2024 11 14 135/ШШ2024/01450

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

 

Хэргийн индекс: 135/2024/01455/и

Дархан-Уул аймаг дахь сум дундын иргэний хэргийн анхан шатны шүүхийн шүүгч М.Оюунцэцэг би,

Нэхэмжлэгч: Улаанбаатар хот, Сүхбаатар дүүрэг, 8 дугаар хороо, Ерөнхий сайд Амарын гудамж, Хас банкны төв байр, ******* ХК (РД:2**)-ийн нэхэмжлэлтэй,

Хариуцагч: Дархан-Уул аймаг, Дархан сум, 15 дугаар баг, ** тоотод оршин суух хаягтай, ******* овогт*******гийн ******* (РД:**)-т холбогдох,

Зээлийн гэрээний үүрэгт 9,739,402.88 төгрөг гаргуулах тухай нэхэмжлэлийн шаардлагатай иргэний хэргийг хянаад,

ТОДОРХОЙЛОХ нь:

Нэхэмжлэгч ******* ХК нь шүүхэд гаргасан нэхэмжлэлдээ: 9,739,402.88. төгрөг гаргуулж өгнө үү гэжээ.

Зохигчид шүүхэд ирүүлсэн эвлэрлийн гэрээндээ: ...Хариуцагч Д.*******д холбогдох үүргийн гүйцэтгэлд 9,739,402.88 төгрөг гаргуулах, *******ны нэхэмжлэлд дараах байдлаар өөрчлөлт оруулж эвлэрэх хүсэлтэй байна. Хариуцагч нь нэхэмжилж буй нийт төлбөрийг дараах байдлаар төлөхийг зөвшөөрсөн.

Үүнд: 2024 оны 10 сард төлсөн 750,000 төгрөг, 2024 оны 11 сард төлсөн 490,000 төгрөгийг хасаж, үлдсэн 8,499,402.88 төгрөгийг 2024 оны 12 сараас 2025 оны 11 сарын хооронд 12 удаа тэнцүү хувааж, сар бүрийн 5-ны өдөр төлж байхаар хүсэлт гаргасныг нэхэмжлэгч болон хариуцагч тал зөвшөөрч байгаа тул, эвлэрлийн захирамж гаргаж өгнө үү... гэжээ.

ҮНДЭСЛЭХ нь:

1. Нэхэмжлэгч ******* ХК-ийн нэхэмжлэлтэй, хариуцагч Д.*******д холбогдох 9,739,402.88 төгрөг гаргуулах тухай нэхэмжлэлийн шаардлагатай иргэний хэрэгт зохигчдын эвлэрлийг баталж, хэргийг хэрэгсэхгүй болгох нь зүйтэй байна.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д: Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ, 74.2-т: Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус заажээ.

3. Хэрэг хянан шийдвэрлэх ажиллагааны явцад зохигчид нь эвлэрч, хариуцагч Д.******* нь нэхэмжлэлийн шаардлага болох 9,739,402.88 төгрөг төлөхийг хүлээн зөвшөөрсөн бөгөөд 2024 оны 10 сард төлсөн 750,000 төгрөг, 2024 оны 11 сард төлсөн 490,000 төгрөгийг хасаж, үлдсэн 8,499,402.88 төгрөгийг 2024 оны 12 сараас 2025 оны 11 сарын хооронд 12 удаа тэнцүү хувааж, сар бүрийн 5-ны өдөр төлж байхаар харилцан тохиролцсон байна.

Талуудын хооронд тохиролцсон эвлэрэл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул шүүх эвлэрлийг баталж, хэргийг хэрэгсэхгүй болгож шийдвэрлэх нь зүйтэй байна.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 170,780.45 төгрөгийг Төрийн сангийн орлогод хэвээр үлдээж, улсын тэмдэгтийн хураамжийн тал хувь болох 85,390.2 төгрөгийг хариуцагчаас, тал хувь болох 85,390.25 төгрөгийг төрийн сангийн орлогоос тус тус гаргуулж, нэхэмжлэгч ******* ХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар ******* ХК-ийн нэхэмжлэлтэй, хариуцагч Д.*******д холбогдох иргэний хэрэгт хариуцагч нь 9,739,402.88 төгрөг төлөхийг хүлээн зөвшөөрсөн бөгөөд 2024 оны 10 сард төлсөн 750,000 төгрөг, 2024 оны 11 сард төлсөн 490,000 төгрөгийг хасаж, үлдсэн 8,499,402.88 төгрөгийг 2024 оны 12 сараас 2025 оны 11 сарын хооронд 12 удаа тэнцүү хувааж, сар бүрийн 5-ны өдөр төлж байхаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 170,780.45 төгрөгийг төрийн сангийн орлогод хэвээр үлдээж, улсын тэмдэгтийн хураамжийн тал хувь болох 85,390.2 төгрөгийг хариуцагч Д.*******аас, тал хувь болох 85,390.25 төгрөгийг Төрийн сангийн орлогоос тус тус гаргуулж, нэхэмжлэгч ******* ХК-д олгосугай.

 

3.   Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч нар сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

 

4.   Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ М.ОЮУНЦЭЦЭГ