Зохигчдын эвлэрлийг баталж,

хэргийг хэрэгсэхгүй болгох тухай 

 

         

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн

123.1, 74 дүгээр зүйлийн 74.1, 74.2 дахь хэсэгт заасныг удирдлага болгон 

 

ЗАХИРАМЖЛАХ нь:

 

 1.Нэхэмжлэгч “Н” ХХК нэхэмжлэлийн шаардлага 16.374.099 төгрөг 40 мөнгөнийхөө 6.605.103 төгрөг 40 мөнгөнөөс татгалзаж, 9.768.966 төгрөг нэхэмжилснийг хариуцагч Ч.Г 2022 оны 07 дугаар сарын 30-ны өдрөөс 2023 оны 01 дүгээр сарын 30-ны өдрийг хүртэл сар бүрийн 30-ны өдөр 1.000.000 төгрөг, 2023 оны 02 дугаар сарын 25-ны өдөр 1.000.000 төгрөг, 2023 оны 03 дугаар сарын 30-ны өдөр 1.768.966 төгрөгийг “Н” ХХК-ийн “Хаан” банкны 00000000000 дугаартай дансанд төлөхөөр харилцан тохиролцож, зохигчид эвлэрснийг баталж, хэргийг хэрэгсэхгүй болгосугай.     

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 239.821 төгрөгийг улсын орлогод үлдээж, хариуцагчаас улсын тэмдэгтийн хураамж 119.911 төгрөг, улсын орлогоос улсын тэмдэгтийн хураамж 119.911 төгрөгийг гаргуулж, нэхэмжлэгчид олгосугай.   

 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ШҮҮГЧ                                   Г.АРИУНАА