач Баянжаргал эхнэр Д нар хоорондоо нүд амаа дохилцоод өөрсдөө их уухгүй, над руу шахаад байгаа байдал ажиглагдаад хардаж уурласандаа эхнэртээ гар хүрсэн. Түүний нүүрэн тус газар нь алгадаж зодсон. 3-4 удаа цохисон байх сайн санахгүй байна. Ингэж зодуулснаас болж манай эхнэр нэгдүгээр эмнэлгийн эрүү, нүүрний тасагт хэвтэж эмчлүүлсэн. Намайг зодсноос болж эрүүү нь хугарсан байсан. ...Би эмчилгээний зардал хэрэгтэй болоод үйлдвэр дээр байсан блокоо зарж эмчилгээний зардал хүрээгүй тул Орбитод айлын 6x9 м2 талбайтай байшин барьж өгөхөөр тохиролцож урьдчилгаа 300.000 төгрөг авч эмчилгээний зардалд хэрэглэсэн. Дахин мэс засал хийх шаардлагатай болоод дахин мөнгөний хэрэг болсон. Тэгэхээр нь байшин бариулах гэж байгаа айлынхаа суурийг нь цутгаж өгөөд нэмж 300.000 төгрөгийг урьдчилгаа авсан. Тэгээд эхнэр лүүгээ эмчилгээний зардал 210.000 төгрөгийг шилжүүлсэн...Би эхнэртээ чи эмчилгээнд зарцуулах мөнгөөр архи уулаа гэж уурлаад үлдсэн 129.000 төгрөгтэй картыг авч хоёр хүүдээ пүүз авч өмс гээд картаа өгч гаргасан. Тэгээд би унтчихсан. Энэ өдөр архи дарс уусан асуудал байхгүй, харин Д архи уучихсан байсан. Маргааш өглөө босоход хоёр хүү хичээлдээ явах гэж байсан бөгөөд авсан пүүзээ надад үзүүлж байсан. Картаа надад буцааж өгсөн. Тэгээд би 22-ны өглөө 07 цаг 30 минутын орчим гэрээс гараад дэлгүүрээс 0.5 л архи аваад гэртээ ирээд эхнэртэйгээ уусан. Ингээд ямар нэгэн хэрүүл маргаан байхгүй унтаад өгсөн. Тэгтэл 10 цаг өнгөрч байХ Сүхбаатар дүүргийн Цагдаагийн нэгдүгээр хэлтсийн цагдаагаас хүн ирээд намайг эрүүлжүүлсэн. Ямар учиртай юм бэ гэсэн чинь эхнэр чинь дуудлага өгсөн гэж хэлсэн. 23-ны өдөр Сүхбаатар дүүргийн Цагдаагийн нэгдүгээр хэлстийн нэгдүгээр хорооны байцаагч намайг эрүүлжүүлэхээс аваад намайг шүүхээр баривчлуулна гээд эхнэрийг дуудсан. Эхнэрийн утас болохгүй байсан. Эргүүлийн цагдаа явуулаХ эхнэр нь шал согтуу байна, 00-доо орчихоод хаалгаа тайлахгүй байна гэж хэлсэн. Тэгээд хорооны байцаагч намайг удаа дараалан эрүүлжүүлэгдсэн байна гээд шүүхээр оруулж 20 хоног баривчлагдсан...Би 2017 оны 5 дугаар сарын 01-ний өдөр эхнэр Дг зодож

