МОНГОЛ УЛСЫН НЭРИЙН ӨМНӨӨС

 

Багахангай дүүргийн Иргэний хэргийн анхан шатны шүүхийн шүүгч Л.Нарангэрэл даргалж, тус шүүхийн танхимд хийсэн хуралдаанаар,

Хүсэлт гаргагч: ******* дэх ийн хүсэлттэй,

*******,*******,*******, ******* хаягт оршин суух, ******* овогт *******ын ******* /РД:*******/-ыг албадан эмчлүүлэх тухай иргэний хэргийг хянан хэлэлцэв.

Шүүх хуралдаанд: Хүсэлт гаргагчийн итгэмжлэгдсэн төлөөлөгч Р.*******, гуравдагч этгээд М.*******, шүүх хуралдааны нарийн бичгийн дарга Ц.Ууганчимэг нар оролцов. 

ТОДОРХОЙЛОХ нь:

1.Хүсэлт гаргагч Багахангай дүүрэг дэх Цагдаагийн хэлтэс нь М.*******ыг албадан эмчлүүлэх тухай хүсэлт гаргаж, нэхэмжлэлийн үндэслэл шаардлагаа дараах байдлаар тодорхойлж байна. Үүнд:

1.1.“... тоотод оршин суух С. нь 2024 оны 9 дүгээр сарын 26-ны өдөр бичгээр өөрийн төрсөн хүү М.*******ыг архины албадан эмчилгээнд хамруулах хүсэлтийг цагдаагийн хэлтэст ирүүлсэн.

Иймд Монгол Улсын Согтууруулах, мансуурах донтой хүнийг захиргааны журмаар албадан эмчлэх тухай хуулийн 4,8 дугаар зүйлд заасны дагуу иргэн М.*******ыг албадан эмчилгээнд явуулах хүсэлт гаргаж байна ...” гэв.

2.Гуравдагч этгээд М.******* нь шүүх хуралдаанд гаргасан тайлбартаа: “Би *******,, Үнэгтэйн 6-*******од хаягт 3 жил амьдарч байна. Би архи уудаг нь үнэн. Сүүлд 7 хүүхэдтэй хүнтэй суусан. Би хүүхдүүдээ тэжээх ёстой. Ар гэрийн амьдрал ядуу тарчиг. Би өөрөө ажил хөдөлмөр эрхэлдэггүй. Хөдөө айлаар явж, мал хариулдаг” гэв.

3.Хүсэлт гаргагч нь нотлох баримтаар итгэмжлэл, хуулийн этгээдийн улсын бүртгэлийн гэрчилгээ, С.гийн хүсэлт, гэрчийн мэдүүлэг, холбогдогчийн мэдүүлэг, Багахангай дүүргийнны Засаг даргын тодорхойлт, иргэний

 үнэмлэхийн лавлагаа, согтууруулах, мансуурах донтой эсэхийг тогтоох эрүүл мэндийн дүгнэлтийн загвар, рентген зураг, архины хамааралтай иргэдийн судалгаа, М.*******ын гэмт хэрэг зөрчлийн талаарх танилцуулга, гэмт хэрэг , зөрчлийн шинжтэй гомдол мэдээллийн лавлагаа, гэр бүлийн хүчирхийлэл үйлдэгчийн бүртгэлд орсон бүлэг бөөгнөрөл үүсгэдэг айл өрхөд хяналт тавих хуваарь, илтгэх хуудас зэрэг баримтуудыг шүүхэд гаргаж өгсөн байна.

                                                                        ҮНДЭСЛЭХ нь:

1.Шүүх ******* овогт *******ын ******* /РД:*******/-ыг албадан эмчлүүлэх тухай Багахангай дүүрэг дэх ийн хүсэлтийг хангаж шийдвэрлэв.

2.Хүсэлт гаргагч Багахангай дүүрэг дэх нь ******* овогт *******ын *******ыг албадан эмчлүүлэх тухай хүсэлт гаргаж, үндэслэлээ байнга архидан согтуурч, нийтийн амгалан тайван байдлыг алдагдуулдаг, зөрчил гаргаж согтууруулах ундаа хэтрүүлэн хэрэглэсэн үедээ өөрийн болон бусдын амь нас, эрүүл мэндэд эрсдэлт нөхцөл үүсгэж болзошгүй, согтууруулах донтой этгээдийн эмнэлгийн дүгнэлтээр 8 дугаар зэргийн донтолттой гэж тодорхойлсон.

