Хариуцагч нэхэмжлэлийн шаардлагыг                                                                                    хүлээн зөвшөөрснийг баталж, хэргийг                                                                              хэрэгсэхгүй болгох тухай

 

 

          Хэнтий аймгийн Бор-Өндөр сум дахь Сум дундын шүүхийн шүүгч Р.Батбаяр би нэхэмжлэгч “Х” ХК-ийн нэхэмжлэлтэй хариуцагч Б.Б-д холбогдох “зээлийн гэрээний үүрэгт 2,871,126.49 төгрөг гаргуулах тухай” нэхэмжлэлийг  2024 оны 12 дугаар сарын 02-ны өдөр хүлээн авч, 2024 оны 12 дугаар сарын 10-ны өдөр иргэний хэрэг үүсгэж, тусгайлсан журмаар хянан шийдвэрлэх ажиллагаа явуулаад  

 

ТОДОРХОЙЛОХ нь:

 

         Нэхэмжлэгч “Х” ХК нь шүүхэд гаргасан нэхэмжлэлдээ: “Зээлдэгч Б.Б- нь нь Хны Хэнтий салбарын Бор-Өндөр тооцооны төвөөс 2023 оны 08 дүгээр сарын 28-ны өдөр №317230818158285, №317230818137280 тоот цалингийн зээлийн гэрээ байгуулан 3854000 /гурван сая найман зуун тавин дөрвөн мянга/ төгрөгийн зээлийг сарын 1,3 хувийн хүүтэй 30 сарын хугацаатай хэрэглээний зээлийн зориулалтаар зээлсэн. Зээлдэгч нь гэрээ ёсоор төлбөл зохих төлбөрүүдийг хугацаандаа төлөөгүйн улмаас зээл нь хугацаа хэтэрч, /118 хоног/ зээлийн гэрээгээр хүлээсэн үүргээ зөрчсөн тул 2023 оны 08 дугаар сарын 28-ний өдрийн №317230818158285, №317230818137280 тоот Зээлийн гэрээг хугацаанаас нь өмнө цуцлаж зээлийн нийт төлбөр 2,871,126.49 /хоёр сая найман зуун далан нэгэн мянга нэг зуун хорин зургаан төгрөг дөчин есөн мөнгө/ төгрөг, улсын тэмдэгтийн хураамжид төлсөн 60,888.02 төгрөгийг гаргуулах хүсэлтэй байна.” гэжээ.

 

Хариуцагч ... тоотод оршин суух, .... регистрийн дугаартай Б  овогт Б  Б- шүүхэд гаргасан тайлбартаа: “Б.Б- миний бие Хнаас гаргасан нэхэмжлэлтэй танилцлаа. 2,871,126.49 төгрөгийг төлж барагдуулна. Маргах зүйлгүй” гэжээ.

 

ҮНДЭСЛЭХ нь:

 

Нэхэмжлэгч “Х” ХК нь хариуцагч Б.Б-д холбогдуулан зээлийн гэрээний үүрэгт 2,871,126.49 төгрөгийг гаргуулахаар нэхэмжлэлийн шаардлага гаргасан байна.

 

Хариуцагч Б.Б- нь 2,871,126.49 төгрөгийг “Х” ХК-д төлөх үүрэгтэй болох нь нэхэмжлэл, хариуцагчийн бичгээр гаргасан тайлбар зэрэг нотлох баримтуудаар тогтоогдож байна.

 

Хэрэг хянан шийдвэрлэх ажиллагааны явцад хариуцагч нь нэхэмжлэлийн бүх шаардлага болох 2,871,126.49 төгрөгийг төлөхийг зөвшөөрч, маргаагүй болно. 

 

Иймд хариуцагч нь нэхэмжлэлийн бүх шаардлага болох 2,871,126.49  (хоёр сая найман зуун далан нэгэн мянга нэг зуун хорин зургаан бүхэл зууны дөчин ес) төгрөгийг төлөхийг зөвшөөрч, бичгээр хариу тайлбараа ирүүлсэн байгаа нь Иргэний хуульд нийцсэн, бусдын хуулиар хамгаалагдсан эрх, ашиг сонирхолд харшлахгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт хялбаршуулсан журмаар хэрэг хянан шийдвэрлэсэн тохиолдолд улсын тэмдэгтийн хураамжийн хэмжээг тал хувиар бууруулж тогтоох ба түүнийг энэ хуульд заасан журмын дагуу гаргуулна гэж заажээ.

 

Нэхэмжлэгчийн улсын тэмдэгтийн хураамжид төлсөн 60,888.02 төгрөгийн тавин хувь 30,444.01 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 30,444.01 төгрөгийг, хариуцагч Б.Б-аас улсын тэмдэгтийн хураамж 30,444.01 төгрөгийг тус тус гаргуулж нэхэмжлэгч “Х” ХК-д олгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 74, 75, 75⁸.1, 123 дугаар   зүйлийн 123.1-д заасныг удирдлага болгон ЗАХИРАМЖЛАХ нь:

 

1. Нэхэмжлэгч “Х” ХК-ийн нэхэмжилсэн 2,871,126.49  (хоёр сая найман зуун далан нэгэн мянга нэг зуун хорин зургаан бүхэл зууны дөчин ес)  төгрөгийг хариуцагч Б.Б- нь төлж барагдуулахаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 60,888.02 төгрөгийн тавин хувь 30,444.01 төгрөгийг төрийн сангийн дансанд хэвээр үлдээж улсын орлого болгож, төрийн сангийн данснаас улсын тэмдэгтийн хураамж 30,444.01 төгрөгийг, хариуцагч Б.Б-аас улсын тэмдэгтийн хураамж 30,444.01 төгрөгийг тус тус гаргуулж нэхэмжлэгч “Х” ХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Б.Б- нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

            4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

                                   

 

 

ШҮҮГЧ                       Р.БАТБАЯР