2024 11 08 135/ШШ2024/01399

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

 

Хэргийн индекс: 135/2024/01375/и

Дархан-Уул аймаг дахь сум дундын иргэний хэргийн анхан шатны шүүхийн шүүгч М.Оюунцэцэг би,

Нэхэмжлэгч: Улаанбаатар хот, Сүхбаатар дүүрэг, 8 дугаар хороо, Сити тоуэр, 2 давхарт байрлах, ******* ******* ББСБ ХХК-ийн нэхэмжлэлтэй,

Хариуцагч: Дархан-Уул аймаг, Дархан сум, 4 дүгээр баг, ** тоотод оршин суух, *******ын ******* холбогдох,

5,445,590.92 төгрөг гаргуулах тухай нэхэмжлэлийн шаардлагатай иргэний хэргийг хянаад,

ТОДОРХОЙЛОХ нь:

Нэхэмжлэгч ******* ******* ББСБ ХХК нь шүүхэд гаргасан нэхэмжлэлдээ: 5,445,590.92. төгрөгийг гаргуулж өгнө үү гэжээ.

Хариуцагч Э.Амарболд нь шүүхэд ирүүлсэн хариу тайлбартаа: ...миний бие *******ын Амарболд нь ******* ******* ББСБ ХХК-д 5,445,590.92 төгрөг төлж барагдуулахдаа 6 сарын хугацаанд төлж барагдуулах болно.

2024 оны 11 сарын 20-ны өдөр 907,598.487 төгрөг, 2024 оны 12 сарын 20-ны өдөр 907,598.487 төгрөг, 2025 оны 01 сарын 20-ны өдөр 907,598.487 төгрөг, 2025 оны 02 сарын 20-ны өдөр 907,598.487 төгрөг, 2025 оны 03 сарын 20-ны өдөр 907,598.487 төгрөг, 2025 оны 04 сарын 20-ны өдөр 907,598.487 төгрөгийг тус тус төлж барагдуулах тул хэргийг хялбаршуулсан журмаар шийдвэрлэж өгнө үү... гэжээ.

Нэхэмжлэгчийн итгэмжлэгдсэн төлөөлөгч Б.Анхбаяр шүүхэд ирүүлсэн тайлбартаа:

...хариуцагчийн тайлбартаа танилцаж бүрэн зөвшөөрч байгаа тул хэргийг хялбаршуулсан журмаар шийдвэрлэж өгнө үү... гэжээ.

ҮНДЭСЛЭХ нь:

1. Нэхэмжлэгч Рэнтпей финанс ББСБ ХХК-ийн нэхэмжлэлтэй, хариуцагч Э.******* холбогдох 5,445,590.92 төгрөг гаргуулах тухай нэхэмжлэлийн шаардлагатай иргэний хэрэгт зохигчдын эвлэрлийг баталж, хэргийг хэрэгсэхгүй болгох нь зүйтэй байна.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д: Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ, 74.2-т: Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус заажээ.

3. Хэрэг хянан шийдвэрлэх ажиллагааны явцад зохигчид нь эвлэрч, хариуцагч Э.Амарболд нь нэхэмжлэлийн шаардлага болох 5,445,590.92 төгрөгийг төлөхдөө: 2024 оны 11 сарын 20-ны өдөр 907,598.487 төгрөг, 2024 оны 12 сарын 20-ны өдөр 907,598.487 төгрөг, 2025 оны 01 сарын 20-ны өдөр 907,598.487 төгрөг, 2025 оны 02 сарын 20-ны өдөр 907,598.487 төгрөг, 2025 оны 03 сарын 20-ны өдөр 907,598.487 төгрөг, 2025 оны 04 сарын 20-ны өдөр 907,598.487 төгрөгийг тус тус төлж барагдуулахаар харилцан тохиролцсон байна.

Талуудын хооронд тохиролцсон эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх эвлэрлийг баталж, хэргийг хэрэгсэхгүй болгож шийдвэрлэх нь зүйтэй байна.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 102,100 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 51050 төгрөгийг хариуцагчаас, тал хувь болох 51050 төгрөгийг төрийн сангийн орлогоос тус тус гаргуулж, нэхэмжлэгч Рентпей финанс ББСБ ХХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар Рентпей финанс ББСБ ХХК-ийн нэхэмжлэлтэй, хариуцагч Э.******* холбогдох иргэний хэрэгт хариуцагч нь 5,445,590.92 төгрөгийг төлөхдөө: 2024 оны 11 сарын 20-ны өдөр 907,598.487 төгрөг, 2024 оны 12 сарын 20-ны өдөр 907,598.487 төгрөг, 2025 оны 01 сарын 20-ны өдөр 907,598.487 төгрөг, 2025 оны 02 сарын 20-ны өдөр 907,598.487 төгрөг, 2025 оны 03 сарын 20-ны өдөр 907,598.487 төгрөг, 2025 оны 04 сарын 20-ны өдөр 907,598.487 төгрөгийг тус тус төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 102100 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 51,050 төгрөгийг хариуцагч Э.Амарболдоос, тал хувь болох 51,050 төгрөгийг Төрийн сангийн орлогоос тус тус гаргуулж, нэхэмжлэгч Рентпей финанс ББСБ ХХК-д олгосугай.

 

3.   Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч нар сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ М.ОЮУНЦЭЦЭГ