МОНГОЛ УЛСЫН НЭРИЙН ӨМНӨӨС

 

Х аймаг дахь сум дундын иргэний хэргийн анхан шатны шүүхийн шүүх хуралдааныг Ерөнхий шүүгч Л.Эрдэнэбат даргалж, тус шүүхийн шүүх хуралдааны танхимд хийсэн хуралдаанд:

Хүсэлт гаргагч: Х аймгийн Г суманд 1959 онд төрсөн, 57 настай, эрэгтэй, малчин, ам бүл 7, эхнэр, хүүхдүүдийн хамт Х аймгийн Г сумын 2 дугаар багийн нутаг Ө гэх газарт оршин суух Л.С /Р ***/-ын хүсэлттэй

Ажиллаж байсан байдал тогтоолгохыг хүссэн иргэний хэргийг хэлэлцэв.

Шүүх хуралдаанд: Шүүх хуралдааны нарийн бичгийн дарга Б.Оюунчимэг, хүсэлт гаргагч Л.С нар оролцов.

ТОДОРХОЙЛОХ нь:

Хүсэлт гаргагч Л.С шүүхэд гаргасан хүсэлт болон шүүх хуралдаанд тайлбарлахдаа: Миний бие Г сумын сургуулийг 1975 онд 8 дугаар ангиа төгсөөд илгээлтээр хөдөө Х аймгийн Г сумын И нэгдлийн 2 дугаар бригадад мал маллаж байгаад 1980 оны хавар цэрэгт явж ирээд цэргээс 1983 оны хавар халагдаж ирээд тус нэгдэлдээ нэгдэл тартал тасралтгүй ажиллаж байсан юм. Одоо тэтгэвэрт орох дөхөж байгаа тул шүүхэд ажиллаж байсан жилээ сэргээн тогтоолгохоор шүүхэд хандсан юм.

Иймд намайг Х аймгийн Г сумын И нэгдлийн 2 дугаар бригадад 1975 оны 8 дугаар сарын 01-ний өдрөөс 1980 оны 5 дугаар сарын 30-ны өдөр хүртэл хоньчноор, 1983 оны 8 дугаар сарын 01-ний өдрөөс 1989 оны 12 дугаар сарын 31-ний өдөр хүртэл адуучнаар ажиллаж байсныг сэргээн тогтоож өгнө үү гэв.

Шүүх хуульд заасан журмын дагуу энэ хэрэгт цугларсан бичмэл нотлох баримтууд болон хүсэлт гаргагчийн хүсэлт, тайлбарыг шинжлэн судлаад ҮНДЭСЛЭХ нь

Хүсэлт гаргагч Л.С нь ажиллаж байсан байдлаа сэргээн тогтоолгосноор өндөр насны тэтгэвэр тогтоолгох эрх зүйн тодорхой үр дагаврыг бий болгож байх ба Х аймгийн Г сумын И нэгдлийн 2 дугаар бригадад 1975 оны 8 дугаар сарын 01-ний өдрөөс 1980 оны 5 дугаар сарын 30-ны өдөр хүртэл хоньчноор, 1983 оны 8 дугаар сарын 01-ний өдрөөс 1989 оны 12 дугаар сарын 31-ний өдөр хүртэл адуучнаар ажиллаж байсан болох нь хавтаст хэрэгт авагдсан доорх баримтуудаар тогтоогдож байна.

Тухайлбал: Хүсэлт гаргагчийн ажилласан жил, цалинг сумын архивын 70 дугаар данснаас түүвэрлэн авсан Х аймгийн Г сумын Засаг даргын тамгын газрын даргын 2016 оны 5 дугаар сарын 16-ны өдрийн 3/187 дугаартай архивын лавлагаа, хөдөлмөрийн хөлсний лавлагаа, 70 дугаар дансны хуулбарууд,

Гэрч С.Б ын: ....Л.С нь 1975 оны хавраас И нэгдэлд адуучнаар ажиллаж эхэлж байсан. 1980 онд цэрэгт яваад 1983 онд халагдаж ирээд И нэгдэлдээ иргээд адуучин, малчнаар 1990-ээд онд нэгдэл тартал ажиллаж байсан.... гэх мэдүүлэг,

Гэрч Ю.М ын: ....Л.С нь 1975 онд И нэгдэлд адуучнаар ажиллаж эхэлж байсан. 1980 онд цэрэгт яваад 1983 онд халагдаж ирсэн. Г сумын И нэгдлийн 2 дугаар бригадад адуучинаар 1990 онд нэгдэл тартал ажиллаж байсан.... гэх мэдүүлэг зэрэг хавтаст хэрэгт авагдсан бичгийн бичмэл нотлох баримтаар тогтоогдож байх тул хүсэлт гаргагчийн хүсэлтийг хангаж шийдвэрлэх үндэслэлтэй байна.

Хугацаат цэргийн алба хаасан хугацаа нь ажилласан жилд тооцогддог болохыг дурьдлаа.

Хүсэлт гаргагчийн улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар "эд хөрөнгийн бус, түүнчлэн үнэлэх боломжгүй" нэхэмжлэлд төлсөн 70.200 төгрөгийг улсын орлогод хэвээр үлдээж шийдвэрлэлээ

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага болгон ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д зааснаар Л.С /Р ***/-ыг Х аймгийн Г сумын И нэгдлийн 2 дугаар бригадад 1975 оны 8 дугаар сарын 01-ний өдрөөс 1980 оны 5 дугаар сарын 30-ны өдөр хүртэл хоньчноор, 1983 оны 8 дугаар сарын 01-ний өдрөөс 1989 оны 12 дугаар сарын 31-ний өдөр хүртэл адуучнаар ажиллаж байсан байдлыг тус тус тогтоосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар хүсэлт гаргагч Л.С ын улсын тэмдэгтийн хураамжид төлсөн 70.200 /далан мянга хоёр зуу/ төгрөгийг улсын орлогод хэвээр үлдээсүгэй.

3. 119 119.4, 119.7- шийдвэр танилцуулан сонсгож, 7 14 ы оролцсон талууд шийдвэрийг 뿿 давж заалдах журмаар 㺺 д шийдвэрийг , Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдээрийн төлөөлөгч, өмгөөлөгч анхан шатны шүүхийн шийдвэрийг эс зөвшөөрвөл 14 хоногийн дотор иргэний хэргийн давж заалдах шатны шүүхэд гомдол гаргах эрхтэйг дурдсугай.

 

 

 

 

ДАРГАЛАГЧ, ЕРӨНХИЙ ШҮҮГЧ Л.ЭРДЭНЭБАТ