2024        09         17

182/ШШ2024/03780

 

 

                            Нэхэмжлэгч нэхэмжлэлээсээ татгалзсаныг

                             баталж, хэргийг хэрэгсэхгүй болгох тухай

 

 

Чингэлтэй дүүргийн Иргэний хэргийн анхан шатны шүүхийн шүүгч Ч.Даваасүрэн би,

 

Нэхэмжлэгч: “Г” ББСБ ХХК /РД: /-ийн нэхэмжлэлтэй,

 

Б.Бийг эрэн сурвалжлуулах тухай нэхэмжлэлтэй иргэний хэргийг хянаад,

ТОДОРХОЙЛОХ нь:

                                           

Нэхэмжлэгч “Г” ББСБ ХХК нь шүүхэд гаргасан нэхэмжлэлдээ:

“Г” ББСБ ХХК-иас Б.Б /РД: /-т холбогдуулан зээлийн гэрээний үүрэгт 650.605 төгрөг гаргуулахаар Багануур дүүргийн Иргэний хэргийн анхан шатны шүүхэд нэхэмжлэл гаргасан. Шүүхээс хариуцагч этгээд Б.Бт хаягаар мэдэгдэх хуудас хүргүүлсэн боловч тус хаягт бүртгэлтэй боловч оршин суудаггүй болох нь Багануур дүүргийн 4 дүгээр хорооны Засаг даргын тодорхойлолтоор тогтоогдсон үндэслэлээр манай нэхэмжлэлийг хүлээн авахаас татгалзсан. Б.Б нь 2022 оны 04 дүгээр сарын 13-нд манай байгуулагатай зээлийн гэрээ байгуулахдаа тоотод оршин суудаг байсан. Гэтэл шүүхээс тухайн хаягт бүртгэлтэй боловч оршин суудаггүй гэсэн тодорхойлолт үндэслэн шүүхээс нэхэмжлэлийг хүлээн авахаас татгалзсан. Үүнээс шалтгаалан манай байгууллага нэхэмжлэлээ шүүхээр шийдвэрлүүлэх боломжгүй байдалд хүрээд байна. Мөн нотариатч зээлийн гэрээг батлахгүй гэсэн тул хуулбар хувийг, шүүгчийн захирамжийн хамт хавсаргасан. Оршин суугаа хаяг тодорхойгүй Б.Бийг эрэн сурвалжилж, оршин суугаа хаягийг нь тогтоохыг цагдаагийн байгууллагаар гүйцэтгүүлэх шүүхийн шийдвэр гаргаж өгнө үү гэжээ.

 

Нэхэмжлэгчийн итгэмжлэгдсэн төлөөлөгч нь шүүхэд гаргасан хүсэлтдээ:

Б.Б нь 2024 оны 09 дүгээр сарын 14-ний өдөр оршин суугаа хаягийн тодорхойлолтоо өөрийн биеэр авч ирж өгсөн тул эрэн сурвалжлуулах нэхэмжлэлээсээ татгалзаж байна гэжээ.

ҮНДЭСЛЭХ нь:

    

Нэхэмжлэгч “Г” ББСБ ХХК нь хариуцагч Б.Бийг эрэн сурвалжлуулах тухай нэхэмжлэлийн шаардлага гаргажээ.  

 

Хэрэг хянан шийдвэрлэх ажиллагааны явцад Б.Б нь шүүхэд Улаанбаатар хот, дугаарын утастай тухай өөрийн тайлбарыг нотлох баримтын хамт гаргаж шүүхэд ирүүлсэн.         

 

Б.Бийн оршин суух хаяг нь тодорхой болсон тул нэхэмжлэгч “Г” ББСБ ХХК-ийн итгэмжлэгдсэн төлөөлөгч Ш.Б нь Б.Бийг эрэн сурвалжлуулах тухай нэхэмжлэлээсээ татгалзаж байх тул нэхэмжлэгчийн татгалзлыг баталж хэргийг хэрэгсэхгүй болгох нь зүйтэй гэж үзэв.             

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлд заасныг тус тус удирдлага болгон

 

ЗАХИРАМЖЛАХ нь:

 

1.Б.Бийг эрэн сурвалжлуулахыг хүссэн нэхэмжлэлээсээ нэхэмжлэгч “Г” ББСБ ХХК нь татгалзсныг баталж хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д заасныг баримтлан нэхэмжлэгчийн улсын тэмдэгтийн хураамжид урьдчилан төлсөн 70.200 төгрөгийг Чингэлтэй дүүргийн төсвийн орлогод хэвээр үлдээж, 35.100 төгрөгийг Чингэлтэй дүүргийн татварын хэлтсийн 100200700941 тоот данснаас гаргуулж нэхэмжлэгчид олгосугай.         

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                             Ч.ДАВААСҮРЭН