Хариуцагч хүлээн зөвшөөрсөн                        

******* ******* Иргэний хэргийн анхан шатны шүүхийн шүүгч П.Туяа би,

Нэхэмжлэгч: ******* ******* .....дүгээр хороо, Нацагдоржийн гудамж, өөрийн байранд байрлах, ******* ******* *******, ******* ******* хэлтсийн нэхэмжлэлтэй,

Хариуцагч: ******* ******* .... дугаар хороо, ******* .... дугаар гудамжны .... тоотод оршин суух, Сайхан овогт ******* ******* холбогдох зээлийн гэрээний үүргийн биелэлт 2,496,000 төгрөг гаргуулах тухай нэхэмжлэлийг 2024 оны 12 дугаар сарын 13-ны өдөр хүлээн авч хянаад:

ТОДОРХОЙЛОХ нь :

Нэхэмжлэгч ******* ******* *******, ******* ******* хэлтэс нь хариуцагч Б.******* холбогдуулан зээлийн гэрээний үүргийн биелэлт 2,496,000 төгрөг гаргуулах нэхэмжлэлийн шаардлагыг шүүхэд гаргажээ.

Нэхэмжлэгч ******* ******* *******, ******* ******* хэлтэс нь нэхэмжлэлийн шаардлагаа дараах байдлаар тодорхойлж байна. Үүнд: Ажлын байрыг дэмжих хөтөлбөрт хамрагдсан Б.******* нь 2019 оны 6 дугаар сарын 21-ний өдөр эргэн төлөлттэй санхүүгийн дэмжлэг олгох гэрээг ******* ******* ******* ******* ******* хэлтэстэй байгуулан 3,000,000 төгрөгийн дэмжлэг авч, 2019 оны 07 дугаар сарын 30-ны өдрөөс эхлэн 2022 оны 6 дугаар сарын 30-ны өдрийг хүртэл нийт 36 сарын хугацаатай зээл авсан байна.

Б.******* нь гэрээгээр хүлээсэн үүргийн дагуу 504,000 төгрөг төлөөд дахин эргэн төлөлт хийгээгүй бөгөөд 2,496,000 төгрөгийг төлөөгүй өнөөдрийг хүртэл гэрээний үүргээ биелүүлээгүй нь төрөөс иргэдийн ажил, хөдөлмөр эрхлэхэд дэмжлэг үзүүлэх зорилгоор олгогдсон зээл эргэн төлөгдөөгүйгээс төрд хохирол, дараагийн зээл шаардлагатай иргэдэд зээл олгогдохгүй нөхцөл байдал үүсэх зэргээр төр, нийтийн ашиг сонирхолд хохирол учруулсан гэж үзэхээр байх тул гэрээнээс татгалзаж хохирол гаргуулахаар нэхэмжлэл гаргаж байна.

Иймд Иргэний хуулийн 225 дугаар зүйлийн 225.1, 227 дугаар зүйлийн 227.1, 281 дүгээр зүйлийн 281.1 дэх хэсэгт заасны дагуу 2,496,000 төгрөгийг гаргуулан, ******* ******* *******, ******* ******* хэлтсийн Төрийн сан 100200237010 дугаартай дансанд оруулж өгнө үү гэжээ.

Хариуцагч Б.******* нь шүүхэд ирүүлсэн хариу тайлбартаа: Миний бие нь *******, ******* ******* хэлтсээс 2019 онд 3,000,000 төгрөгийн зээл авсан нь үнэн. Үүнээс 504,000 төгрөгийг төлж үлдэгдэл 2,496,000 төгрөгийг төлөөгүй бөгөөд үүнийг төлж барагдуулахыг хүлээн зөвшөөрч байна. Маргах зүйлгүй гэжээ.

Шүүхээс хэрэгт цугларсан нотлох баримтууд, хариуцагчийн бичгээр ирүүлсэн тайлбар зэргийг уншиж танилцаад

ҮНДЭСЛЭХ нь:

Шүүх хариуцагчийн зөвшөөрлийг баталж хэргийг хэрэгсэхгүй болгож шийдвэрлэх үндэслэлтэй гэж үзэв.

Учир нь Хариуцагч нь Б.******* нэхэмжилсэн 2,496,000 төгрөгийг төлөхийг хүлээн зөвшөөрч байна гэсэн тайлбарыг шүүхэд бичгээр ирүүлсэн бөгөөд түүний зөвшөөрөл нь Иргэний хуульд харшлаагүй, бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй байна.

Хэргийг хялбаршуулсан журмаар шийдвэрлэсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар улсын тэмдэгтийн хураамжийг тал хувиар бууруулж тогтоов.

Монгол Улсын Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 75⁸.1 дэх хэсгүүдэд заасныг тус тус удирдлага болгон

ЗАХИРАМЖЛАХ нь:

1.******* ******* *******, ******* ******* хэлтсийн нэхэмжлэлтэй, Сайхан овогт ******* ******* холбогдох зээлийн гэрээний үүргийн биелэлт 2,496,000 төгрөг гаргуулах тухай иргэний хэрэгт хариуцагч нэхэмжлэлийн шаардлагыг хүлээн зөвшөөрснийг баталж хэргийг хэрэгсэхгүй болгосугай.

2.Нэхэмжлэгч байгууллага нь Улсын тэмдэгтийн хураамжийн тухай хуулийн 41 дүгээр зүйлийн 41.1.3 дахь хэсэгт зааснаар улсын тэмдэгтийн хураамжинд 54,886 төгрөг төлөхөөс чөлөөлөгдсөн болохыг дурдсугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагчаас улсын тэмдэгтийн хураамжид төлөх 54,886 төгрөгийг тал хувиар бууруулан тогтоож, 27,443 төгрөгийг гаргуулж улсын орлого болгосугай.

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх журамтайг тайлбарласугай.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тохиолдолд зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ П.ТУЯА