Зохигчдын эвлэрлийг баталж

хэргийг хэрэгсэхгүй болгох тухай

 

        Баянгол дүүргийн Иргэний хэргийн анхан шатны шүүхийн шүүгч Г.Ариунаа би,       

 

Нэхэмжлэлийн шаардлага: 362.682 төгрөгийг гаргуулах тухай нэхэмжлэлийг 2024 оны 07 дугаар сарын 01-ний өдөр хүлээн авч хянаад

 

ТОДОРХОЙЛОХ нь:

    

         Нэхэмжлэгч “О” ХХК шүүхэд гаргасан нэхэмжлэлдээ:

         Манай банк бус санхүүгийн байгууллагатай иргэн Ө.Д 2021 оны 12 дугаар сарын 02-ны өдөр 0 дугаартай “Зээлийн гэрээ” байгуулж,  100.000 төгрөгийг, 9.9 хувийн хүүтэй, 2 сарын хугацаатай зээлсэн. Зээлдэгч гэрээний үүргээ биелүүлэхгүй төлбөрөө төлөхгүй байгаа тул үндсэн зээл 100.000 төгрөг, хүү, нэмэгдүүлсэн хүү 262.680 төгрөг нийт 362.682 төгрөгийг гаргуулж өгнө үү, гэжээ

         Зохигчид эвлэрлийн гэрээндээ:

 

         Нэхэмжлэгч “О” ХХК-ийн нэхэмжлэлийн шаардлага  362.682 төгрөгийг хариуцагч Ө.Д хүлээн зөвшөөрч,

                       -2024 оны 12 дугаар сарын 15-ны өдөр 181.341 төгрөг

                       -2024 оны 12 дугаар сарын 30-ны өдөр 181.341 төгрөгийг төлөхөөр харилцан тохиролцож талууд эвлэрсэн эвлэрлийн гэрээг баталж өгнө үү, гэжээ.     

 

ҮНДЭСЛЭХ нь:

       

Шүүх зохигчдын эвлэрлийг баталж хэргийг хэрэгсэхгүй болгож шийдвэрлэх үндэслэлтэй гэж үзлээ.

 

       Хэрэг хянан шийдвэрлэх ажиллагааны явцад нэхэмжлэгч “О” ХХК-ийн нэхэмжлэлийн шаардлага 362.682 төгрөгийг хариуцагч Ө.Д төлөхийг зөвшөөрч, талууд эвлэрэн хэлэлцэж эвлэрлийн гэрээг бичгээр байгуулж, хоёр тал гарын үсгээ зурж баталгаажуулан харилцан тохиролцож эвлэрсэн байх тул зохигчдын эвлэрлийг батлах нь зүйтэй гэж үзлээ.

    

Зохигчид эвлэрэн хэлэлцсэн нь Иргэний хуульд харшлаагүй, гуравдагч этгээдийн хуулиар хамгаалагдсан ашиг сонирхлыг хөндөөгүй байна.

 

           Хэргийг хялбаршуулсан журмаар шийдвэрлэсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийг тал хувиар бууруулж тогтоов.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн

123.1, 74 дүгээр зүйлийн 74.1, 74.2, 75⁸  дугаар зүйлийн 75⁸.1 хэсэгт заасныг

   удирдлага болгон  

ЗАХИРАМЖЛАХ нь:

 

1.Нэхэмжлэгч “О” ХХК-ийн нэхэмжлэлийн шаардлага 362.682 төгрөгийг хариуцагч Ө.Д 2024 оны 12 дугаар сарын 15-ны өдөр 181.341 төгрөг, 2024 оны 12 дугаар сарын 30-ны өдөр 181.341  төгрөгийг төлөхөөр харилцан тохиролцож зохигчид эвлэрснийг баталж хэргийг хэрэгсэхгүй болгосугай.     

 

       2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 11.531 төгрөгийг улсын орлогод үлдээж, хариуцагчаас улсын тэмдэгтийн хураамж 5.765 төгрөг 05 мөнгө, улсын орлогоос улсын тэмдэгтийн хураамж 5.765 төгрөг 05 мөнгийг гаргуулан нэхэмжлэгчид олгосугай.   

 

        3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

        4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

 

ШҮҮГЧ                                    Г.АРИУНАА