Нэхэмжлэгч нэхэмжлэлээсээ татгалзсаныг баталж,

  хэргийг хэрэгсэхгүй болгох тухай

 

        Өвөрхангай аймаг дахь сум дундын иргэний хэргийн анхан шатны шүүхийн     шүүгч А.Үүрийнтуяа би,

Нэхэмжлэгч: “.................” ХХК-ийн нэхэмжлэлтэй,

Хариуцагч: Өвөрхангай аймгийн ………… сумын …………..дүгээр багт оршин суух,  Б………..ын П……………д холбогдох

“980,000 төгрөг гаргуулах” тухай нэхэмжлэлийг 2024 оны 09 дүгээр сарын 12-ны өдөр хүлээн авч

ТОДОРХОЙЛОХ нь:

Нэхэмжлэгч “………….” ХХК-ийн итгэмжлэгдсэн төлөөлөгч Л.Ж шүүхэд гаргасан хүсэлтдээ: Миний бие Б…. овогтой П……….ээс 980,000 төгрөг гаргуулах нэхэмжлэл гаргасан. Хариуцагч Б. овогтой П 980,000 төгрөгийг бүрэн төлж барагдуулсан тул нэхэмжлэлээсээ татгалзаж байна гэжээ.  

            Нэхэмжлэгчийн нэхэмжлэл, шүүхэд гаргасан хүсэлт, хэрэгт авагдсан бичгийн нотлох баримт зэргийг шинжлэн судлаад

 

ҮНДЭСЛЭХ нь:

 

           Нэхэмжлэгч “………….” ХХК нь хариуцагч Б.П…………д холбогдуулан “980,000 төгрөг гаргуулах” тухай нэхэмжлэл гаргажээ. /хх-ийн 01 дүгээр тал/

 

           Хэрэг хянан шийдвэрлэх ажиллагааны явцад хариуцагч Б.П нь нэхэмжлэлийн шаардлагыг биелүүлсэн гэх үндэслэлээр нэхэмжлэгч “……….” ХХК-ийн итгэмжлэгдсэн төлөөлөгч Л.Ж нэхэмжлэлээсээ татгалзаж байгаа талаар хүсэлтээ шүүхэд бичгээр гаргасан  нь хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул нэхэмжлэгчийн татгалзлыг баталж, хэргийг хэрэгсэхгүй болгон шийдвэрлэх нь зүйтэй гэж үзэв.

 

              Нэхэмжлэгч “…………” ХХК-аас итгэмжлэгдсэн төлөөлөгч Л.д олгосон итгэмжлэлд Иргэний хэрэг шүүхэд хянан шийдвэрлэх тухай хуулийн 25, 26 дугаар зүйлүүдэд заасан эрхийг олгосон байх тул нэхэмжлэгчийн итгэмжлэгдсэн төлөөлөгч Л.Ж................ыг нэхэмжлэлээс татгалзах эрхтэй гэж үзэх хууль зүйн үндэслэлтэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг тус тус удирдлага болгон

 

ЗАХИРАМЖЛАХ нь:

 

          1. “…………..” ХХК-ийн нэхэмжлэлтэй, Б.П……………..д холбогдох “980,000 төгрөг гаргуулах” тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

 

          2. Улсын тэмдэгтийн хураамжийн хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 59 дүгээр зүйлийн 59.4, 74 дүгээр зүйлийн 74.5 дахь хэсэгт зааснаар нэхэмжлэгч “…………” ХХК-ийн улсын тэмдэгтийн хураамжид төлсөн 28,070 төгрөгийн тавин хувь болох 14,035 төгрөгийг орон нутгийн төсвийн орлогод хэвээр үлдээж, Төрийн сангийн 100100000941 тоот данснаас 14,035 төгрөгийг гаргуулж “…………..” ХХК-д олгосугай.

 

  3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

                                                                                                                            

 

 

 

 

 

 

    ШҮҮГЧ                              А.ҮҮРИЙНТУЯА