Зохигчийн эвлэрлийг баталж, хэргийг

хэрэгсэхгүй болгох тухай

 

Ховд аймаг дахь сум дундын анхан шатны шүүхийн шүүгч Б.Гантөгс би,

Улаанбаатар хот, Чингэлтэй дүүрэг, 1-р хороо, Сүхбаатарын нэрэмжит талбай 5, Голомт банкны төв байранд байрлах, Голомт банк ХК-ийн нэхэмжлэлтэй, Ховд аймгийн Эрдэнэбүрэн сумын  Баянгол багт оршин суух, ******* овогт ******* ******* холбогдох 10,405,298.07 (арван сая дөрвөн зуун дөчин таван мянга хоёр зуун ерэн намайн мянга долоон мөнгө) төгрөг гаргуулах тухай нэхэмжлэлийг 2024 оны 12 дугаар сарын 19-ний өдөр хүлээн авч хянаад, 2024 оны 12 дугаар сарын 24-ний өдөр 153/2025/00004/и индекстэй иргэний хэрэг үүсгэн хянаад

 

ТОДОРХОЙЛОХ нь:

Нэхэмжлэгч Голомт банк ХХК нь  шүүхэд гаргасан нэхэмжлэлдээ: ******* нь 2024 оны 07 дугаар сарын 05-ны өдөр Голомт банктай ЗГ-R001494151 дугаартай дижитал зээлийн гэрээ байгуулж, 10,000,000 төгрөгийн зээлийг жилийн 21 хувийн хүүтэйгээр, 30 сарын хугацаатай зээлэн авсан болно. Зээлдэгч нь зээлийн гэрээгээр хүлээсэн үндсэн зээл, зээлийн хүүг төлөх үүргээ биелүүлэхгүй байгаа тул 2024 оны 11 дүгээр сарын 22-ны өдрийн өдрийн байдлаар зээлийн гэрээний үүрэгт хуримтлагдсан зээлийн үндсэн төлбөр 9,750,642.47 төгрөг, зээлийн хүү 647,124.20 төгрөг, нэмэгдүүлсэн хүү 7,531,41 төгрөг нийт 10,405,298.07 төгрөгийг *******гээс гаргуулахаар нэхэмжлэл гаргасан боловч нэхэмжлэгч Голомт банк ХХК-ийн итгэмжлэгдсэн төлөөлөгч *******, хариуцагч ******* нар дараах нөхцлийг харилцан тохиролцон байгуулав.

Нэг талаас Голомт банкны итгэмжлэгдсэн төлөөлөгч *******, нөгөө талаас зээлдэгч ******* нар нь дараах нөхцөлийг харилцан тохиролцон гэрээ байгуулав.

Голомт банкны нэхэмжлэлийн шаардлага болох10,405,298.07 төгрөгөөс

1.2025 оны 02 дугаар сарын 20-ны өдөр 1,734,216.34 төгрөг

2.2025 оны 03 дугаар сарын 20-ны өдөр 1,734,216.34 төгрөг

3.2025 оны 04 дүгээр сарын 20-ны өдөр 1,734,216.34 төгрөг

4.2025 оны 05 дугаар сарын 20-ны өдөр 1,734,216.34 төгрөг

5.2025 оны 06 дугаар сарын 20-ны өдөр 1,734,216.34 төгрөг

6.2025 оны 07 дугаар сарын 20-ны өдөр 1,734,216.34 төгрөгийг тус тус төлж барагдуулахаар харилцан тохиролцов гэжээ.

 

ҮНДЭСЛЭХ нь:

Нэхэмжлэгч Голомт банк ХХК нь *******п холбогдуулан зээлийн гэрээний үүрэгт 10,405,298.07 төгрөг гаргуулах шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад Иргэний хэрэг шүүхэд хянан шийдвэрлэх тухай хуулийн 25 дугаар зүйл, мөн хуулийн 26 дугаар зүйлд заасан эрх, үүргийн дагуу нэхэмжлэгч Голомт банк ХХК-ийн итгэмжлэгдсэн төлөөлөгч *******, хариуцагч ******* нар дараах нөхцлийг харилцан тохиролцсон эвлэрлийн гэрээг ирүүлжээ.

