2024 11 05 135/ШШ2024/01372

 

 

Нэхэмжлэгчийн татгалзлыг баталж,

хэргийг хэрэгсэхгүй болгох тухай

 

Хэргийн индекс:135/2024/01505/и

Дархан-Уул аймаг дахь сум дундын иргэний хэргийн анхан шатны шүүхийн шүүгч М.Оюунцэцэг би,

Хүсэлт гаргагч: Дархан-Уул аймаг, Дархан сум, 15 дугаар баг, *** тоотод оршин суух ******* овогт *******ын *******н хүсэлттэй иргэний хэрэгт хүсэлт гаргагч Л.*******ны гаргасан хүсэлтийг хүлээн авч, хянаад

ТОДОРХОЙЛОХ нь:

Хүсэлт гаргагч Л.*******н шүүхэд гаргасан хүсэлтдээ:

Миний бие тус шүүхэд Б.*******ийг эрэн сурвалжлуулах тухай хүсэлтийг гаргасан. Б.******* нь шүүхэд миний бие Ховд аймаг, Жаргалант сумын Булган баг Тоска байр *** тоот хаягт оршин сууж байгаа гэж мэдэгдсэн. Одоо миний бие тус хаягаар нь Ховд аймгийн шүүхэд нэхэмжлэл гаргах тул миний гаргасан хүсэлтийг буцааж олгож өгнө үү. Мөн хүсэлтэд хавсаргасан материалыг буцааж олгож өгнө үү... гэжээ.

ҮНДЭСЛЭХ нь:

1. Хүсэлт гаргагч Л.*******н нь Б.*******ийг эрэн сурвалжлуулах тухай хүсэлт гаргасан бөгөөд хэрэг хянан шийдвэрлэх ажиллагааны явцад тэрээр шүүхэд гаргасан нэхэмжлэлээсээ татгалзах тухай хүсэлтийг шүүхэд бичгээр ирүүлсэн байна.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д: Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан бол хэргийг хялбаршуулсан журмаар хянан шийдвэрлэнэ, 74.2-т: Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус заажээ.

3. Иймд нэхэмжлэгчийн шүүхэд бичгээр ирүүлсэн хүсэлтийг хүлээн авч, дээрх хуульд зааснаар нэхэмжлэгч нь нэхэмжлэлээсээ татгалзсаныг баталж хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-д заасныг баримтлан Л.*******ны хүсэлттэй Б.*******ийг эрэн сурвалжлуулах тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д заасныг баримтлан нэхэмжлэгчээс улсын тэмдэгтийн хураамжид төлсөн 70,200 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 35,100 төгрөгийг төрийн сангийн данснаас буцаан гаргуулж, нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ М.ОЮУНЦЭЦЭГ