Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйл, 123 дугаар зүйлийн 123.1 дэх хэсэгт заасныг удирдлага болгон

ЗАХИРАМЖЛАХ нь:

1.“Б ББСБ” ХХК-ийн нэхэмжлэлтэй, С.Т-д холбогдох 1,633,470 төгрөг гаргуулах тухай иргэний хэргийн зохигч эвлэрч, нэхэмжлэгч “Б ББСБ” ХХК-ийн нэхэмжилсэн 1,633,470 төгрөгийг хариуцагч С.Тэмүүжин нь бүрэн төлж барагдуулахыг хүлээн зөвшөөрч, 2024 оны 10 дугаар сарын 30-ны өдөр 410,000 төгрөг, 2024 оны 11 дүгээр сарын 30-ны өдөр 410,000 төгрөг, 2024 оны 12 дугаар сарын 30-ны өдөр 410,000 төгрөг, 2025 оны 01 дүгээр сарын 30-ны өдөр 403,470 төгрөгийг тус тус төлж барагдуулахаар харилцан  тохиролцсон зохигчийн эвлэрлийг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид урьдчилан төлсөн 43,000 төгрөгийг улсын төсвийн орлогод хэвээр үлдээж, улсын тэмдэгтийн хураамжид хариуцагчаас 23,500 төгрөг, улсын төсвийн орлогоос 23,500 төгрөгийг тус тус гаргуулан, нэхэмжлэгч “БББСБ”  ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэ захирамжид зохигчид давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

                           ШҮҮГЧ                                       Х.ЭНХЗАЯА