3.Гуравдагч этгээд М.******* нь “Архи уудаг нь үнэн, ажил хөдөлмөр эрхэлж ар гэрээ тэжээх шаардлагатай, хөдөө явж айлын мал малладаг” гэж тайлбарлав.

4.Согтуурах, мансуурах донтой хүнийг захиргааны журмаар албадан эмчлэх тухай хуулийн 3 дугаар зүйлийн 3.1-д “Согтуурсан, мансуурсны улмаас өөртөө болон бусдад аюул учруулах эрсдэлтэй байдалд орсон хүн согтуурах, мансуурах донтой болох нь эрүүл мэндийн тусламж, үйлчилгээ үзүүлэх байгууллагын дүгнэлтээр тогтоогдсон боловч сайн дураараа эмчлүүлэхээс татгалзсан тохиолдолд шүүхийн шийдвэрээр албадан эмчилгээнд хамруулна” гэж заажээ

5.Хэрэгт авагдсан болон шүүх хуралдаанаар хэлэлцэгдсэн дараах баримтуудаар гуравдагч этгээд М.******* байнга архидан согтуурч өөртөө болон бусдад аюул учруулах эрсдэлтэй байдалд ордог, архи согтууруулах ундаа хэтрүүлэн хэрэглэдэг, архинд донтох Сэтгэц-донтолтын /F10 зэрэг/ эмгэг, мансуурах донтой болох  нь хүсэлт гаргагчийн төлөөлөгчийн болон гуравдагч этгээдийн шүүх хуралдаанд гаргасан тайлбарууд төрсөн эх С.гийн хүсэлт, Согтуурах, мансуурах донтой эсэхийг тогтоох эрүүл мэндийн дүгнэлт зэргээр тус тус тогтоогдож байна.

6.Согтуурах, мансуурах донтой хүнийг захиргааны журмаар албадан эмчлэх тухай хуулийн 3 дугаар зүйлийн 3.3-т “Жирэмсэн эмэгтэй, гурав хүртэлх насны хүүхэдтэй эх, мөн насны хүүхэдтэй өрх толгойлсон эцэг, 16 нас хүрээгүй хүүхэд, 60-аас дээш настай хүн болон биеийн хүнд эмгэгтэй хүнийг албадан эмчлэхийг хориглоно” гэж заасан.

7.Хэрэгт авагдсан баримт, гуравдагч этгээдийн тайлбараар Согтуурах, мансуурах донтой хүнийг захиргааны журмаар албадан эмчлэх тухай хуулийн 3 дугаар зүйлийн 3.3-т заасан албадан эмчлэхийг хориглох нөхцөл байдал тогтоогдохгүй байх тул Багахангай дүүрэг дэх Цагдаагийн хэлтсийн хүсэлтийг хангаж, М.*******ыг захиргааны журмаар албадан эмчлүүлэхээр шийдвэрлэсэн болно.

8.Энэхүү хүсэлт /нэхэмжлэл/ нь Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар улсын тэмдэгтийн хураамжаас чөлөөлөгддөг болохыг дурдах нь зүйтэй.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 133 дугаар зүйлийн 133.1.1-д заасныг удирдлага ТОГТООХ нь:

1.Согтуурах, мансуурах донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.2-т зааснаар Багахангай дүүрэг дэх Цагдаагийн газрын хүсэлтийг хангаж, ******* овогт *******ын ******* /РД:*******/-ыг албадан эмчилгээнд явуулсугай.

2.Согтуурах, мансуурах донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.6-д зааснаар М.*******ыг албадан эмчлэх эмнэлэгт хүргэх ажиллагааг ******* дэх т хариуцуулсугай.

3.Согтуурах, мансуурах донтой хүнийг захиргааны журмаар албадан эмчлэх тухай хуулийн 9 дүгээр зүйлийн 9.7-д зааснаар М.*******ыг архины албадан эмчилгээнд явуулах тухай шүүхийн шийдвэр гарсан талаар түүний гэр бүлийн гишүүн, төрөл садангийн хүнд, хэрэв ганц бие хүн бол түүний оршин суугаа газрын нийгмийн халамж, үйлчилгээний байгууллагад ажлын 5 өдрийн дотор мэдэгдэхийг ******* дэх даалгасугай.

4.Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар ******* дэх нь улсын тэмдэгтийн хураамж төлөхөөс чөлөөлөгддөг болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсгомогц хүчинтэй бөгөөд зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргаж болохыг дурдсугай
 

 

 

ДАРГАЛАГЧ, ЕРӨНХИЙ ШҮҮГЧ               Л.НАРАНГЭРЭЛ