Зохигчдын эвлэрлийг баталж

хэргийг хэрэгсэхгүй болгох тухай

 

Баянгол дүүргийн Иргэний хэргийн анхан шатны шүүхийн шүүгч Г.Ариунаа би,

 

Нэхэмжлэлийн шаардлага: 5.115.590 төгрөг 97 мөнгийг гаргуулах тухай нэхэмжлэлийг 2024 оны 05 дугаар сарын 30-ны өдөр хүлээн аваад

 

ТОДОРХОЙЛОХ нь:

Нэхэмжлэгч И ХХК шүүхэд гаргасан нэхэмжлэлдээ:

Иргэн Б.З манай компанитай 2023 оны 08 дугаар сарын 28-ны өдөр 0 дугаартай Цахим зээлийн эрх нээх гэрээ байгуулж, 4.371.000 төгрөгийг, сарын 4.5 хувийн хүүтэй, 30 хоногийн хугацаатай зээлсэн.

Гэтэл зээлдэгч гэрээний үүргээ биелүүлэхгүй төлбөрөө төлөхгүй байгаа тул үндсэн зээлд 3.933.899 төгрөг 90 мөнгө, хүү 942.842 төгрөг 63 мөнгө, нэмэгдүүлсэн хүү 153.648 төгрөг 44 мөнгө, шимтгэл 77.700 төгрөг, нотариатын зардал 7.500 төгрөг нийт 5.115.590 төгрөг 97 мөнгийг гаргуулж өгнө үү, гэжээ.

 

Зохигчид эвлэрлийн гэрээндээ:

 

Нэхэмжлэгч И ХХК-ийн нэхэмжлэлийн шаардлага 5.115.590 төгрөг 97 мөнгийг хариуцагч Б.З хүлээн зөвшөөрч,

-2024 оны 10 дугаар сарын 30-ны өдөр 1.023.118 төгрөг

-2024 оны 11 дүгээр сарын 30-ны өдөр 1.023.118 төгрөг

-2024 оны 12 дугаар сарын 30-ны өдөр 1.023.118 төгрөг

-2025 оны 01 дүгээр сарын 30-ны өдөр 1.023.118 төгрөг

-2025 оны 02 дугаар сарын 30-ны өдөр 1.023.118 төгрөг 97 мөнгийг төлөхөөр харилцан тохиролцож талууд эвлэрсэн эвлэрлийн гэрээг баталж өгнө үү, гэжээ.     

 

ҮНДЭСЛЭХ нь:

        

Шүүх зохигчдын эвлэрлийг баталж хэргийг хэрэгсэхгүй болгож шийдвэрлэх үндэслэлтэй гэж үзлээ.

 

Хэрэг хянан шийдвэрлэх ажиллагааны явцад нэхэмжлэгч  И ХХК-ийн нэхэмжлэлийн шаардлага 5.115.590 төгрөгийг хариуцагч Б.З төлөхийг зөвшөөрч, талууд эвлэрэн хэлэлцэж эвлэрлийн гэрээг бичгээр байгуулж, хоёр тал гарын үсгээ зурж баталгаажуулан харилцан тохиролцож эвлэрсэн байх тул зохигчдын эвлэрлийг батлах нь зүйтэй гэж үзлээ.

Зохигчид эвлэрэн хэлэлцсэн нь Иргэний хуульд харшлаагүй, гуравдагч этгээдийн хуулиар хамгаалагдсан ашиг сонирхлыг хөндөөгүй байна.

 

          Хэргийг хялбаршуулсан журмаар шийдвэрлэсэн тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын тэмдэгтийн хураамжийг тал хувиар бууруулж тогтоов.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн

123.1, 74 дүгээр зүйлийн 74.1, 74.2 дахь хэсэгт заасныг удирдлага болгон 

 

ЗАХИРАМЖЛАХ нь:

 

1.Нэхэмжлэгч  И ХХК-ийн нэхэмжлэлийн шаардлага 5.115.590 төгрөг 97 мөнгийг хариуцагч Б.З 2024 оны 10 дугаар сарын 10-ны өдрөөс 2025 оны 02 дугаар сарын 10-ны өдрийг хүртэл, сар бүрийн 10-ны өдөр 1.023.118 төгрөгийг төлөхөөр харилцан тохиролцож зохигчид эвлэрснийг баталж хэргийг хэрэгсэхгүй болгосугай.     

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 96.799 төгрөг 46 мөнгийг улсын орлогод үлдээж, хариуцагчаас улсын тэмдэгтийн хураамж 48.899 төгрөг 73 мөнгө, улсын орлогоос улсын тэмдэгтийн хураамж 48.899 төгрөг 73 мөнгийг гаргуулан нэхэмжлэгчид олгосугай.   

 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

ШҮҮГЧ                                    Г.АРИУНАА