2024         10           29                                    157/ШШ2024/00198

 

 

 

Хариуцагч нэхэмжлэлийн шаардлагыг                                                                                   хүлээн зөвшөөрснийг баталж, хэргийг                                                                              хэрэгсэхгүй болгох тухай

 

 

Хэргийн индекс:157/2024/00191/И

 

          Хэнтий аймгийн ******* сум дахь сум дундын шүүхийн Ерөнхий шүүгч М.Энхмандах би, нэхэмжлэгч Хэнтий аймгийн ******* сумын Засаг даргын нэхэмжлэлтэй хариуцагч ******* холбогдох “зээлийн гэрээний үүргийн биелэлтийг шаардаж, 6,083,190 (зургаан сая наян гурван мянга нэг зуун ерэн) төгрөг гаргуулах” тухай нэхэмжлэлийг 2024 оны 10 дугаар сарын 24-ний өдөр хүлээн авч, иргэний хэрэг үүсгэж хянаад                                                                     

 

      ТОДОРХОЙЛОХ нь:

 

1.Нэхэмжлэгч Хэнтий аймгийн ******* сумын Засаг дарга шүүхэд гаргасан нэхэмжлэлдээ: “...хариуцагч ******* зээлийн гэрээний үүргийн биелэлтийг шаардаж, 6,083,190 (зургаан сая наян гурван мянга нэг зуун ерэн) төгрөг гаргуулж өгнө үү.” гэжээ.

 

2.Хариуцагч ******* овогт ******* ******* шүүхэд ирүүлсэн хариу тайлбартаа: “...Б.******* миний бие нэхэмжлэлийн шаардлагыг хүлээн зөвшөөрч байна. Миний бие нэхэмжлэлийн шаардлагыг 2024 оны 11 дүгээр сарын 15-ны өдрөөс 2025 оны 10 сарын 15-ны өдөр хүртэл сар бүр 506,000 төгрөгийг     төлж барагдуулна.” гэжээ.  

 

                                                           ҮНДЭСЛЭХ нь:

 

1.Нэхэмжлэгч Хэнтий аймгийн ******* сумын Засаг дарга нь хариуцагч ******* холбогдуулан “зээлийн гэрээний үүргийн биелэлтийг шаардаж, 6,083,190 (зургаан сая наян гурван мянга нэг зуун ерэн) төгрөг гаргуулах” тухай нэхэмжлэлийн шаардлага гаргасан байна.  

2.Нэхэмжлэгч Хэнтий аймгийн ******* сумын Засаг дарга, хариуцагч Б.******* нарын хооронд Иргэний хуулийн 281 дүгээр зүйлийн 281.1, 282 дугаар зүйлийн 282.1 дэх хэсэгт заасан гэрээний харилцаа үүссэн байна.

 

Хариуцагч Б.******* нь нэхэмжлэгч Хэнтий аймгийн ******* сумын Засаг даргатай “Сум хөгжүүлэх сангаас зээл олгох тухай” гэрээг 2019 оны 08 дугаар сарын 08-ны өдөр байгуулсан.

Дээрх зээлийн гэрээний үндсэн дээр хариуцагч Б.******* нь нэхэмжлэгч байгууллагаас 2019 оны 08 дугаар сарын 08-ны өдөр 5,000,000 төгрөгийг жилийн 3 хувийн хүүтэй, сарын 0,25 хувийн хүүтэйгээр зээлж авсан бөгөөд 36 сарын хугацаанд үндсэн зээлийн төлбөр, зээлийн хүүгийн төлбөрийн хамт төлөх үүрэг хүлээсэн байна.

3.Зохигчдын хооронд байгуулсан гэрээний дагуу нэхэмжлэгч байгууллага нь хариуцагчаас “Зээлийн гэрээний үүргийн биелэлтийг шаардаж, 6,083,190 (зургаан сая наян гурван мянга нэг зуун ерэн) төгрөг гаргуулах” тухай нэхэмжлэлийн шаардлага гаргах эрхтэй байна. 

4.Хэрэг хянан шийдвэрлэх ажиллагааны явцад хариуцагч Б.******* нь нэхэмжлэлийн шаардлага болох 6,083,190 төгрөгийг төлөхийг зөвшөөрсөн тайлбарыг шүүхэд бичгээр ирүүлсэн байна. 

            5.Хариуцагч Б.******* нь нэхэмжлэлийн бүх шаардлага болох 6,083,190 төгрөгийг төлөхийг зөвшөөрч, тайлбарыг ирүүлсэн байгаа нь хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй, хууль зөрчөөгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй байна гэж шүүх үзлээ.

6.Улсын тэмдэгтийн хураамжийн тухай хуулийн 7 дугаар зүйлийн 7.1.1, 41 дүгээр зүйлийн 41.1.3 дахь хэсэгт зааснаар нэхэмжлэгч Хэнтий аймгийн ******* сумын Засаг дарга нь улсын тэмдэгтийн хураамж 112,281 төгрөг төлөхөөс чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар хариуцагч ******* улсын тэмдэгтийн хураамж 56,140 төгрөг 50 мөнгийг гаргуулж, төрийн сангийн дансанд оруулж, улсын орлого болгох нь зүйтэй байна.

 

 

Иргэний хэрэг шүүхэд хянан шийдвэрлэх тухай хуулийн 74, 75, 75⁸ дугаар зүйлийн 75⁸.1, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь: 

 

1.Нэхэмжлэгч Хэнтий аймгийн ******* сумын Засаг даргын нэхэмжилсэн

6,083,190 (зургаан сая наян гурван мянга нэг зуун ерэн) төгрөгийг хариуцагч Б.******* нь төлж барагдуулахаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

2.Улсын тэмдэгтийн хураамжийн тухай хуулийн 7 дугаар зүйлийн 7.1.1, 41 дүгээр зүйлийн 41.1.3 дахь хэсэгт зааснаар нэхэмжлэгч Хэнтий аймгийн ******* сумын Засаг дарга нь улсын тэмдэгтийн хураамж 112,281 төгрөг төлөхөөс чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар хариуцагч ******* улсын тэмдэгтийн хураамж 56,140 төгрөг 50 мөнгийг гаргуулж, төрийн сангийн дансанд оруулж улсын орлого болгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Шүүхийн шийдвэр гүйцэтгэх тухай хуулийн 18 дугаар зүйлийн 18.1.1 дэх хэсэгт зааснаар уг шүүгчийн захирамж хуулийн хүчин төгөлдөр болсноос хойш 4 жилийн хугацаа өнгөрсөн тохиолдолд иргэний шийдвэр гүйцэтгэх ажиллагаа үүсгэхгүй болохыг дурдсугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

  

 

 

 

                             ЕРӨНХИЙ ШҮҮГЧ                              М.ЭНХМАНДАХ