Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Хөвсгөл аймаг дахь сум дундын иргэний хэргийн анхан шатны шүүхийн шүүгч Н.Бямбасүрэн би

Нэхэмжлэгч: ***т байрлах, Х ХК-ийн итгэмжлэгдсэн төлөөлөгч Х ХК-ийн Хөвсгөл салбарын нэхэмжлэлтэй,

Хариуцагч: ***т оршин суух, У О-ийн Бт холбогдох,

Онлайн цалингийн зээлийн гэрээний үүрэгт 11,340,584.65 (арван нэгэн сая гурван зуун дөчин мянга таван зуун наян дөрвөн төгрөг жаран таван мөнгө) төгрөгийг гаргуулах тухай нэхэмжлэлийг 2024 оны 11 дүгээр сарын 04-ний өдөр хүлээн авч, 155/2024/01219/и дугаар индекстэй иргэний хэрэг үүсгэн хянаад,

ТОДОРХОЙЛОХ нь:

Нэхэмжлэгч Х ХК-ийн итгэмжлэгдсэн төлөөлөгч Х ХК-ийн Хөвсгөл салбар шүүхэд гаргасан нэхэмжлэлдээ: Зээлдэгч О.Б нь нэхэмжлэгч Х ХК-тай 2023 оны 4 дүгээр сарын 27- ны өдөр ЗГ/51215555 тоот Онлайн цалингийн зээлийн гэрээ байгуулан 3,000,000 төгрөгийг жилийн 18,6%-ийн хүүтэй, 30 сарын хугацаатай зээлсэн. Мөн 2023 оны 5 дугаар сарын 17-ны өдөр 3,000,000 төгрөгийг, жилийн 18,6%-ийн хүүтэй, 30 сарын хугацаатай, 2023 оны 5 дугаар сарын 22- ны өдөр 500,000 төгрөгийг, жилийн 18,6%-ийн хүүтэй, 30 сарын хугацаатай, 2023 оны 5 дугаар сарын 27-ны өдөр 3,500,000 төгрөгийг жилийн 18,6%-ийн хүүтэй, 30 сарын хугацаатай, 2023 оны 6 дугаар сарын 27-ны өдөр 600,000 төгрөгийг, жилийн 18,6%-ийн хүүтэй 30 сарын хугацаатай, 2023 оны 7 дугаар сарын 09-ний өдөр 100,000 төгрөгийг жилийн 18,6%-ийн хүүтэй, 30 сарын хугацаатай, 2023 оны 7 дугаар сарын 26-ны өдөр 1,000,000 төгрөгийг жилийн 18,6%-ийн хүүтэй, 30 сарын хугацаатай тус тус нийт 8,700,000 төгрөгийг нэмж онлайн цалингийн зээл авсан.

Дээр дурдсан цалингийн зээлийн гэрээнд Зээлдэгч нь зээлийн гэрээ, зээл олголт, эргэн төлөлтийн хуваарь, барьцааны гэрээ болон харилцагчид зээлийн бүтээгдэхүүний мэдээлэл танилцуулах маягттай тус тус танилцан зөвшөөрлөө илэрхийлж нууц код, эсхүл тоон гарын үсгээр баталгаажуулахаар банктай харилцан тохиролцсон бөгөөд аль нэг хэлбэрээр нь баталгаажуулсан зээлийн гэрээ, зээл олголт, эргэн төлөлтийн хуваарь, барьцааны гэрээ болон харилцагчид зээлийн бүтээгдэхүүний мэдээлэл танилцуулах маягтыг банк хүлээн авснаар талуудын хооронд гэрээ, хэлцэл байгуулагдсанд тооцохоор харилцан тохиролцсон байна.

Зээлийн барьцаанд өөрийн ирээдүйд орж ирэх цалингийн орлогоо барьцаалуулсан байна.

Зээлдэгч 2024 оны 10 дугаар сарын 31-ний байдлаар үндсэн зээлд 2,368,349.93 төгрөг, зээлийн хүүд 912,961.68 нэмэгдүүлсэн хүүнд 2,993.69 нийт 3,284,305.30 төгрөгийг төлсөн байна.

Харин үлдэгдэл зээлийн төлбөрийн зээл олголтын эргэн төлөлтийн хуваарийг 342 хоног хугацаа хэтрүүлэн төлөлт хийгээгүй байх бөгөөд үндсэн зээлийн үлдэгдэл 9,331,650.07 төгрөг, зээлийн хүү 1,925,727.63 төгрөг, нэмэгдүүлсэн хүү 83,206.95 төгрөг нийт 11,340,584.65 төгрөгийн үлдэгдэлтэй байх бөгөөд нэхэмжлэгчийн зүгээс дээрх зээлийн үлдэгдэл төлбөрөө төлөхийг удаа дараа шаардсан боловч зээлдэгч зээлийн гэрээнд заасан үүргээ зөрчиж дээрх зээлийн үлдэгдэл төлбөрийг төлөөгүй байна. Тус үүргийн зөрчлөөс үүдэн талуудын хооронд байгуулагдсан Онлайн цалингийн зээлийн гэрээний 6.1.2-т Зээл олголт, эргэн төлөлтийн хуваарийг удаа дараа зөрчсөн, гэрээгээр хүлээсэн үүргээ биелүүлээгүй, зохих ёсоор биелүүлээгүй тохиолдолд Банкны санаачлагаар гэрээг цуцалж, зээлийн төлбөрийг хугацаанаас өмнө бүрэн төлөхийг шаардах урьдчилсан нөхцөл хангагдсан гэж үзэхээр байна гэжээ.

Хариуцагч О.Б шүүхэд ирүүлсэн тайлбартаа: О- овогтой Б миний бие Хнаас апплекейшний цалингийн зээл авсан нь үнэн болно. Нэхэмжилж буй мөнгө болох 11,340,584.65 төгрөгийг цаг тухайд нь нөхөн төлж барагдуулахаа хүлээн зөвшөөрч байна.

Иймд хэргийг хялбаршуулсан журмаар шийдвэрлэж өгнө үү гэжээ.

Шүүх нэхэмжлэгчийн нэхэмжлэл, хариуцагчийн тайлбар, хэрэгт авагдсан бичгийн нотлох баримтыг шинжлэн судлаад

ҮНДЭСЛЭХ нь:

Нэхэмжлэгч Х ХК-ийн итгэмжлэгдсэн төлөөлөгч Х ХК-ийн Хөвсгөл салбар нь хариуцагч О.Бт холбогдуулан онлайн цалингийн зээлийн гэрээний үүрэгт 11,340,584.65 төгрөгийг гаргуулах тухай нэхэмжлэлийн шаардлага шүүхэд гаргажээ.

Хэрэг хянан шийдвэрлэх ажиллагааны явцад хариуцагч О.Б нь нэхэмжлэгчийн нэхэмжлэлийн нийт шаардлага болох 11,340,584.65 төгрөгийг төлж барагдуулахаар хүлээн зөвшөөрч тайлбар ирүүлсэн байх тул хариуцагчийн зөвшөөрлийг баталж хэргийг хялбаршуулсан журмаар шийдвэрлэх нь Иргэний хуульд нийцсэн, бусдын эрх, эрх чөлөө хуулиар хамгаалагдсан ашиг сонирхлыг хөндөөгүй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид урьдчилан төлсөн 196,400 төгрөгийг улсын орлогод хэвээр үлдээж, хариуцагч О.Баас 98,200 төгрөгийг, улсын орлогоос 98,200 төгрөгийг тус тус гаргуулан нэхэмжлэгч Х ХК-д олгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 74 дүгээр зүйлийн 74.2, 123 дугаар зүйлийн 123.1-т заасныг удирдлага болгон

ЗАХИРАМЖЛАХ нь:

1.Х ХК-ийн итгэмжлэгдсэн төлөөлөгч Х ХК-ийн Хөвсгөл салбарын нэхэмжлэлтэй хариуцагч О.Бт холбогдох онлайн цалингийн зээлийн гэрээний үүрэгт 11,340,584.65 (арван нэгэн сая гурван зуун дөчин мянга таван зуун наян дөрвөн төгрөг жаран таван мөнгө) төгрөг гаргуулах тухай иргэний хэрэгт хариуцагч О.Б нь нэхэмжлэлийн нийт шаардлага болох 11,340,584.65 (арван нэгэн сая гурван зуун дөчин мянга таван зуун наян дөрвөн төгрөг жаран таван мөнгө) төгрөгийг нэхэмжлэгч Х ХК-д төлж барагдуулахаар хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч байгууллагын улсын тэмдэгтийн хураамжид урьдчилан төлсөн 196,400 (нэг зуун ерэн зургаан мянга дөрвөн зуу) төгрөгийг улсын орлогод хэвээр үлдээж, хариуцагч О.Баас 98,200 (ерэн найман мянга хоёр зуу) төгрөгийг, улсын орлогоос 98,200 (ерэн найман мянга хоёр зуу) төгрөгийг тус тус гаргуулан нэхэмжлэгч Х ХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ Н.БЯМБАСҮРЭН