2024       08         09	151/ШШ2024/00671

 

                            Хариуцагчийн зөвшөөрлийг баталж,

                              хэргийг хэрэгсэхгүй болгох тухай

           

Төв аймаг дахь сум дундын иргэний хэргийн анхан шатны шүүхийн шүүгч Д.Отгончулуун би,

Нэхэмжлэгч: “Г” ХК-ийн нэхэмжлэлтэй,

Хариуцагч: Ж.Д-т холбогдох,

Зээлийн гэрээний үүрэгт нийт 17,287,666.82 төгрөг гаргуулах шаардлага бүхий иргэний хэргийг хянаад

ТОДОРХОЙЛОХ нь:

Нэхэмжлэгч “Г” ХК нь шүүхэд гаргасан нэхэмжлэлдээ:

Ж.Д нь Г банктай 2016 оны 09 дүгээр сарын 13-ны өдөр дугаар ЗГ ... Зээл болон барьцааны гэрээ байгуулан 48 сарын хугацаатай, жилийн 21,60 хувийн хүүтэй байхаар харилцан тохиролцож 10,000,000 төгрөгийн цалингийн зээлийг авсан. 2018 оны 06 дугаар сарын 25-ны өдөр зээлийн гэрээнд өөрчлөлт оруулж, зээлийн хүүг сарын 1,9 болгож, гэрээний хугацааг 2022 оны 07 дугаар сарын 03-ны өдрийг хүртэл сунгасан. Зээлдэгч Ж.Д нь зээлийн гэрээгээр хүлээсэн, зээл, зээлийн хүүг гэрээний хавсралтад заасан хуваарийн дагуу төлөхгүй байгаа, зээлийн гэрээгэээр хүлээсэн үүрэг биелэгдэх хугацаа дуусгавар болсон. Иймд хариуцагчаас үндсэн зээл 7,489,327.64 төгрөг, үндсэн хүү 8,826,985.26 төгрөг, нэмэгдүүлсэн хүү 971,353.91 төгрөг, нийт 17,287,666,82 төгрөгийг гаргуулж өгнө үү гэжээ.

Хариуцагч Ж.Д нь шүүхэд ирүүлсэн хариу тайлбартаа:

Миний бие Ж.Д нь “Г” ХК-иас 2016 оны 09 дүгээр сарын 13-ны өдөр 10,000,000 төгрөгийг 48 сарын хугацаатай зээлж авсан нь үнэн. Тус компанийн нэхэмжлэлийн шаардлага 17,287,666,82 төгрөгийг төлөхийг хүлээн зөвшөөрч, уг мөнгийг 2024 оны 09 дүгээр сарын 25-ны өдөр 1,000,000 төгрөг, 2024 оны 10 дугаар сарын 25-ны өдөр 1,000,000 төгрөг, 2024 оны 11 дүгээр сарын 25-ны өдөр 1,000,000 төгрөг, 2024 оны 12 дугаар сарын 25-ны өдөр 1,000,000 төгрөг, 2025 оны 01 дүгээр сарын 25-ны өдөр 1,000,000 төгрөг, 2024 оны 02 дугаар сарын 25-ны өдөр 12,287,666.82 төгрөгийг тус тус төлж барагдуулна. Маргах зүйлгүй гэжээ.

ҮНДЭСЛЭХ нь:

Нэхэмжлэгч “Г” ХК нь хариуцагч Ж.Д-т холбогдуулан зээлийн гэрээний үүрэгт нийт 17,287,666,82 төгрөг гаргуулах шаардлага бүхий нэхэмжлэлийг шүүхэд гаргажээ. 

Хэрэг хянан шийдвэрлэх ажиллагааны явцад буюу 2024 оны 08 дугаар сарын 09-ний өдөр хариуцагч Ж.Д нь “... Тус компанийн нэхэмжлэлийн шаардлага 17,287,666,82 төгрөгийг төлөхийг хүлээн зөвшөөрч, уг мөнгийг 2024 оны 09 дүгээр сарын 25-ны өдөр 1,000,000 төгрөг, 2024 оны 10 дугаар сарын 25-ны өдөр 1,000,000 төгрөг, 2024 оны 11 дүгээр сарын 25-ны өдөр 1,000,000 төгрөг, 2024 оны 12 дугаар сарын 25-ны өдөр 1,000,000 төгрөг, 2025 оны 01 дүгээр сарын 25-ны өдөр 1,000,000 төгрөг, 2024 оны 02 дугаар сарын 25-ны өдөр 12,287,666.82 төгрөгийг тус тус төлж барагдуулна. Маргах зүйлгүй” гэх хүлээн зөвшөөрсөн тайлбарыг гаргаж байгаа нь бусдын эрх, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-д заасныг баримтлан хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй байна.

Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй, мөн түүнчлэн энэхүү захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдах нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 74.5, 123 дугаар зүйлийн 123.1-д заасныг тус тус удирдлага болгон ЗАХИРАМЖЛАХ нь:

1. Нэхэмжлэгч “Г” ХК-ийн зээлийн гэрээний үүрэгт нийт 17,287,666,82 төгрөг гаргуулах нэхэмжлэлийн шаардлагыг хариуцагч Ж.Д нь 2024 оны 09 дүгээр сарын 25-ны өдөр 1,000,000 төгрөг, 2024 оны 10 дугаар сарын 25-ны өдөр 1,000,000 төгрөг, 2024 оны 11 дүгээр сарын 25-ны өдөр 1,000,000 төгрөг, 2024 оны 12 дугаар сарын 25-ны өдөр 1,000,000 төгрөг, 2025 оны 01 дүгээр сарын 25-ны өдөр 1,000,000 төгрөг, 2024 оны 02 дугаар сарын 25-ны өдөр 12,287,666.82 төгрөгийг тус тус төлж барагдуулахаар хүлээн зөвшөөрсөн, хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 244,388.33 төгрөгийг улсын орлогод хэвээр үлдээж, Төрийн сангийн ... тоот данснаас 122,194.2 төгрөгийг, хариуцагч Ж.Д-аас 122,194.2 төгрөгийг тус тус гаргуулан нэхэмжлэгч “Г” ХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураараа биелүүлэх, биелүүлэхгүй бол албадан гүйцэтгэхийг хариуцагчид сануулсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тул зохигч дахин нэхэмжлэл гаргах, давж заалдах, хяналтын журмаар гомдол гаргах эрхгүй болохыг тайлбарласугай.

 

 

     ШҮҮГЧ                                        Д.ОТГОНЧУЛУУН