Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Булган аймаг дахь сум дундын анхан шатны шүүхийн Ерөнхий шүүгч О.Одончимэг би,

Нэхэмжлэгч: У******* хот, Ч*******й дүүрэг, 1 дүгээр хороо, б******* өөрийн байранд байрлах, Ж*******-ийн нэхэмжлэлтэй,

Хариуцагч: Булган аймаг, Т******* сум, 3 дугаар баг, Д******* оршин суух, М*******йн Б*******д холбогдох

Нэхэмжлэлийн шаардлага: Зээлийн гэрээний үүрэгт 1,215,533.76 /нэг сая хоёр зуун арван таван мянга таван зуун гучин гурван төгрөг далан зургаан мөнгө/ төгрөг гаргуулах тухай нэхэмжлэлийг 2024 оны 12 дугаар сарын 20-ны өдөр хүлээн авч хянаад

 

ТОДОРХОЙЛОХ нь:

 

Нэхэмжлэгч Ж******* нь шүүхэд гаргасан нэхэмжлэлдээ: Хариуцагч М.Б*******гаас 1,215,533.76 төгрөгийг гаргуулж өгнө үү гэжээ.

Хариуцагч М.Б******* нь шүүхэд гаргасан хариу тайлбартаа: Жимобайл ХХК-ийн нэхэмжилсэн 1,215,533.76 төгрөгийг төлөхийг зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч Ж******* нь хариуцагч М.Б*******д холбогдуулан зээлийн гэрээний үүрэгт 1,215,533.76 /нэг сая хоёр зуун арван таван мянга таван зуун гучин гурван төгрөг далан зургаан мөнгө/ төгрөг гаргуулах тухай нэхэмжлэл гаргасныг хариуцагч М.Б******* нь төлөхийг хүлээн зөвшөөрсөн тайлбараа шүүхэд гаргасан байна.

Хариуцагчийн зөвшөөрөл нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1 дэх хэсэгт заасныг удирдлага болгон

 

ЗАХИРАМЖЛАХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3-д зааснаар нэхэмжлэгч Ж*******-ийн нэхэмжлэлтэй, М.Б*******д холбогдох зээлийн гэрээний үүрэгт 1,215,533.76 /нэг сая хоёр зуун арван таван мянга таван зуун гучин гурван төгрөг далан зургаан мөнгө/ төгрөг гаргуулах тухай нэхэмжлэлийн шаардлагыг хариуцагч М.Б******* нь төлөхийг хүлээн зөвшөөрснийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн улсын тэмдэгтийн хураамжид төлсөн 33,723 /гучин гурван мянга долоон зуун хорин гурав/ төгрөгөөс 16,861.5 /арван зургаан мянга найман зуун жаран нэгэн төгрөг таван мөнгө/ төгрөгийг Төрийн санд үлдээж, Төрийн сангаас 16,861.5 /арван зургаан мянга найман зуун жаран нэгэн төгрөг таван мөнгө/ төгрөгийг, хариуцагч М.Б*******гаас 16,861.5 /арван зургаан мянга найман зуун жаран нэгэн төгрөг таван мөнгө/ төгрөгийг тус тус гаргуулж, нэхэмжлэгчид олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар захирамжийг хариуцагч сайн дураараа биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ЕРӨНХИЙ ШҮҮГЧ О.ОДОНЧИМЭГ