2024 10 10

181/ШШ2024/03791

 

 

Хариуцагчийн зөвшөөрлийг баталж

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч а би,

 

Нэхэмжлэгч: Э нэхэмжлэлтэй,

Хариуцагч: Э холбогдох

964,287.77 төгрөг гаргуулах тухай нэхэмжлэлийн шаардлагатай иргэний хэргийг хянаад

ТОДОРХОЙЛОХ нь:

1. Нэхэмжлэгч А ХХК нь шүүхэд гаргасан нэхэмжлэлдээ:

Иргэн Б.А нь манай үйлчилгээний нөхцөлийг хүлээн зөвшөөрч цахим зээлийн гэрээ байгуулан зээл авсан билэээ.

Уг зээлийн гэрээний үлдэгдэлд 964,287.77 төгрөг гаргуулахаар нэхэмжлэлийн шаардлага гаргаж байна гэжээ.

2. Хариуцагч Б.А нь шүүхэд гаргасан тайлбартаа:

А ХХК-ийн нэхэмжлэлтэй Б.А миний биед холбогдох 964,287.11 төгрөг гаргуулах тухай нэхэмжлэлийн шаардлагыг төлөхийг бүхэлд нь хүлээн зөвшөөрч байна. Иймд хариуцагчийн зөвшөөрлийг батлаж хэргийг хэрэгсэхгүй болгож өгнө үү гэжээ.

3. Нэхэмжлэгчээс нотлох баримтаар: нэхэмжлэл, итгэмжлэл, улсын тэмдэгтийн хураамж төлсөн баримт, хуулийн этгээдийн улсын бүртгэлийн гэрчилгээ, зээлийн гэрээ, дансны хуулга, эргэн төлөлтийн хуваарь,

4. шүүх нэхэмжлэлийн хувийг 2024 оны 08 сарын 13-ны өдөр гардуулан өгч, эрх үүргийг танилцуулсан баримт, хариуцагчийн бичгийн тайлбар зэрэг баримтыг шинэчлэн судлаад

ҮНДЭСЛЭХ нь:

1. Нэхэмжлэгч А ХХК нь хариуцагч Б.Ад холбогдуулан 964,287.77 төгрөг гаргуулах тухай нэхэмжлэлийн шаардлага гаргасан.

2. Хариуцагч Б.А нь нэхэмжлэлийн шаардлагыг бүхэлд нь хүлээн зөвшөөрсөн тайлбарыг шүүхэд бичгээр ирүүлсэн.

3. Хариуцагч Б.А нь нэхэмжлэлийн шаардлагыг хүлээн зөвшөөрсөн бтчгийн тайлбар шүүхэд ирүүлсэн тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж шүүх үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлд заасныг удирдлага болгон

ЗАХИРАМЖЛАХ нь:                                          

1. Нэхэмжлэгч А ХХК-ийн нэхэмжилсэн 964,287.77 төгрөг гаргуулах тухай нэхэмжлэлийн шаардлагыг хариуцагч Б.А нь бүрэн төлж барагдуулахыг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 27,693 төгрөгийг улсын орлогод хэвээр үлдээж, хариуцагчаас 13,846.5 төгрөг гаргуулан нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шийдвэрийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

  4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ а