Хариуцагч нэхэмжлэлийн шаардлагыг

зөвшөөрснийг баталж, хэргийг хэрэгсэхгүй

болгох тухай

 

 

Хөвсгөл аймаг дахь сум дундын иргэний хэргийн анхан шатны шүүхийн шүүгч Б.Мөнхтуяа би,

Нэхэмжлэгч: А банк бус санхүүгийн байгууллага ХХК-ийн нэхэмжлэлтэй,

Хариуцагч:  А.А-д холбогдох,

Нэхэмжлэлийн шаардлага: Зээлийн гэрээний үүрэгт болон нотариатын зардалд нийт 5,703,158 (таван сая долоон зуун гурван мянга нэг зуун тавин найм ) төгрөг гаргуулах тухай, 155/2024/01301/и дугаар индекстэй иргэний хэрэг үүсгэн хянаад

ТОДОРХОЙЛОХ нь:

Нэхэмжлэгч А банк бус санхүүгийн байгууллага ХХК шүүхэд гаргасан нэхэмжлэлдээ: Нэхэмжлэл гаргах өдрийн байдлаар 7102209135 тоот Цахим зээлийн гэрээ-ний үүрэгт 5,698,158 төгрөг, нотариатын төлбөрт 5,000 төгрөг, нийт 5,703,158 (таван сая долоон зуун гурван мянга нэг зуун тавин найм ) төгрөгийг хариуцагч А.А-аас гаргуулж өгнө үү гэжээ.

Хариуцагч А.А- шүүхэд ирүүлсэн хариу тайлбартаа: Нэхэмжлэгч А ББСБ ХХК нь А.А- надаас зээлийн төлбөрт 5,703,158 төгрөг гаргуулахаар нэхэмжлэл гаргасныг бүхэлд нь төлөхийг хүлээн зөвшөөрч байна гэжээ.

Шүүх нэхэмжлэгчийн нэхэмжлэл, хариуцагчийн тайлбар, хэрэгт авагдсан бичгийн нотлох баримтыг шинжлэн судлаад

 

ҮНДЭСЛЭХ нь:

 

Нэхэмжлэгч А банк бус санхүүгийн байгууллага хязгаарлагдмал хариуцлагатай компани нь хариуцагч А.А-д холбогдуулан зээлийн гэрээний үүрэгт болон нотариатын зардалд нийт 5,703,158 (таван сая долоон зуун гурван мянга нэг зуун тавин найм ) төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч А.А- нь нэхэмжлэлийн шаардлага болох зээлийн гэрээний үүрэгт болон нотариатын зардалд нийт 5,703,158 (таван сая долоон зуун гурван мянга нэг зуун тавин найм ) төгрөг гаргуулах шаардлага бүхий нэхэмжлэлийн шаардлагыг төлөхийг хүлээн зөвшөөрсөн нь хууль зөрчөөгүй, бусдын эрх, эрх чөлөө хуулиар хамгаалагдсан ашиг сонирхлыг хөндөөгүй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д Хэрэг үүсгэснээс хойш шүүх хуралдаан хүртэлх хугацаанд нэхэмжлэгч нэхэмжлэлээсээ татгалзсан, хариуцагч нэхэмжлэлийн шаардлагыг хүлээн зөвшөөрсөн, эсхүл зохигч эвлэрсэн, нэхэмжлэлийн шаардлагыг хариуцагч биелүүлсэн бол хэргийг хялбаршуулсан журмаар хянан шийдвэрлэнэ гэж,

Мөн зүйлийн 74.2-т Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана гэж тус тус хуульчилжээ.

Иймд хэргийг хялбаршуулсан журмаар хянан шийдвэрлэх боломжтой байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзэв.

Нэхэмжлэгч А банк бус санхүүгийн байгууллага хязгаарлагдмал хариуцлагатай компанийн улсын тэмдэгтийн хураамжид урьдчилан төлсөн 106,203 (нэг зуун зургаан мянга хоёр зуун гурав ) төгрөгөөс 53,101.50 (тавин гурван мянга нэг зуун нэг төгрөг тавин мөнгө ) төгрөгийг улсын орлогод үлдээж, үлдэх 53,101.50 (тавин гурван мянга нэг зуун нэг төгрөг тавин мөнгө ) төгрөгийг улсын орлогоос буцаан гаргуулж, хариуцагч А.А-эс 53,101.50 (тавин гурван мянга нэг зуун нэг төгрөг тавин мөнгө ) төгрөгийг гаргуулан тус тус нэхэмжлэгчид олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-т заасныг удирдлага болгон

 

ЗАХИРАМЖЛАХ нь:

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч А банк бус санхүүгийн байгууллага хязгаарлагдмал хариуцлагатай компанийн нэхэмжлэлтэй, хариуцагч А.А-д холбогдох холбогдуулан зээлийн гэрээний үүрэгт болон нотариатын зардалд нийт 5,703,158 (таван сая долоон зуун гурван мянга нэг зуун тавин найм) төгрөг гаргуулах тухай иргэний хэргийн хариуцагч А.А- нь нэхэмжлэлийн шаардлагыг төлөхийг хүлээн зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2. Нэхэмжлэгч А банк бус санхүүгийн байгууллага хязгаарлагдмал хариуцлагатай компанийн улсын тэмдэгтийн хураамжид урьдчилан төлсөн 106,203 (нэг зуун зургаан мянга хоёр зуун гурав ) төгрөгөөс 53,101.50 (тавин гурван мянга нэг зуун нэг төгрөг тавин мөнгө ) төгрөгийг улсын орлогод үлдээж, үлдэх 53,101.50 (тавин гурван мянга нэг зуун нэг төгрөг тавин мөнгө ) төгрөгийг улсын орлогоос буцаан гаргуулж, хариуцагч А.А-эс 53,101.50 (тавин гурван мянга нэг зуун нэг төгрөг тавин мөнгө ) төгрөгийг улсын орлогоос буцаан гаргуулж нэхэмжлэгчид олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ШҮҮГЧ Б.МӨНХТУЯА