Хариуцагчийн зөвшөөрлийг баталж, хэргийг

хэрэгсэхгүй болгох тухай

 

 

Орхон аймаг дахь Сум дундын иргэний хэргийн анхан шатны шүүхийн шүүгч Б.Дэлгэрцэцэг би,

 

Нэхэмжлэгч: Улаанбаатар хот Чингэлтэй дүүрэг, 1-р хороонд байрлах ******* ******* ******* *******-ийн нэхэмжлэлтэй,

Хариуцагч: Орхон аймаг Баян-Өндөр сум Их залуу шанд....тоотод оршин суух, ******* ******* ******* ******* *******-д холбогдох,

 

937,395 төгрөг гаргуулах тухай нэхэмжлэлийг 2024 оны 09 дугаар сарын 03-ны өдөр хүлээн авч, 2024 оны 09 дугаар сарын 10-ны өдөр иргэний хэрэг үүсгэн хянаад

 

ТОДОРХОЙЛОХ нь:

 

Нэхэмжлэгч ******* ******* *******-ийн итгэмжлэгдсэн төлөөлөгч шүүхэд гаргасан нэхэмжлэлдээ: Ө.******* нь ******* ******* *******-тай 2022 оны 03 сарын 17-ны өдөр 140000751878 дугаартай зээл, зээлийн эрх нээх гэрээг байгуулсан болно. Зээлдэгч нь дээрхи гэрээний үндсэн дээр өөрийн эзэмшлийн Мобиком үүрэн телефоны дугаарын Монпэй дансыг ашиглан зээл авч, төлж байсан болно. Ө.******* нь уг гэрээний үндсэн дээр 2022 оны 11 сарын 15-ны өдөр 200,000 төгрөгийг сарын 3,3 хувийн хүүтэй, 2022 оны 11 сарын 15-ны өдөр 70,000 төгрөгийг сарын 3.4 хувийн хүүтэй, 2022 оны 11 сарын 17-ны өдөр 100,000 төгрөгийг сарын 3.4 хувийн хүүтэй, 2022 оны 11 сарын 18-ны өдөр 80,000 төгрөгийг 3.4 хувийн хүүтэйгээр, 2022 оны 11 сарын 19-ний өдөр 100,000 төгрөгийг 3,4 хувийн хүүтэйгээр тус тус зээлээр авсан ба хугацаанд нь төлж барагдуулаагүй юм. Ө.*******ийн зээлийн гэрээний үүрэг 2024 оны 05 дугаар сарын 10-ний өдрийн байдлаар үндсэн зээлийн үлдэгдэл 550,000 төгрөг, зээлийн хүү 326,693 төгрөг, нэмэгдүүлсэн хүү 60,702 төгрөг нийт 937,395 төгрөгийг Ө.*******гээс гаргуулж өгнө үү гэжээ.

 

Хариуцагч Ө.******* нь шүүхэд гаргасан хариу тайлбартаа:Миний бие Ө.******* нь ******* ******* *******-аас нэхэмжилж буй 937,395 төгрөгийг хүлээн зөвшөөрч, уг төлбөрийг 2024 оны 10 дугаар сарын 15-ны өдөр 234,000 төгрөг, 2024 оны 11 дүгээр сарын 15-ны өдөр 234,000 төгрөг, 2024 оны 12 дугаар сарын 15-ны өдөр 234,000 төгрөг, 2024 оны 1 дүгээр сарын 15-ны өдөр 235,395 төгрөгөөр тус тус бүрэн төлж барагдуулна гэжээ.

 

ҮНДЭСЛЭХ нь:

 

Нэхэмжлэгч ******* ******* ******* нь хариуцагч Ө.*******гээс 937,395 төгрөг гаргуулахаар нэхэмжилснийг хариуцагч Ө.******* төлөхийг хүлээн зөвшөөрсөн тайлбараа шүүхэд ирүүлсэн байна.

 

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

 

Нэхэмжлэгч ******* ******* ******* улсын тэмдэгтийн хураамжид төлсөн 27,047 төгрөгийн 13,523.5 төгрөгийг төрийн сангаас, хариуцагч Ө.*******гээс 13,523.5 төгрөгийг тус тус гаргуулан нэхэмжлэгч ******* ******* *******-д олгох нь зүйтэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч ******* ******* *******-ийн нэхэмжлэлийн шаардлага 937,395 төгрөгийг хариуцагч Ө.******* төлөхийг хүлээн зөвшөөрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, 56 дугаар зүйлийн 56.5-д зааснаар ******* ******* ******* улсын тэмдэгтийн хураамжид төлсөн 27,047 төгрөгийн 13,523.5 төгрөгийг төрийн сангаас, хариуцагч Ө.*******гээс 13,523.5 төгрөгийг тус тус гаргуулан нэхэмжлэгч ******* ******* *******-д олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Хэргийг хялбаршуулсан журмаар шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ Б.ДЭЛГЭРЦЭЦЭГ