Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1 дэх хэсэгт заасныг удирдлага болгон ТОГТООХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч ******* овогт******* /РД:............../ нь******* ХХК-ийн нэхэмжилсэн 1359051.86 /нэг сая гурван зуун тавин есөн мянга тавин нэгэн төгрөг наян зургаан мөнгө/ төгрөгийг бүрэн төлж барагдуулсан байх тул хариуцагч нэхэмжлэлийн шаардлагыг биелүүлснийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 57 дугаар зүйлийн 57.1, 74 дүгээр зүйлийн 74.5 дахь хэсэгт тус тус зааснаар нэхэмжлэгчээс улсын тэмдэгтийн хураамжид урьдчилан төлсөн 36700 /гучин зургаан мянга долоон зуун/ төгрөгөөс 18350 /арван найман мянга гурван зуун тавин/ төгрөгийг төсвийн орлогод хэвээр үлдээж, төсвийн орлогоос 18350 /арван найман мянга гурван зуун тавин/ төгрөгийг, хариуцагч*******оос 18350 /арван найман мянга гурван зуун тавин/ төгрөгийг тус тус гаргуулан ........................ ХХК-д олгосугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч, тэдгээрийн төлөөлөгч нь захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг заасугай.

 

 

 

ШҮҮГЧ .........