Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн ерөнхий шүүгч Г.Жаргалтуяа би,

Нэхэмжлэгч: ******* регистрийн дугаартай, “******* ” ХХК-ийн нэхэмжлэлтэй,

Хариуцагч: оршин суух, ******* регистрийн дугаартай, ******* ******* холбогдох,

​​            “Зээлийн гэрээний үүрэгт 670,394 төгрөг гаргуулах тухай” нэхэмжлэлийг 2024 оны 09 дүгээр сарын 18-ны өдөр хүлээн авч, иргэний хэрэг үүсгэн хянаад ТОДОРХОЙЛОХ нь:

​​            Нэхэмжлэгч “******* ” ХХК нь шүүхэд гаргасан нэхэмжлэлдээ: ******* нь “******* ” ХХК-ийн мессеж зээлийн үйлчилгээний нөхцөлийг хүлээн зөвшөөрч 2021 оны 12 дугаар сарын 06-ны өдөр 14000000692339 тоот Зээл, зээлийн эрх нээх гэрээ байгуулсан ба мессеж зээл авч, төлж барагдуулж байсан тул зээлийн эрхийн хэмжээ нэмэгдсэн. ******* нь уг гэрээний үндсэн дээр 2022 оны 8 дугаар сарын 11-ний өдөр сарын 2,6% хүүтэй 400,000 төгрөгийг зээлээр авсан ба хугацаанд нь төлж барагдуулаагүй юм. ******* нь хууль болон гэрээнд заасан үүргээ үл биелүүлж зээл, зээлийн хүүгээ төлж барагдуулахыг шаардахад удаа дараа худал хэлж өнөөдрийг хүртэл төлөөгүй. *******гийн зээлийн гэрээний үүрэг 2024 оны 06 дугаар сарын 19-ны өдрийн байдлаар үндсэн зээл 400,000 төгрөг, зээлийн хүү 226,466 төгрөг, нэмэгдүүлсэн хүү 43,928 төгрөг, нийт 670,394 төгрөг гаргуулахаар байна. Иймд *******гаас зээлийн гэрээний үүрэгт 670,394 төгрөгийг гаргуулахаар нэхэмжилж байна гэжээ.

Хариуцагч ******* /утас: / нь шүүхэд ирүүлсэн хариу тайлбартаа: Миний бие ******* нь “******* ” ХХК-ийн нэхэмжлэлтэй танилцлаа. Нэхэмжлэлийн шаардлага 670,394 төгрөгийг төлөхийг хүлээн зөвшөөрч байна. Энэ мөнгөн дүнг төлөхдөө 2024 оны 12 дугаар сардаа багтааж 2 хувааж төлөх хүсэлтэй байна гэжээ.

​​            Хэргийн материалыг шүүх хянаад ҮНДЭСЛЭХ нь:

Нэхэмжлэгч “******* ” ХХК нь хариуцагч Г.******* холбогдуулан “Зээлийн гэрээний үүрэгт 670,394 төгрөг гаргуулах тухай” нэхэмжлэлийг тус шүүхэд гаргажээ.

​            Хэрэг хянан шийдвэрлэх ажиллагааны явцад дээрх нэхэмжлэлийн шаардлагыг хариуцагч ******* нь хүлээн зөвшөөрч байх тул нэхэмжлэлийн шаардлагыг хариуцагч хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

​Нэхэмжлэгчээс улсын тэмдэгтийн хураамжид төлсөн 20,639 төгрөгийн 50 хувь болох 10,319.5 төгрөгийг төсвийн орлогод хэвээр үлдээж, 10,319.5 төгрөгийг төсвийн орлогоос, 10,319.5 төгрөгийг *******гаас гаргуулж нэхэмжлэгч “******* ” ХХК-д олгож шийдвэрлэв.

​            Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 123 дугаар зүйлийн 123.1-д тус тус заасныг удирдлага болгон ЗАХИРАМЖЛАХ нь:

​            1. Нэхэмжлэгч “******* ” ХХК “Зээлийн гэрээний үүрэгт 670,394 /зургаан зуун дал гурван зуун ерөн дөрөв/ төгрөг гаргуулах тухай” нэхэмжлэлийн шаардлагыг хариуцагч ******* нь хүлээн зөвшөөрснийг баталж, хэргийг хэрэгсэхгүй болгосугай. 

​2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар нэхэмжлэгчээс улсын тэмдэгтийн хураамжид төлсөн 20,639 төгрөгийн 50 хувь болох 10,319.5 төгрөгийг төсвийн орлогод хэвээр үлдээж, 10,319.5 төгрөгийг төсвийн орлогоос, 10,319.5 төгрөгийг хариуцагч *******гаас гаргуулж нэхэмжлэгч “******* ” ХХК-д олгосугай.

​            3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

​            4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг зохигч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

ЕРӨНХИЙ ШҮҮГЧ                           Г.ЖАРГАЛТУЯА