2024 12 17 156/ШШ2024/00662

 

Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг
хэрэгсэхгүй болгох тухай  

 

156/2024/00695/И

******* аймаг дахь сум дундын иргэний хэргийн анхан шатны шүүхийн Ерөнхий шүүгч Б.Марина би,

Нэхэмжлэгч: ******* аймаг ******* сум 3 дугаар баг Баатаруудын гудамж, ******* ******* ******* салбар,

Хариуцагч: ******* аймаг, ******* сум 3 дугаар баг ******* 2-29а тоотод оршин суух, ******* *******,

Хариуцагч: ******* аймаг, ******* сум 3 дугаар баг ******* 2-29а тоотод оршин суух, ******* *******,

Нэхэмжлэлийн шаардлага: Зээлийн гэрээний үүрэгт 10,221,745.05 төгрөг гаргуулах тухай иргэний хэргийг хянаад  

ТОДОРХОЙЛОХ нь:  

1. Нэхэмжлэгч ******* ******* ******* салбар нь хариуцагч Д.*******, Д.******* нарт холбогдуулан 10,221,745.05 төгрөг гаргуулах тухай нэхэмжлэлийн шаардлага гаргажээ.

2. Нэхэмжлэгч ******* ******* ******* салбар нь шүүхэд гаргасан нэхэмжлэлдээ: 1040088776 дугаартай зээлийн гэрээг хугацаанаас өмнө цуцалж, Иргэний хуулийн 451 дүгээр зүйлийн 451.1, 453 дугаар зүйлийн 453.1, Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн 20 дугаар зүйлийн 20.1 дэх хэсэг болон талуудын хооронд байгуулагдсан 1040088776 дугаартай зээлийн гэрээний холбогдох заалтыг тус тус үндэслэн үндсэн зээлийн төлбөр 9,696,836 төгрөг, зээлийн хүү 517,967.78 төгрөг, нэмэгдүүлсэн хүү 6,941.27 төгрөг нийт 10,221,745.05 төгрөгийг хариуцагчаас гаргуулж, шүүхийн шийдвэрийг бүрэн биелүүлэх талаар Иргэний хэрэг шүүхэд хянан шийдвэрлэх тухай хуулийн 118 дугаар зүйлийн 118.5-д заасны дагуу шүүхийн шийдвэрт тухайлан зааж өгнө үү гэжээ.

Хариуцагч Д.*******, Д.******* нар нь шүүхэд ирүүлсэн тайлбартаа: Нэхэмжлэлийн шаардлага 10,221,745.05 төгрөгийг бүрэн хэмжээгээр төлөхийг зөвшөөрч байна гэжээ.

ҮНДЭСЛЭХ нь: 

1.Хэргийг хялбаршуулсан журмаар хянан шийдвэрлэх нь зүйтэй гэж үзлээ.

2. Хэрэг хянан шийдвэрлэх ажиллагааны явцад нэхэмжлэгч ******* ******* ******* салбарын шүүхэд гаргасан зээлийн гэрээний үүрэгт 10,221,745.05 төгрөг гаргуулах тухай нэхэмжлэлийн шаардлагыг хариуцагч Д.*******, Д.******* нар нь төлөхийг зөвшөөрсөн тайлбарыг шүүхэд бичгээр гаргаж өгсөн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

3. Хариуцагч Д.*******, Д.******* нар нь энэхүү шүүгчийн захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7.1.1-д зааснаар нэхэмжлэгч ******* ******* ******* салбар нь улсын тэмдэгтийн хураамжид төлсөн 178,497.92 төгрөгийг улсын орлогод хэвээр үлдээж, улсын тэмдэгтийн хураамж 178,497.92 төгрөгийн тал хувь болох  89,248 төгрөгийг улсын орлогоос буцаан гаргуулж, хариуцагч Д.*******, Д.******* нараас улсын тэмдэгтийн хураамжийн тал хувь болох 89,248 төгрөгийг гаргуулан нэхэмжлэгч ******* ******* ******* салбарт олгох нь хууль зүйн үндэслэлтэй байна.   

Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.1, 123 дугаар зүйлийн 123.1 дэх хэсэгт заасныг удирдлага болгон ЗАХИРАМЖЛАХ нь: 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2 дахь хэсэгт заасныг баримтлан нэхэмжлэгч ******* ******* ******* салбарын нэхэмжилсэн зээлийн гэрээний үүрэг 10,221,745.05 /арван сая хоёр зуун хорин нэгэн мянга долоон зуун дөчин таван төгрөг таван мөнгө/ төгрөг гаргуулах тухай нэхэмжлэлийн шаардлагыг хариуцагч Д.*******, Д.******* нар нь хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч ******* ******* ******* салбарын улсын тэмдэгтийн хураамжид төлсөн 178,497.92 төгрөгийг улсын орлогод хэвээр үлдээж, улсын тэмдэгтийн хураамж 178,497.92 төгрөгийн тал хувь болох  89,248 төгрөгийг улсын орлогоос буцаан гаргуулж, хариуцагч Д.*******, Д.******* нараас улсын тэмдэгтийн хураамжийн тал хувь болох 89,248 төгрөгийг гаргуулан нэхэмжлэгч ******* ******* ******* салбарт олгосугай.

 3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Д.*******, Д.******* нар нь сайн дураараа биелүүлэхгүй бол шүүхийн шийдвэрийн адил албадан биелүүлэх учиртайг дурдсугай. 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар энэ захирамжид зохигч тус шүүхэд болон давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

  

  

ЕРӨНХИЙ ШҮҮГЧ                              Б.МАРИНА