Зохигчдын эвлэрлийг баталж,

       хэргийг хэрэгсэхгүй болгох тухай 

 

        Баянгол дүүргийн Иргэний хэргийн анхан шатны шүүхийн шүүгч Г.Ариунаа би,

 

 Нэхэмжлэлийн шаардлага: Зээлийн гэрээний үүргийн биелэлтэд 23.217.156 төгрөг 26 мөнгийг гаргуулах тухай нэхэмжлэлийг 2023 оны 11 дүгээр сарын 21-ний өдөр хүлээн авч хянаад 

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн

123.1, 74 дүгээр зүйлийн 74.1, 74.2 дахь хэсэгт заасныг удирдлага болгон 

 

ЗАХИРАМЖЛАХ нь:

 

1.Нэхэмжлэгч “Г” банк ХК-ийн нэхэмжлэлийн шаардлага 23.217.156 төгрөг 26 мөнгийг хариуцагч Д.Х 2024 оны 01 дүгээр сарын 20-ны өдөр 1.000.000 төгрөг, 2024 оны 02 дугаар сарын 20-ны өдөр 600.000 төгрөг, 2024 оны 03 дугаар сарын 20-ны өдөр 600.000 төгрөг, 2024 оны 04 дүгээр сарын 20-ны өдөр 600.000 төгрөг, 2024 оны 05 дугаар сарын 20-ны өдөр 600.000 төгрөг, 2024 оны 06 дугаар сарын 20-ны өдөр 19.817.156 төгрөгийг төлөхөөр харилцан тохиролцож, зохигчид эвлэрснийг баталж хэргийг хэрэгсэхгүй болгосугай.     

 

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 274.036 төгрөгийг улсын орлогод үлдээж, хариуцагчаас улсын тэмдэгтийн хураамж 137.018 төгрөг, улсын орлогоос улсын тэмдэгтийн хураамж 137.018 төгрөгийг гаргуулж, нэхэмжлэгчид олгосугай.   

 

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

 

ШҮҮГЧ                                   Г.АРИУНАА