биед нь гэмтэл учруулж, эрүүг нь хугалсан гэх асуудлыг хүлээн зөвшөөрч байна. Харин 5 дугаар сарын 21-ний өдөр болон 22-ны өдөр намайг зодсон гэж ярьж байгаа бол худлаа, 21-ний өдөр өөрөө согтуу мөнгө үрчихсэн байхаар нь би уурлаад загнаж байгаад унтсан. Харин 22-ны өглөө би өөрөө дэлгүүрээс архи аваад гэртээ эхнэртэйгээ хувааж уусан. Тэгээд согтоод унтсан үед цагдаа дуудсан байсан, юу гэж дуудсаныг нь мэдэхгүй байна. Түүнээс хойш уулзаагүй. ...Би үүнээс өмнө нь эхнэр Д.Дг 2 удаа зодож байсан. Яг хэзээ зодсон он сар өдрөө би сайн санахгүй байна... Би эхнэртэйгээ хамт архи уудаг. Манай эхнэр надад дандаа худлаа яриад байдаг болохоор нь би зоддог....гэх мэдүүлэг /хх-34-37, 39-40, 93-94/

• шүүгдэгч Д.Пын хувийн байдалтай холбоотой баримтууд: - ял шалгах хуудас /хх-201/, - Орхон аймгийн Сум дундын шүүхийн 2007 оны 09 дүгээр сарын 24-ний өдрийн 208 дугаар шийтгэх тогтоолын хуулбар /хх-112-113/, - суллагдсан хүмүүст олгодог тодорхойлолт /хх-113/, - түүний 2 хүүхдийн төрсний гэрчилгээний хуулбар /хх-152х/, - иргэний үнэмлэхний лавлагаа /хх-145/ зэрэг болно.

Шүүгдэгч Д.П нь 2017 оны 5 дугаар сарын 01-ний өдөр Сонгинохайрхан дүүргийн 22 дугаар хорооны Баянгол амны Бор толгойн задгай тоотод хамтран амьдрагч Д.Дг иргэн Л.Буянжаргалтай хардан зодож, түүний биед эрүүний ооч болон баруун булангийн хугарал, хүзүүний нөсөө бүхий гэмтэл учруулан гэр бүлийн хүчирхийлэл үйлдэж хүндэвтэр хохирол санаатай учруулсан болох нь:

• шүүхийн шинжилгээний үндэсний хүрээлэнгийн шинжээчийн 2017 оны 5 дугаар сарын 26-ны өдрийн 6870 дугаартай шинжээчийн:...Д.Дгийн биед эрүүний ооч болон баруун булангийн хугарал, зүүн нүдний зовхинд цус хуралт, хүзүүнд нөсөө бүхий гэмтэл тогтоогдлоо. Дээрх гэмтэл нь мохоо зүйлийн нэгээс дээш удаагийн зүйлчлэлээр үүсгэгдэнэ. Эрүүний ооч болон баруун булангийн хугарал, хүзүүний нөсөө нь 2017 оны 5 дугаар сарын 01-нд үүссэн байх боломжтой. Шүүх эмнэлгийн гэмтлийн зэрэг тогтоох журмын 2.3.1-д зааснаар эрүүл мэндийг удаан хугацаагаар сарниулах тул гэмтлийн хүндэвтэр зэрэгт хамаарна. Цаашид ерөнхий хөдөлмөрийн чадварын тогтонги алдалтанд нөлөөлөхгүй...гэх дүгнэлт /хх-23/,
• хохирогч Д.Дгийн мөрдөн байцаалтын шатанд өгсөн... тэр үед П унтаж байснаа гэнэт босч ирээд "та хоёр юу яриад байгаа юм бэ” гээд миний нүүр лүү гараараа олон удаа цохиод хамраас цус гарсан. Тэгээд манаач өвгөн Жагаа ах руу бас дайрч зодсон. Тэгээд намайг орон дээр унагачихаад чиний давсагийг хагалах юу ч биш, одоо нэг мөсөн гүйцээгээд хаячихъя гээд намайг толгой түрүүгүй зодоод байсан...5 дугаар сарын 02-ны өдөр миний нүүр ам өвдөөд, эрүү яс янгинаж өвдөөд, тархи задарчих гээд байсан. 5 дугаар сарын 03- ны өдөр эмнэлэгт үзүүлж шүдний дэлгэмэл зураг авахуултал эрүүний яс, шанааны яс хугарсан байна гэсэн...7 хоног эмчилгээ хийлгэсний дараа 5 дугаар сарын 12-ны өдөр эрүү, шанааны яс Хуулах хагалгаанд орсон. 5 дугаар сарын 20-ны өдөр П бас согтуу орж ирчихээд надтай хэрүүл хийгээд нөгөө шанааг чинь хугалаад хаячихъя гээд миний зүүн талыг шанаа руу гараараа цохиж, миний зүүн талын нүд хөхөрч хавдсан. Намайг архи уусан үедээ байнга л зоддог байсан... .хамгийн сүүлд 2017 оны 4 дүгээр сард нэг удаа, 5 дугаар сард хоёр удаа зодсон.тухай мэдүүлэг /хх-13-16, 98-99/,
• гэрч Д.Цэрэнсодномын мөрдөн байцаалтын шатанд өгсөн: ...Би дүү Дг 2017 оны 5 дугаар сарын 01-ний өдөр нөхөр Пд зодуулж эрүүний ясаа хугалуулсаныг нь мэдсэн...П нь байнга манай дүүг зоддог гэх мэдүүлэг /хх-17-18х/,
• гэрч Д.Моломжамцын мөрдөн байцаалтын шатанд өгсөн: ...Би дүү Д 2017 оны 5 дугаар сарын 02-ны өглөө гэрт П намайг манаачтай хардаад зодчихлоо гээд баруун шанаа нь битүү хавдчихсан байсан тухай мэдүүлэг /хх-19-20/,
• гэрч Л.Буянжаргалын мөрдөн байцаалтын шатанд өгсөн: ...2017 оны 05 дугаар сарын 01-ний өдөр байх П, Долгормаа нар Сонгинохайрхан дүүргийн 22 дугаар хороо Баянгол аж бор толгой гэх газар манай гэрт хамт ирсэн. бид 3 хамтдаа архи хувааж уусан.