Голомт банкны нэхэмжлэлийн шаардлага болох10,405,298.07 төгрөгөөс

1. 2025 оны 02 дугаар сарын 20-ны өдөр 1,734,216.34 төгрөг

2. 2025 оны 03 дугаар сарын 20-ны өдөр 1,734,216.34 төгрөг

3. 2025 оны 04 дүгээр сарын 20-ны өдөр 1,734,216.34 төгрөг

4. 2025 оны 05 дугаар сарын 20-ны өдөр 1,734,216.34 төгрөг

5. 2025 оны 06 дугаар сарын 20-ны өдөр 1,734,216.34 төгрөг

6. 2025 оны 07 дугаар сарын 20-ны өдөр 1,734,216.34 төгрөгийг тус тус төлж барагдуулах нөхцөлтэй харилцан тохиролцсон байна.

Зохигч эвлэрсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна гэж үзлээ.

Голомт банк ХХК нь *******д итгэмжлэл олгосон байх ба итгэмжлэлд эвлэрэх эрхийг олгосон болохыг дурдлаа. /хх-ийн 3 дугаар тал/

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар зохигчийн эвлэрлийг баталж, хэргийг хэрэгсэхгүй болгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Голомт банк ХХК-ийн улсын тэмдэгтийн хураамжид төлсөн 181,434.77 төгрөгийг улсын орлогод хэвээр үлдээж, тал хувь болох 90,717.38 төгрөгийг улсын орлогоос буцаан гаргуулж, хариуцагч *******гээс улсын тэмдэгтийн тал хувь болох 90,717.38 төгрөгийг гаргуулан нэхэмжлэгч Голомт банк ХХК-д олгохоор тогтов.

Энэхүү захирамжийг хариуцагч ******* нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

 

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Голомт банк ХХК-ийн нэхэмжлэлтэй хариуцагч Т.******* холбогдох үндсэн зээл 9,750,642.47 төгрөг, зээлийн хүү 647,124.20 төгрөг, нэмэгдүүлсэн хүү 7,531.41 төгрөг, нийт 10,405,298.07 төгрөг гаргуулах тухай иргэний хэрэгт хариуцагч ******* нь нэхэмжлэлийн шаардлага болох 10,405,298.07 төгрөгөөс 1,734,216.34 төгрөгийг 2025 оны 02 дугаар сарын 20-ны өдрийн дотор, 1,734,216.34 төгрөгийг 2025 оны 03 дугаар сарын 20-ны өдрийн дотор, 1,734,216.34 төгрөгийг 2025 оны 04 дүгээр сарын 20-ны өдрийн дотор, 1,734,216.34 төгрөгийг 2025 оны 05 дугаар сарын 20-ны өдрийн дотор, 1,734,216.34 төгрөгийг 2025 оны 06 дугаар сарын 20-ны өдрийн дотор, 1,734,216.34 төгрөгийг 2025 оны 07 дугаар сарын 20-ны өдрийн дотор тус тус төлөхөөр нэхэмжлэгчийн итгэмжлэгдсэн төлөөлөгч *******той эвлэрсэн байх тул зохигчийн эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгч Голомт банк ХХК-ийн улсын тэмдэгтийн хураамжид төлсөн 181,434.77 төгрөгийг улсын орлогод хэвээр үлдээж, тал хувь болох 90,717.38 төгрөгийг улсын орлогоос буцаан гаргуулж, хариуцагч *******гээс улсын тэмдэгтийн тал хувь болох 90,717.38 төгрөгийг гаргуулан нэхэмжлэгч Голомт банк ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч ******* нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигч, тэдгээрийн итгэмжлэгдсэн төлөөлөгч нар давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

   

 

ШҮҮГЧ                                   Б.ГАНТӨГС