Нэхэмжлэлийн шаардлагыг хариуцагч биелүүлснийг

                                     баталж, хэргийг хэрэгсэхгүй болгох тухай

Дорноговь аймгийн Замын-Үүд сум дахь сум дундын шүүхийн шүүгч Э.Б би, нэхэмжлэгч А к ББСБ ХХК-ийн нэхэмжлэлтэй, хариуцагч Ц.Б-д холбогдох зээлийн гэрээний үүрэг 1,306,854 төгрөг гаргуулах тухай нэхэмжлэлийг 2024 оны 11 сарын 18-ны өдөр хүлээн авч, 2024 оны 11 сарын 20-ны өдөр иргэний хэрэг үүсгэн хянаад

                                                     ТОДОРХОЙЛОХ нь:

Нэхэмжлэгч А к ББСБ ХХК /ХХД:..., РД:..., утас:..., .../ шүүхэд гаргасан нэхэмжлэлдээ: Нэхэмжлэл гаргах өдрийн байдлаар 7101992025 тоот Цахим зээлийн гэрээний үүрэгт 1,301,854 төгрөг, нотариатын зардал 5,000 төгрөг, нийт 1,306,854 төгрөгийг Ц-ын Б-өөс гаргуулж өгнө үү гэжээ.

Хариуцагч: Дорноговь аймгийн Замын-Үүд сумын ... баг ... гудамж ... тоотод оршин суух, З овогт Ц-ын Бат-Е /РД:..., утас: .../-ийн

итгэмжлэгдсэн төлөөлөгч: Дорноговь аймгийн Замын-Үүд сумын ... баг ... гудамж ... тоотод оршин суух, Б овогт Ц-ийн О /РД:..., утас:.../ шүүхэд ирүүлсэн тайлбартаа: Миний бие Ц.Б-ийн итгэмжлэгдсэн төлөөлөгч Ц.О нь А к ББСБ ХХК-ийн нэхэмжлэлийн шаардлага болох 1,306,854 төгрөгийг 2024 оны 11 сарын 20-ны өдөр бүрэн төлж барагдуулсан тул хэргийг хялбаршуулсан журмаар шийдвэрлэж өгнө үү гэжээ.

                                                ҮНДЭСЛЭХ нь:

Нэхэмжлэгч А к ББСБ ХХК нь хариуцагч Ц.Б-д холбогдуулан зээлийн гэрээний үүрэг 1,306,854 төгрөг гаргуулахаар нэхэмжлэлийн шаардлагыг гаргажээ.   

Иргэний хэрэг шүүхэд хянан шийдвэрлэх ажиллагааны явцад хариуцагч Ц.Б нь нэхэмжлэлийн шаардлага 1,306,854 төгрөгийг  бүрэн төлж барагдуулсан нь хариуцагчийн итгэмжлэгдсэн төлөөлөгч Ц.О-ын тайлбар, төлбөр төлсөн баримт зэрэг нотлох баримтаар тогтоогдож байна. Хариуцагч нь нэхэмжлэлийн шаардлагыг төлж барагдуулсан нь хуульд харшлаагүй, гуравдагч этгээдийн эрх, хуулиар хамгаалсан ашиг сонирхлыг хөндөөгүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэлийн шаардлагыг хариуцагч биелүүлснийг баталж, хэргийг хялбаршуулсан журмаар хянан шийдвэрлэх үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 1 дэх хэсэгт заасныг удирдлага болгон ЗАХИРАМЖЛАХ нь:

1. Нэхэмжлэгч А к ББСБ ХХК-ийн нэхэмжлэлтэй, хариуцагч Ц.Б-д холбогдох зээлийн гэрээний үүрэг 1,306,854 төгрөг гаргуулах тухай иргэний хэрэгт хариуцагч нь нэхэмжлэлийн шаардлагыг биелүүлснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгч байгууллагын улсын тэмдэгтийн хураамжид урьдчилан төлсөн 35,862 төгрөгийн 50 хувийг улсын улсын орлогод хэвээр үлдээж, үлдэх 50 хувь болох 17,931 төгрөгийг улсын орлогоос, хариуцагч Ц.Б-өөс 17,931 төгрөгийг гаргуулан нэхэмжлэгч А к ББСБ ХХК-нд олгосугай.

3. Энэ захирамжид зохигчид давж заалдах, гомдол гаргах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

           

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            ШҮҮГЧ                                    Э.Б