2*******23 11 22 128/ШШ2*******23/*******881

 

Нэхэмжлэгч, хариуцагчийн эвлэрлийг

баталж, хэргийг хэрэгсэхгүй болгох тухай  

 

Нийслэл дэх Захиргааны хэргийн анхан шатны шүүхийн шүүгч С.Ганбат би, Ш.Ж*******ын нэхэмжлэлтэй, Хотын стандарт, хяналтын газарт холбогдох Хан-Уул дүүргийн 2******* дугаар хороо, Шаравын гудамжинд баригдсан үйлчилгээтэй 2******* айлын орон сууцны барилгад улсын комисс ажиллуулахгүй байгаа Хотын стандарт, хяналтын газрын эс үйлдэхүйг хууль бус болохыг тогтоож, барилгыг байнгын ашиглалтад авах, улсын комисс ажиллуулахыг Хотын стандарт, хяналтын газарт даалгах шаардлага бүхий захиргааны хэргийг хянаад,

ТОДОРХОЙЛОХ нь:

 

Нэхэмжлэгч, хариуцагч нараас тус шүүхэд ирүүлсэн эвлэрлийн гэрээндээ: ...Нэг талаас Ш.Ж*******, нөгөө талаас Хотын стандарт, хяналтын газрын итгэмжлэгдсэн төлөөлөгч Б.С******* нар харилцан тохиролцсон бөгөөд ...Ш.Ж******* хууль журамд заасан хүсэлт, материалыг 2*******24 оны *******1 дүгээр сарын *******1-ний өдрийн дотор хариуцагчид хүргүүлэх, захиалагчийн чиг үүргээ зөрчиж айл амьдруулсан зөрчлөө өөрөө илчилсэн тул Зөрчлийн тухай хуульд заасан 5**************,********************* төгрөгийн торгуулийн хариуцлага хүлээж зөрчлөө арилгасан байх, улсын тэмдэгтийн хураамжийг улсын орлогод хэвээр үлдээж хариуцагчаар нөхөн төлүүлэхгүй байх, хариуцагч Хотын стандарт, хяналтын газар нь нэхэмжлэгчийн хүсэлт ирж зөрчлөө арилгасны дараа Улсын комисс ажиллуулахаар харилцан тохиролцож үүрэг хүлээнэ гэжээ.

ҮНДЭСЛЭХ нь:

Нэхэмжлэгч Ш.Ж*******, хариуцагчийн итгэмжлэгдсэн төлөөлөгч нарын байгуулсан эвлэрлийн гэрээнд талууд гарын үсгээ зурж баталгаажуулсан байх бөгөөд Захиргааны хэрэг шүүхэд хянан шийдвэрлэх тухай хуулийн 68 дугаар зүйлийн 68.4-т Нэхэмжлэгч, хариуцагчийн эвлэрсэн нь хуульд харшлаагүй бөгөөд бусад этгээдийн эрх, эрх чөлөө, хууль ёсны ашиг сонирхлыг хөндөөгүй нь тогтоогдвол шүүх эвлэрлийг баталж, хэргийг хэрэгсэхгүй болгоно гэж зааснаар тус эвлэрэл нь хуульд харшилсан, бусад этгээдийн эрх, эрх чөлөө, хууль ёсны ашиг сонирхлыг хөндсөн гэх үндэслэл, үйл баримт тогтоогдохгүй байна.

Түүнчлэн хэргийн оролцогчид нь Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар Энэ хуулийн 66-68 дугаар зүйлд заасны дагуу шийдвэрлэсэн шүүгчийн захирамж, шүүхийн тогтоолд гомдол гаргах эрхгүй... талаар тайлбарласан ба түүнийг хүлээн зөвшөөрч байгаагаа илэрхийлж, Хэргийг хялбаршуулсан журмаар хянан шийдвэрлэснээс үүсэх үр дагаврыг тайлбарласан тухай баримтад гарын үсэг зурсан болно.

Иймд талуудын эвлэрлийг баталж, хэргийг хэрэгсэхгүй болгож шийдвэрлэх нь зүйтэй байна.

Захиргааны хэрэг шүүхэд хянан шийдвэрлэх тухай хуулийн 111 дүгээр зүйлийн 111.1 дэх хэсэгт заасныг удирдлага болгон ЗАХИРАМЖЛАХ нь:

1. Захиргааны хэрэг шүүхэд хянан шийдвэрлэх тухай хуулийн 68 дугаар зүйлийн 68.4-т заасныг баримтлан Ш.Ж*******ын нэхэмжлэлтэй, Хотын стандарт, хяналтын газарт холбогдох ...Хан-Уул дүүргийн 2******* дугаар хороо, Шаравын гудамжинд баригдсан үйлчилгээтэй 2******* айлын орон сууцны барилгад улсын комисс ажиллуулахгүй байгаа Хотын стандарт, хяналтын газрын эс үйлдэхүйг хууль бус болохыг тогтоож, барилгыг байнгын ашиглалтад авах, улсын комисс ажиллуулахыг Хотын стандарт, хяналтын газарт даалгах шаардлага бүхий захиргааны хэрэгт нэхэмжлэгч, хариуцагч нарын эвлэрлийг баталж, хэргийг хэрэгсэхгүй болгосугай.

2. Захиргааны хэрэг шүүхэд хянан шийдвэрлэх тухай хуулийн 5******* дугаар зүйлийн 5*******.5, 69 дүгээр зүйлийн 69.1-д заасны дагуу нэхэмжлэгчээс улсын тэмдэгтийн хураамжид төлсөн 7*******,2************** төгрөгийг улсын орлогод хэвээр үлдээсүгэй.

3. Энэхүү захирамжийн хувийг нэхэмжлэгч, хариуцагч, гуравдагч этгээд нарт хүргүүлэхийг шүүгчийн туслах Г.Байгалмаад даалгасугай.

4. Захиргааны хэрэг шүүхэд хянан шийдвэрлэх тухай хуулийн 69 дүгээр зүйлийн 69.2-т зааснаар хэргийн оролцогч, тэдгээрийн төлөөлөгч буюу өмгөөлөгч хэргийг хэрэгсэхгүй болгосон шүүгчийн захирамжид давж заалдах журмаар гомдол гаргах эрхгүй бөгөөд шүүгчийн энэхүү захирамжийг шүүхийн шийдвэрийн нэгэн адил биелүүлэхийг дурдсугай.

 

 

ШҮҮГЧ С.ГАНБАТ