Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн ерөнхий шүүгч Г.Жаргалтуяа би,

Нэхэмжлэгч: Улаанбаатар хот, байрлах, ******* регистрийн дугаартай, “******* ББСБ” ХХК-ийн нэхэмжлэлтэй,

Хариуцагч: Дорнод аймаг, оршин суух, ******* регистрийн дугаартай, ******* овогт *******ын *******д холбогдох,

Зээлийн гэрээний үүрэгт 1,831,000.17 төгрөг гаргуулах тухай иргэний хэргийг 2024 оны 11 дүгээр сарын 05-ны өдөр хүлээн авч хянаад  

ТОДОРХОЙЛОХ нь:

Нэхэмжлэгч “******* ББСБ” ХХК шүүхэд гаргасан нэхэмжлэлдээ: Нэхэмжлэгч нь иргэн Ч.*******тай харилцан тохиролцож 2024 оны 11 сарын 20-ны өдөр ЗГ2023112002559 тоот бүтээгдэхүүн зээлээр худалдан авах гэрээг байгуулан Samsung A54 маркийн гар утсыг 17 сарын хугацаанд эргэн төлөх нөхцөлтэйгөөр зээлээр авсан болно. “******* ББСБ” ХХК нь төлбөрийг хугацаандаа төлөхийг сануулж байсан бөгөөд өнөөдрийг хүртэлх хугацаанд төлөөгүй байх тул нийт ...1,831,000.17 төгрөгийн нэхэмжлэлийг гаргаж байна гэжээ.

Хариуцагч Ч.******* /утас *******/ шүүхэд гаргасан хариу тайлбартаа: Миний бие тус “******* ББСБ”-аас гар утас худалдан авах зорилгоор зээл авсан бөгөөд эргэн төлж барагдуулаагүй байгаа минь үнэн. Иймд надаас нэхэмжилсэн 1,831,000.17 төгрөгийг төлөхийг зөвшөөрч байна гэжээ.

Хэргийн материалыг шүүх хянаад ҮНДЭСЛЭХ нь:

Нэхэмжлэгч “******* ББСБ” ХХК нь хариуцагч Ч.*******д холбогдуулан зээлийн гэрээний үүрэгт 1,831,000.17 төгрөг гаргуулах тухай нэхэмжлэлийн шаардлага гаргажээ.

Хариуцагч Ч.******* нь “******* ББСБ” ХХК-тай 2023 оны 11 дүгээр сарын 20-ны өдөр ЗГ2023112002559 дугаартай зээлийн гэрээ байгуулж, 1,538,000 төгрөгийг сарын 2.90 хувийн хүүтэйгээр, 17 сарын хугацаатай гар утас худалдан авах зориулалтаар зээлж авсан байх бөгөөд гэрээний үүргээ зохих ёсоор биелүүлээгүй болох нь нэхэмжлэгч байгууллагын шүүхэд гаргасан нэхэмжлэл, дээрх зээлийн гэрээ, зээлийн эргэн төлөлтийн хуваарь, хариуцагчийн хариу тайлбар, хэрэгт цугларсан бусад бичмэл баримтуудаар батлагдаж байна. 

Хэрэг хянан шийдвэрлэх ажиллагааны явцад нэхэмжлэгчийн зээлийн гэрээний үүрэгт 1,831,000.17 төгрөг гаргуулах тухай нэхэмжлэлийн шаардлагыг хариуцагч Ч.******* нь хүлээн зөвшөөрч, энэ талаарх тайлбарыг шүүхэд бичгээр гаргаж өгсөн байх тул хэргийг хялбаршуулсан журмаар шийдвэрлэх үндэслэлтэй байна.

Хэргийг хялбаршуулсан журмаар шийдвэрлэх нь хуульд харшлахгүй бөгөөд гуравдагч этгээдийн эрх ашиг зөрчигдөөгүй гэж шүүх үзлээ.

Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 44,247 төгрөгийн 50 хувь болох 22,123.5 төгрөгийг төсвийн орлогод хэвээр үлдээж, Дорнод аймгийн Хэрлэн сумын төсвийн орлогоос 22,123.5 төгрөгийг, хариуцагч Ч.*******гаас улсын тэмдэгтийн хураамжид 22,123.5 төгрөгийг тус тус гаргуулж нэхэмжлэгч “******* ББСБ” ХХК-д олгож шийдвэрлэв.

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 75⁸ дугаар зүйлийн 75⁸.1, 74, 75 дугаар зүйлүүдийг удирдлага болгон ЗАХИРАМЖЛАХ нь:

1. Хариуцагч Ч.******* нь зээлийн гэрээний үүрэгт 1,831,000.17 төгрөгийг нэхэмжлэгч “******* ББСБ” ХХК-д төлж барагдуулахыг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 44,247 төгрөгийн 50 хувь болох 22,123.5 төгрөгийг төсвийн орлогод хэвээр үлдээж, Дорнод аймгийн Хэрлэн сумын төсвийн орлогоос 22,123.5 төгрөгийг, хариуцагч Ч.*******гаас улсын тэмдэгтийн хураамжид 22,123.5 төгрөгийг тус тус гаргуулж нэхэмжлэгч “******* ББСБ” ХХК-д олгосугай. 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

 

 

 

ЕРӨНХИЙ ШҮҮГЧ                      Г.ЖАРГАЛТУЯА