МОНГОЛ УЛСЫН НЭРИЙН ӨМНӨӨС 

Сүхбаатар аймаг дахь сум дундын анхан шатны шүүхийн шүүгч П.Болормаа даргалж, тус шүүхийн шүүх хуралдааны А танхимд хийсэн иргэний шүүх хуралдаанаар, 

Нэхэмжлэгч: Сүхбаатар аймгийн Баруун-Урт сумын 7 дугаар багт үйл ажиллагаа явуулах ХААН банк ХК-ийн Сүхбаатар салбарын 

*******ийг эрэн сурвалжлуулах тухай нэхэмжлэлийг 2025 оны 01 дүгээр сарын 07-ны өдөр хүлээн авч, 2025 оны 01 дүгээр сарын 14-ний өдөр иргэний хэрэг үүсгэн хянан хэлэлцэв. 

Шүүх хуралдааны оролцогчид:

Нэхэмжлэгчийн итгэмжлэгдсэн төлөөлөгч: Х.Алтантуяа

Шүүх хуралдааны нарийн бичгийн дарга: И.Өсөхбаяр нар оролцов. 

ТОДОРХОЙЛОХ нь: 

1.Нэхэмжлэгч ХААН банк ХК-ийн Сүхбаатар салбар нь *******ийг эрэн сурвалжлуулах тухай нэхэмжлэлийг шүүхэд гаргасан. 

Нэхэмжлэгч нэхэмжлэлийн шаардлагын үндэслэлээ дараах байдлаар тодорхойлж байна. Үүнд:

1.1. ******* ХААН банк ХК-ийн Сүхбаатар салбараас 2018 оны 05 дугаар сарын 31-ний өдөр цалингийн зээл авсан бөгөөд зээлээ төлөхгүй, зээлийн гэрээний үүргээ удаа дараа зөрчсөн, зээл авах үед оршин сууж байсан Сүхбаатар аймаг Баруун-Урт сумын ...-р баг ... тоот хаягтаа амьдрахгүй, оршин суугаа газар нь тодорхойгүй байгаа учир эрэн сурвалжилж, түүний оршин суугаа газрыг тогтоож өгнө үү гэв. 

2. Нэхэмжлэгчээс Сүхбаатар аймгийн Баруун-Урт сумын 2 дугаар багийн Засаг даргын 2024 оны 12 дугаар сарын 17-ны өдрийн 2/355 дугаартай албан тоот, улсын тэмдэгтийн хураамжид 70,200 төгрөг төлсөн баримт, ХААН банк ХК-ийн Сүхбаатар салбар ******* нарын хооронд 2018 оны 05 дугаар сарын 31-ний өдөр байгуулсан зээлийн гэрээ, барьцааны гэрээ, *******ий иргэний үнэмлэхийн хуулбар, итгэмжлэл, ХААН банк ХК-ийн улсын бүртгэлийн гэрчилгээний хуулбар зэргийг шүүхэд нотлох баримтаар гаргаж өгсөн. 

ҮНДЭСЛЭХ нь: 

1. Нэхэмжлэгч ХААН банк ХК-ийн Сүхбаатар салбар нь *******ийг эрэн сурвалжлуулах нэхэмжлэлийг шүүхэд гаргасан.

2. Шүүх нэхэмжлэлийн шаардлагыг бүхэлд нь хангаж шийдвэрлэх үндэслэлтэй гэж үзэв. 

3. Нэхэмжлэгч ХААН банк ХК-ийн Сүхбаатар салбар нь *******ийг хариуцагчаар татаж, шүүхэд нэхэмжлэл гаргах гэсэн боловч *******ий оршин суугаа хаяг тодорхой бус, зээл авах үедээ амьдарч байсан Сүхбаатар аймаг Баруун-Урт сумын ...-р баг .... тоот хаягтаа амьдрахгүй, хаана оршин сууж байгаа нь мэдэгдэхгүй байгаа болох нь нэхэмжлэгчийн шүүхэд гаргасан тайлбар, шүүх хуралдаанаар шинжлэн судлагдсан бичгийн нотлох баримтаар тогтоогдож байна. (хх-4х) 

4. Иймд ХААН банк ХК-ийн Сүхбаатар салбарын *******ийг эрэн сурвалжлуулах тухай хүсэлтийг хангаж, шийдвэрлэх үндэслэлтэй гэж үзэв. 

5. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 70,200 төгрөгийг улсын төсвийн орлогод хэвээр үлдээж шийдвэрлэлээ. 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага болгон

ТОГТООХ нь: 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3 дахь хэсэгт заасныг баримтлан ******* регистртэй, Сүхбаатар аймаг Баруун-Урт сумын ...-р баг ... тоот хаягт оршин сууж байсан, ******* овогт *******ий *******ийг эрэн сурвалжилсугай. 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д заасныг баримтлан *******ийг эрэн сурвалжилж, түүний оршин суугаа хаягийг олж тогтоох ажиллагаа хийхийг Сүхбаатар аймгийн Цагдаагийн газарт үүрэг болгосугай. 

3. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 70,200 төгрөгийг улсын төсвийн орлогод хэвээр үлдээсүгэй. 

4. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 119.4, 119.7-д зааснаар шийдвэр танилцуулан сонсгомогц хуулийн хүчинтэй бөгөөд нэхэмжлэгч 14 хоногийн дотор шүүхэд хүрэлцэн ирж шийдвэрийг өөрөө гардан авах ба шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүй болохыг мэдэгдсүгэй.  

5. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч, тэдгээрийн төлөөлөгч, өмгөөлөгч шийдвэрийг гардан авсан өдрөөс хойш 14 хоногийн дотор Сүхбаатар аймгийн Эрүү, Иргэний хэргийн давж заалдаж шатны шүүхэд давж заалдах гомдол гаргах эрхтэй болохыг дурдсугай. 

 ДАРГАЛАГЧ ШҮҮГЧ П.БОЛОРМАА