Хариуцагчийн зөвшөөрлийг баталж, хэргийг

хэрэгсэхгүй болгох тухай

          

Хөвсгөл аймаг дахь сум дундын анхан шатны шүүхийн шүүгч С.Оюунжаргал би,

нэхэмжлэгч: Хөвсгөл аймгийн Мөрөн сумын ***багт байрлах, Х.А

хариуцагч: Хөвсгөл аймгийн *** сумын **дүгээр багт оршин суух, Ш.П

Нэхэмжлэлийн шаардлага: 3,000,000 (гурван сая) төгрөг гаргуулах тухай нэхэмжлэлийг 320/2025/00087/и индекстэй иргэний хэрэг үүсгэн хянаад 

 

ТОДОРХОЙЛОХ нь:

Нэхэмжлэгч Х.А *** шүүхэд гаргасан нэхэмжлэлдээ: Иргэн Ш.А нь Хөдөлмөр эрхлэлтийг дэмжих хөтөлбөрт-т хамрагдаж, түүнд 2017.8.16-ны өдөр Малчин өрхийг малжуулах гэрээ-г байгуулж, түүнд 4,000,000 төгрөгийг 24 сарын хугацаатай, гэрээний хугацаанд зээлийн төлбөрийг төлж барагдуулах нөхцөлтэйгээр зээлдүүлсэн.

Ш.А нь зээлийн төлбөрөөс 1,000,000 төгрөгийг төлж, үлдэх 3,000,000 төгрөгийг төлөөгүй байна.

Хөвсгөл аймаг дахь сум дундын иргэний хэргийн анхан шатны шүүх Эвлэрүүлэн зуучлагчид өргөдөл гаргасан боловч тус ажиллагаа амжилтгүй болсон.

Иймд 2017.8.16-ны өдөр байгуулагдсан Малчин өрхийг малжуулах гэрээ-ний үүрэгт 3,000,000 төгрөгийг Ш.А гаргуулж өгнө үү гэжээ.

Хариуцагч Ш.А тус шүүхэд ирүүлсэн хариу тайлбартаа: Ш.А миний бие анх 2017 оны 8 дугаар сарын 03-ны өдөр Х... 4,000,000 төгрөгний зээлийг Мал авах, малжуулах зорилгоор авч байсан юм. Зээлийн эргэн төлөлтийн хугацааны явцад 1,000,000 төгрөгийг төлж барагдуулсан байгаа, одоо үлдэгдэл 3,000,000 (гурван сая) төгрөгийг Хөвсгөл аймгийн Х... төлж барагдуулахыг хүлээн зөвшөөрч байна.

Иймд тус иргэний хэргийг хялбаршуулсан журмаар хянан шийдвэрлэж өгнө үү гэжээ.

 

ҮНДЭСЛЭХ нь:

Нэхэмжлэгч Хөвсгөл аймгийн Х... нь Ш.П холбогдуулан 3,000,000 (гурван сая) төгрөг гаргуулах тухай шаардлага бүхий нэхэмжлэлийг тус шүүхэд гаргажээ.

Хэрэг хянан шийдвэрлэх ажиллагааны явцад хариуцагч Ш.А нь нэхэмжлэлийн шаардлага болох 3,000,000 (гурван сая) төгрөгийг **** тоот дансанд төлөхийг хүлээн зөвшөөрсөн тайлбарыг 2025 оны 01 дүгээр сарын 24-ний өдөр тус шүүхэд бичгээр ирүүлсэн бөгөөд хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Х.А  нэхэмжлэл нь улсын тэмдэгтийн хураамжаас чөлөөлөгддөг болохыг дурдаж, хариуцагч Ш.А 3,000,000 төгрөгт ногдох улсын тэмдэгтийн хураамж 62,950 (жаран хоёр мянга есөн зуун тавь) төгрөгийн тал хувь болох 31,475 (гучин нэгэн мянга дөрвөн зуун далан тав) төгрөгийг гаргуулан төрийн сангийн 100170000941 тоот дансанд оруулахаар тогтов.

Хариуцагч Ш.А нь энэ захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

  

ЗАХИРАМЖЛАХ нь:

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Хөвсгөл Х.... нэхэмжлэлтэй, хариуцагч Ш.А холбогдох, 3,000,000 (гурван сая) төгрөг гаргуулах тухай иргэний хэрэгт хариуцагч Ш.А нь нэхэмжлэлийн шаардлага болох нийт 3,000,000 (гурван сая) төгрөгийг Хөдөлмөр ** тоот дансанд төлөхийг хүлээн зөвшөөрсөн тул хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Хөвсгөл аймгийн Х.. нэхэмжлэл нь улсын тэмдэгтийн хураамжаас чөлөөлөгддөг болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч Ш.А улсын тэмдэгтийн хураамжийн тал хувь болох 31,475 (гучин нэгэн мянга дөрвөн зуун далан тав) төгрөгийг гаргуулан төрийн сангийн 100170000941 тоот дансанд оруулсугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч Ш.А нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

    

  

 

 

ШҮҮГЧ                                   С.ОЮУНЖАРГАЛ