П надад хандан энэ муу янхан Дтэй унтаж байсан биз дээ гээд намайг алгадаад авсан. Тэгснээ дараа нь Дг манай гэрт зодсон...гэх мэдүүлэг /хх-104-105/ зэрэг нотлох баримтуудаар нотлогдож тогтоогдож байна.

Иймд шүүгдэгч Д.Пыг гэр бүлийн хүчирхийлэл үйлдсэний улмаас хүний эрүүл мэндэд хүндэвтэр хохирол санаатай учруулсан гэмт хэргийг үйлдсэн гэм буруутайд тооцож, түүнд эрүүгийн хариуцлага хүлээлгэх үндэслэлтэй байна.

Шүүгдэгч, түүний өмгөөлөгч нар гэм буруугийн буюу хэргийн зүйлчлэлийн талаар маргаан гаргаагүйгээс гадна шүүх шүүх хуралдаанаас хэргийг буцаах боломжгүй, прокурор хэргийг буцаах санал гаргаагүй тул шүүх шүүгдэгчийн эрх зүйн байдлыг хүндрүүлэхээр дүгнэн тус хэргийг прокурорт буцаагаагүй болохыг тэмдэглэв.

Хэрэгт авагдсан нотлох баримтаас үзэхэд тус хэрэгт нотолбол зохих зарим асуудлыг нотлоогүй, эрүүгийн хэрэг үүсгэж, яллагдагчаар татах тогтоолд өөрчлөлт оруулах буюу гэмт хэргийн зүйлчлэлийн асуудлыг шийдвэрлэхэд зөрчил гаргасан, шүүгдэгч нь урьд өмнө хохирогчийг байнга зоддог байсан, мөн хохирогчийн эд эрхтэн болох давсагт нь гэмтэл учруулсан эсэх асуудлыг өмнө нь шалгаж хэрэгсэхгүй болгосон прокурорын тогтоол байх хэдий ч тухайн хэргийг хэрэгсэхгүй болгоход хамаарах эргэлзээтэй нотлох баримтыг бусад шинэ нотлох баримтуудтай харьцуулан шалгаж сэргээх эсэх асуудлыг шийдвэрлээгүй, шүүгдэгчийн үйлдсэн байж болох гэр бүлийн хүчирхийллийн болон бусад бүхий л зөрчлүүдийг бүхэлд нь мөрдөн шалгах ажиллагааг иж бүрэн хийгээгүй орхигдуулсан байсныг тэмдэглэж, тухайн асуудлыг шинээр илэрсэн нөхцөл байдлын улмаас дахин шалгах боломжтойг дурдах нь зүйтэй.

