2024 07 25

132/ШШ2024/00281

 

Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

 

******* дахь Сум дундын Иргэний хэргийн анхан шатны шүүхийн Ерөнхий шүүгч О.Одончимэг би,

Нэхэмжлэгч: *******, *******,*******,*******,

Нэхэмжлэгч: *******, *******,*******,******* нарын нэхэмжлэлтэй,

Хариуцагч: *******, *******,*******,т холбогдох,

Нэхэмжлэлийн шаардлага: Хариуцагчаас 8,360,000 /найман сая гурван зуун жаран мянга/ төгрөг гаргуулах тухай нэхэмжлэлийг 2024 оны 06 дугаар сарын 19-ний өдөр хүлээн авч хянаад

ТОДОРХОЙЛОХ нь:

Нэхэмжлэгч Г.Баттөмөр, О.Даваасүрэн нар нь шүүхэд ирүүлсэн хүсэлтдээ: Г.Баттөмөр, О.Даваасүрэн миний бие Б.Майцэцэгт холбогдуулан нэхэмжлэл гаргасан. Хариуцагч Б.Майцэцэгтэй бид харилцан тохиролцсон тул шүүхэд гаргасан нэхэмжлэлээсээ татгалзаж байна гэжээ.

ҮНДЭСЛЭХ нь:

Нэхэмжлэгч Г.Баттөмөр, О.Даваасүрэн нар нь хариуцагч Б.Майцэцэгт холбогдуулан 8,360,000 /найман сая гурван зуун жаран мянга/ төгрөг гаргуулах тухай нэхэмжлэл гаргасан боловч хариуцагчтай харилцан тохиролцсон гэх үндэслэлээр нэхэмжлэгч нэхэмжлэлээсээ татгалзсан тайлбарыг шүүхэд ирүүлсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох үндэслэлтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсэгт тус тус заасныг удирдлага болгон

ЗАХИРАМЖЛАХ нь:

1. Нэхэмжлэгч Г.Баттөмөр, О.Даваасүрэн нарын нэхэмжлэлтэй, хариуцагч Б.Майцэцэгт холбогдох, 8,360,000 /найман сая гурван зуун жаран мянга/ төгрөг гаргуулах тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 74,355 /далан дөрвөн мянга гурван зуун тавин тав/ төгрөгийг Төрийн санд үлдээж, Төрийн сангаас 74,355 /далан дөрвөн мянга гурван зуун тавин тав/ төгрөгийг гаргуулж нэхэмжлэгч Г.Баттөмөр, О.Даваасүрэн нарт олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

ЕРӨНХИЙ ШҮҮГЧ О.ОДОНЧИМЭГ