2024        11          13                                               151/ШШ2024/00907

 

 

Хариуцагч нэхэмжлэлийн шаардлагыг

 хүлээн зөвшөөрснийг баталж, хэргийг

хэрэгсэхгүй болгох тухай

 

Төв аймаг дахь сум дундын иргэний хэргийн анхан шатны шүүхийн Ерөнхий шүүгч Б.Түвшинжаргал би,

Нэхэмжлэгч: тоотод байрлах “Ж” ХХК,

Хариуцагч: Ц холбогдох,

Нэхэмжлэлийн шаардлага: Гэрээний үүрэгт 2.917.471,04 төгрөг гаргуулах тухай нэхэмжлэлийг 2024 оны 10 дугаар сарын 31-ний өдөр хүлээн авч, 2024 оны 11 дүгээр сарын 04-ний өдөр иргэний хэрэг үүсгэснээр хянаад

ТОДОРХОЙЛОХ нь:

1.-Нэхэмжлэгч “Ж” ХХК нь шүүхэд гаргасан нэхэмжлэлдээ: “...Иймд зээлдэгч Д.Цас гэрээний үүрэгт 2.917.471,04 төгрөгийг гаргуулж өгнө үү” гэжээ.

2.-Хариуцагч Д.Цэрэндпагма нь шүүхэд гаргасан хариу тайлбартаа: “Миний бие Д.Ц “Ж” ХХК-ийн 2.917.471,04 төгрөг гаргуулах тухай нэхэмжлэлийн шаардлагыг бүхэлд нь хүлээн зөвшөөрч байна. Иймд 2.917.471,04 төгрөгийг 4 хувааж 2024 оны 11 дүгээр сарын 25-ны өдөр 700.000 төгрөг, 2024 оны 12 дугаар сарын 25-ны өдөр 700.000 төгрөг, 2025 оны 01 дүгээр сарын 25-ны өдөр 700.000 төгрөг, 2025 оны 02 дугаар сарын 25-ны өдөр 817.471,04 төгрөгийг тус тус “Ж” ХХК-ийн Хаан банк дахь 5007466131 тоот дансанд төлж барагдуулна” гэжээ.

ҮНДЭСЛЭХ нь:

1.-Нэхэмжлэгч “Ж” ХХК нь хариуцагч Д.Цд холбогдуулан гэрээний үүрэгт 2.917.471,04 төгрөг гаргуулах тухай нэхэмжлэлийг шүүхэд гаргажээ.

2. Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2-т зааснаар “нэхэмжлэгч нь ...нэхэмжлэлийн шаардлагын хэмжээг ихэсгэх, багасгах, нэхэмжлэлээс татгалзах, эвлэрэх эрхтэй”, 26 дугаар зүйлийн 26.3-т “хариуцагч нь нэхэмжлэлийн шаардлагыг бүхэлд нь болон хэсэгчлэн хүлээн зөвшөөрөх, нэхэмжлэгч нь нэхэмжлэлийн шаардлагыг багасгах, өөрчлөх, зохигч талууд эвлэрэн хэлэлцэх эрхтэй” гэж заажээ.

3..Хариуцагч Д.Ц нь нэхэмжлэлийн шаардлага 2.917.471,04 төгрөгийг 4 хувааж 2024 оны 11 дүгээр сарын 25-ны өдөр 700.000 төгрөг, 2024 оны 12 дугаар сарын 25-ны өдөр 700.000 төгрөг, 2025 оны 01 дүгээр сарын 25-ны өдөр 700.000 төгрөг, 2025 оны 02 дугаар сарын 25-ны өдөр 817.471,04 төгрөгийг тус тус “Ж” ХХК-ийн Хаан банк дахь 5007466131 тоот дансанд төлж барагдуулахыг хүлээн зөвшөөрсөн нь түүний шүүхэд өгсөн тайлбараар тогтоогдож байх тул хэргийг хялбаршуулсан журмаар хянан шийдвэрлэх нь зүйтэй гэж үзлээ.

4.-Иймд “Ж” ХХК-ийн нэхэмжлэлийн шаардлагыг хариуцагч Д.Ц нь хүлээн зөвшөөрсөн нь гуравдагч этгээдийн эрх ашгийг хөндөөгүй, хууль зөрчөөгүй байна гэж үзэж, хариуцагчийн зөвшөөрлийг баталж, хэргийг хэрэгсэхгүй болгож шийдвэрлэв.

5..Хэргийг хялбаршуулсан журмаар хянан шийдвэрлэж, улсын тэмдэгтийн хураамжийн хэмжээг тал хувиар бууруулан тогтоож, хуульд заасан журмаар гаргуулах нь зүйтэй.

6..Энэ захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг, зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг тус тус дурдах нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75, 75⁸.1, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.3, 74.6, 75⁸.1-д зааснаар хариуцагч Д.Ц нь нэхэмжлэгч “Ж” ХХК-ийн нэхэмжлэлийн шаардлага 2.917.471,04 төгрөгийг 4 хувааж 2024 оны 11 дүгээр сарын 25-ны өдөр 700.000 төгрөг, 2024 оны 12 дугаар сарын 25-ны өдөр 700.000 төгрөг, 2025 оны 01 дүгээр сарын 25-ны өдөр 700.000 төгрөг, 2025 оны 02 дугаар сарын 25-ны өдөр 817.471,04 төгрөгийг тус тус “Ж” ХХК-ийн Хаан банк дахь 5007466131 тоот дансанд төлж барагдуулахыг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч “Ж” ХХК-ийн улсын тэмдэгтийн хураамжид төлсөн 61.630 төгрөгийн тал хувь 30.815 төгрөгийг улсын орлогод хэвээр үлдээж, 30.815 төгрөгийг Төрийн сангийн 100140000941 тоот данснаас, үлдэх 30.815 төгрөгийг хариуцагч Д.Цас тус тус гаргуулж нэхэмжлэгч “Ж” ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэх эрхтэйг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ЕРӨНХИЙ ШҮҮГЧ                                            Б.ТҮВШИНЖАРГАЛ