Хохирогч Д.Д нь шүүгдэгчээс эмчилгээний зардал болон бусад зардлыг нэхэмжилсэн баримтгүй байх тул нэхэмжлэх эрхийг нь нээлттэй үлдээв.

Шүүхээс Д.Пд эрүүгийн хариуцлага хүлээлгэхдээ гэмт хэрэг үйлдсэн нөхцөл байдал, учирсан хохирол, хор уршгийн шинж чанар, түүний хувийн байдал зэргийг харгалзан түүнд хорих ял оногдуулж, хорих ялыг нээлттэй хорих байгууллагад биечлэн эдлүүлэв.

Шүүгдэгч Д.П нь 2017 оны 6 дугаар сарын 12-ны өдрөөс /хх-28, 31, 32, 89, 189, 192/ 2017 оны 11 дүгээр сарын 01-ний өдрийг хүртэл нийт 142 хоног цагдан хоригджээ.

Хэрэгт эд мөрийн баримтаар хураагдсан болон битүүмжлэгдсэн зүйлгүй болохыг тус тус дурдав.

Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10, 38.1, 38.2 дугаар зүйлүүдэд заасныг тус тус удирдлага болгон

ТОГТООХ нь:

1. Шүүгдэгч Д.Пыг хүний эрүүл мэндэд хүндэвтэр хохирол санаатай учруулсан гэмт хэргийг гэр бүлийн хүчирхийлэл үйлдэж үйлдсэн гэм буруутайд тооцсугай.
2. Эрүүгийн хуулийн тусгай ангийн 11.4 дүгээр зүйлийн 2 дахь хэсгийн 2.1 дэх заалтад зааснаар шүүгдэгч Д.Пыг 2 жилийн хугацаагаар хорих ял шийтгэсүгэй.
3. Эрүүгийн хуулийн ерөнхий ангийн 5.6 дугаар зүйлийн 4 дэх хэсэгт зааснаар Д.Пд оногдуулсан 2 жил хорих ялыг нээлттэй хорих байгууллагад эдлүүлсүгэй.

1. Эрүүгийн хуулийн 6.10 дугаар зүйлийн 1 дэх хэсэгт зааснаар шүүгдэгч Д.Пын цагдан хоригдсон 142 хоногийг түүний эдлэх ялд оруулан тооцсугай.
2. Хохирогч гэмт хэргийн улмаас өөрт учирсан хохирлын талаарх нотлох баримтаа бүрдүүлэн иргэний журмаар нэхэмжлэх эрхтэйг болон уг хэрэгт эд мөрийн баримтаар хураагдсан, битүүмжлэгдсэн зүйлгүй болохыг тус тус дурдсугай.
3. Шүүгдэгч Д.Пын эдлэх ялыг 2017 оны 11 дүгээр сарын 01-ний өдрөөс эхлэн тоолсугай.
4. Уг тогтоол танилцуулан сонсгосноор хүчинтэй болохыг мэдэгдсүгэй.
5. Эрх бүхий прокурор, оролцогч шийтгэх тогтоолыг гардан авснаас хойш эсхүл хүргүүлснээс хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол, эсэргүүцэл гаргах эрхтэйг дурдсугай.
6. Давж заалдах шатны шүүхэд гомдол гаргах буюу эсэргүүцэл бичигдсэн тохиолдолд тогтоолын биелэлтийг түдгэлзүүлж, тогтоол хүчин төгөлдөр болтол шүүгдэгч Д.Пд авсан цагдан хорих таслан сэргийлэх арга хэмжээг хэвээр үргэлжлүүлсүгэй.