Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Хэргийн индекс:135/2024/01204/и

Дархан-Уул аймаг дахь сум дундын иргэний хэргийн анхан шатны шүүхийн шүүгч Б.Номин би,

Нэхэмжлэгч: Сэлэнгэ аймаг, Сүхбаатар сум, ******* байрлах “*******” ХК (утас: *******, *******)-ийн нэхэмжлэлтэй,

Хариуцагч: Сэлэнгэ аймаг, Сүхбаатар сум, ******* тоотод оршин суух ******* овогт ******* ******* (утас: *******),

Хариуцагч: Сэлэнгэ аймаг, Сүхбаатар сум, ******* тоотод оршин суух ******* овогт ******* (утас: ) нарт холбогдох,

“15,723,025.85 төгрөг гаргуулах тухай” иргэний хэргийг хүлээн авч хянаад,

ТОДОРХОЙЛОХ нь:

Нэхэмжлэгч “*******” ХК нь шүүхэд ирүүлсэн нэхэмжлэлдээ:

“...Зээлдэгч Г.*******, Б. нар нь 2023 оны 06 дугаар сарын 19-ны өдөр зээлийн гэрээ байгуулан 20,000,000 төгрөгийг 30 сарын хугацаатай, жилийн 15.6 хувийн хүүтэй зээл авсан. Гэтэл зээлдэгч нар нь зээлийн гэрээгээр хүлээсэн үүргээ зөрчиж, зээлээ эргэн төлөх хуваарийн дагуу төлж барагдуулаагүй. Иймд зээлдэгч Г.*******, Б. нараас 15,723,025.85 төгрөгийг гаргуулж өгнө үү” гэжээ.

Хариуцагч Г.*******, Б. нар нь шүүхэд ирүүлсэн хариу тайлбартаа:

 “... овогтой *******, овогтой бид хоёр банкнаас гаргасан нэхэмжлэлийн дагуу 15,723,025.85 төгрөгийг төлж барагдуулна. Маргах зүйл үгүй” гэжээ.

ҮНДЭСЛЭХ нь:

1.Нэхэмжлэгч “*******” ХК нь хариуцагч Г.*******, Б. нарт холбогдуулан “15,723,025.85 төгрөг гаргуулах тухай” нэхэмжлэлийн шаардлага гаргасан.

2.Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.3-т зааснаар хариуцагч нь нэхэмжлэлийн шаардлагыг хүлээн зөвшөөрөх эрхтэй бөгөөд хэрэг хянан шийдвэрлэх ажиллагааны явцад хариуцагч Г.*******, Б. нар нь нэхэмжлэлийн шаардлага болох 15,723,025.85 төгрөгийг төлөхийг хүлээн зөвшөөрсөн тайлбарыг шүүхэд бичгээр гаргасан байна.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д “Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ” гэж, мөн хуулийн 74.2-т “Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана” гэж заасан.

4.Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй байна.

5.Нэхэмжлэгчийн улсын тэмдэгтийн хураамжид урьдчилан төлсөн 236,566 төгрөгийг төрийн сангийн орлогод хэвээр үлдээж, хариуцагч Г.*******, Б. нараас 118,283 төгрөг, төрийн сангийн орлогоос 118,283 төгрөгийг тус тус гаргуулан “*******” ХК-д олгож шийдвэрлэв.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч “*******” ХК-ийн нэхэмжлэлтэй, хариуцагч Г.*******, Б. нарт холбогдох “15,723,025.85 төгрөг гаргуулах тухай” иргэний хэрэгт хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 236,566 төгрөгийг төрийн сангийн орлогод хэвээр үлдээж, хариуцагч Г.*******, Б. нараас 118,283 төгрөг, төрийн сангийн орлогоос 118,283 төгрөг тус тус гаргуулан нэхэмжлэгч “*******” ХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч нар сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ                                   Б.НОМИН