Зохигчдын эвлэрлийг баталж,

хэргийг хэрэгсэхгүй болгох тухай

 

 

Дүүргийн Эрүү, Иргэний хэргийн хялбар ажиллагааны анхан шатны тойргийн шүүхийн шүүгч Ч.Мөнхцэцэг би,

 

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон, ЗАХИРАМЖЛАХ нь:

 

1. *** ХХК-ийн нэхэмжлэлтэй, Н.М-д холбогдох, санхүүгийн түрээсийн гэрээний үүрэгт 6,066,241.49 төгрөг гаргуулахыг хүссэн иргэний хэрэгт хариуцагч Н.М нь нэхэмжлэлийн шаардлага 6,066,241.49 төгрөгийг хүлээн зөвшөөрч, 2025.01.25-нд 1,000,000 төгрөг, 2025.02.25-д 1,000,000 төгрөг, 2025.03.25-нд 1,000,000 төгрөг, 2025.04.25-нд 1,000,000 төгрөг, 2025.05.25-нд 1,000,000 төгрөг, 2025.06.25-нд үлдэгдэл 1,066,241.49 төгрөгөөр хувааж төлөхөөр нэхэмжлэгчтэй харилцан тохирч эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 112,010 төгрөгийн 50 хувь болох 56,005 төгрөгийг улсын төсвөөс, 50 хувь болох 56,005 төгрөгийг хариуцагчаас гаргуулж нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх журамтайг мэдэгдсүгэй.

 

4. Хэргийг хялбаршуулсан журмаар хянан шийдвэрлэсэн тул зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ Ч.МӨНХЦЭЦЭГ